Skólavarðan - 01.03.2001, Blaðsíða 18

Ráðstefnuferð
20
Á vegum Selásskóla, sem er einn þriggja
móðurskóla í náttúrufræði í Reykjavík, fóru
þrír starfsmenn; Sigrún Helgadóttir verk-
efnisstjóri móðurskólaverkefnisins, Gunn-
laug Hartmannsdóttir kennari sem hefur
unnið með Sigrúnu að verkefninu og Haf-
steinn Karlsson skólastjóri. Þremenning-
arnir sóttu einnig heim þrjá skóla sem
vinna áhugavert starf í náttúrufræðum.
Á ráðstefnunni var í boði fjöldi fyrir-
lestra, fræðslufunda, kynninga og nám-
skeiða og nauðsynlegt að velja og hafna. Ís-
lendingarnir hittust síðdegis á hverjum degi
og miðluðu hver öðrum því sem þeir höfðu
viðað að sér yfir daginn. Selásskóli hefur
sett skýrslu um ferðina inn á heimasíðu sína
og þar er sagt frá því sem þótti markverðast
á ráðstefnunni og úr skólaheimsóknum.
Meðal þess sem sagt er frá er eftirfarandi:
1. Fræðslufundur hjá breska vísindasögu-
félaginu um hvernig segja má sögur til að
vekja áhuga á vísindum. Sögur eru sagðar af
vísindamönnum og merkilegum uppgötv-
unum og lögð áhersla á að krydda þær og
hafa þær skemmtilegar. Félagið heitir The
British Society for the History of Science
og heldur úti heimasíðu.
2. Hversu fast stígum við til Jarðar? Kynnt
var verkefni til að meta hvað við sem ein-
staklingar þurfum mikið landrými til að lifa
því lífi sem við lifum. Fá má vísbendingu
um þetta með því að setja upplýsingar um
neyslu okkar og þarfir inn á slóðinni
http://www.wwfcanada.org/cgi-bin/
database-cgi/ecofoot.pl
Ef allir Jarðarbúar lifðu líkt og við á
Vesturlöndum þyrftum við að hafa þrjár
Jarðir til umráða í stað einnar. Hvar fáum
við þær? Hvað er til ráða?
3. Uppgötvunarhornið. Tveir Hollend-
ingar kynntu uppgötvunarmiðstöð sem þeir
eru með á þremur stöðum í heimalandi
sínu. Náttúrufræðikennsla er bágborin í
grunnskólum en þarna gefst börnum tæki-
færi til að gera tilraunir og athuganir af
ýmsum toga. Notaður er hræódýr efniviður
og lögð áhersla á að börnin geri sem mest
sjálf án leiðsagnar fullorðinna. Hollending-
arnir og Íslendingarnir kynntust ágætlega
og aldrei að vita nema þau kynni skili sér
inn í íslenskt skólastarf.
Umhverfishermenn
St. Joseph’s Primary School er einn skól-
anna sem heimsóttir voru. Hann er barna-
skóli með 250 nemendur frá 3 - 10 ára sem
koma annars vegar úr efri millistétt og hins
vegar frá mjög fátækum fjölskyldum. Að
loknu spjalli við skólastjóra fylgdu fimm
nemendur gestunum um skólann og skóla-
lóðina og sögðu frá. Þetta er í anda skóla-
stefnu um að velta ábyrgð yfir á nemendur
og þjálfa þá í að koma fram og nota talað
mál. Skólinn er mjög nemendamiðaður.
Nemendaráð er kosið árlega og í því situr
einn fulltrúi hvers bekkjar. Ráðið hittist á sex
vikna fresti og situr skólastjóri fundi þess.
Nemendaráðið hefur heilmikið að segja og
lögð er áhersla á að framkvæma ákvarðanir
þess fljótt og vel þannig að nemendur sjái að
þeir geti haft áhrif og breytt heiminum. Þá
eru svokallaðir „ecowarriors“, tveir úr hverj-
um bekk. Þeir sjá um að kennslustofan líti
vel út og svæðið utan hennar líka (á gangin-
um og á skólalóðinni). Þessi hópur hittist
þegar eitthvað kemur upp á og fundar þá
með skólastjóra og húsverði.
Í frímínútum sinna eldri nemendur yngri
börnum og eru kallaðir vinir. Nemendur
þurfa að sækja um þetta starf sérstaklega.
Einn dag á skólaári kjósa nemendur „skóla-
stjóra“ úr sínum röðum sem verð-
ur skólastjóri í einn dag (children’s
day). Kosið er eftir kosningabar-
áttu og verða þeir sem gefa kost á
sér að halda ræður, leggja fram
stefnu og þvíumlíkt. Sem dæmi má
nefna verkefni sem fólst í því að ef
bekkur gat lagt sig fram og sparað
peninga, til dæmis með minni
pappírsnotkun í kennslustofum
fékk sá bekkur peninginn til ein-
hvers sem þau höfðu áhuga á. Við-
horf skólastjórans er að aldrei eigi
að vantreysta nemendum.
Nánar er sagt frá heimsóknun-
um í Selásskólaskýrslunni.
Þann 3. - 10. janúar sl. fóru 13 Íslend-
ingar á alþjóðlega ráðstefnu í Bret-
landi sem samtök þarlendra náttúru-
fræðikennara, ASE, standa fyrir á ári
hverju. Ráðstefnuna sóttu alls um
3000 manns og í tengslum við hana
var einnig efnt til stórrar sýningar á
efnum og tækjum til náttúrufræði-
kennslu.
Hversu fast stígum við til Jarðar?
Selásskóli leggur áherslu á útikennslu. Á
grjótinu leynast ýmis smáundur verð skoðunar.
Flétturnar sem vaxa á þessum steinum eru
margvíslegar að gerð, formum og lit og þær
má skoða allan ársins hring.
Sigrún Helgadóttir álítur að stafsetja beri
orðið Jörð með stórum staf. Meira um
það í næsta blaði. Óþreyjufullum og
forvitnum lesendum er bent á að hafa
samband við Sigrúnu, netfang:
sigrunh@ismennt.is
Ljósmyndari : Jóhann Ól i Hi lmarsson