Skólavarðan - 01.04.2001, Síða 16
nig eru margir sem ef til vill hefðu sótt um
aðrar námsbrautir en vilja ekki skuldbinda
sig í hálft eða fullt nám, heldur sitja til
dæmis eitt námskeið á misseri eða ári. Vel
kemur til greina að bjóða þessu fólki laus
sæti á námskeiðum í samstarfi við Símennt-
unarstofnun,“ segir Ingvar.
Náið samstarf við nemendur
Innan framhaldsdeildar tíðkast mikil
samvinna milli kennara en einnig er haft
náið samstarf við nemendur um hvernig
þeir vilja hafa námið að sögn Ingvars. „Við
höfum gert róttækar breytingar á uppsetn-
ingu náms í samvinnu við nemendur og má
þar nefna að við stækkuðum námskeiðin
mjög mikið frá því sem var í upphafi. Með
Dipl.Ed.-náminu er jafnframt komin öflug
starfstenging og áhersla lögð á starfstengd
verkefni. Hvað varðar framtíðina erum við
að ræða ýmsar nýjar námsbrautir og á
teikniborðinu eru námsbrautir um ráðgjöf,
nám og kennslu erlendra mála, margmenn-
ingu, nám og kennslu unglinga og loks
framhaldsnám fyrir íþróttakennara. Einnig
eru uppi hugmyndir um nám sem miðast
við þarfir umsjónarkennara.
„Til að tryggja skoðanaskipti og tengsl út
fyrir stofnunina höfum við einnig fundað
með fulltrúum fagfélaga kennara,“ segir
Ingvar. „Eins áttum við gagnlegan fund
með fulltrúum allra skólaskrifstofa á land-
inu þar sem við kynntum nám okkar og
báðum um hugmyndir. Meðal annarra
verkefna á þessum vettvangi má nefna
könnun sem er nýlokið á viðhorfum þeirra
sem hafa lokið meistaranámi til námsins.
Hins vegar má alltaf gera meira, til dæmis
með því að fara út í skólana og tala við fólk
þar,“ bætir Ingvar við.
Fjarnám í mikilli gerjun
Framhaldsdeildin vill einnig nýta netið,
bæði til að kynna námið og sem námsvett-
vang. Að sögn Ingvars nota allir skólastjór-
ar tölvupóst og 60-70% kennara. „Eftir tíu
til fimmtán ár mun fólk geta farið á netið,
sótt námskeið og tekið þátt í umræðuhóp-
um um hvaðeina sem því dettur í hug og
það hefur áhuga á,“ segir Ingvar. Hann er
ekki ókunnugur netinu sem kennslumiðli
og má þar nefna vinsælt námskeið hans,
Litróf kennsluaðferða, þar sem hann sér
aldrei nemendur sína. „Fjarnám er hægt að
skipuleggja þannig að það hefjist á mismun-
andi tíma eftir þörfum hvers og eins og sé
mislangt, allt frá viku og upp í ár ef því er
að skipta. En þetta krefst þess að kennarinn
sé alltaf á vaktinni. Gríðarleg gerjun er í
fjarnámi og við erum að gera úttekt á því
um þessar mundir,“ segir Ingvar. „Mikil-
vægast fyrir okkur í framhaldsdeildinni
núna er þó að bæta kynningu á framhalds-
náminu og við erum þakklát fyrir allar hug-
myndir þar að lútandi og ábendingar um
námið sjálft. Einnig er að hefjast skeið þar
sem réttindi kennara skarast meira en við
höfum áður þekkt, stöðugt fjölgar þeim sem
hafa réttindi á fleiri en einu skólastigi svo
sem bæði á leikskóla- og grunnskólastigi eða
grunnskóla- og framhaldsskólastigi. Við
þurfum líka að búa þroskaþjálfa betur undir
að starfa í skólum, þar sem þeir þurfa að
vinna jöfnum höndum sem grunnskóla- eða
leikskólakennarar og þroskaþjálfar.“
Ingvar bendir á að framhaldsnám fari nú
einnig fram innan grunndeildar í kjölfar
þess að námi þar var breytt verulega. „Kjör-
sviðum var fækkað og þau stækkuð sem
opnar möguleika fyrir starfandi kennara til
að bæta við sig í sínu fagi. Það er mikill
akkur fyrir aðra nemendur grunndeildar að
hafa starfandi kennara sér við hlið í nám-
inu.“
Í lokin er vert að minna á vikulega
fræðslufundi KHÍ sem í raun eru hluti end-
urmenntunarstarfseminnar. Fundirnir eru á
þriðjudögum kl. 16:15 og skólar eða aðrar
stofnanir geta beðið um að þeim sé útvarp-
að til þeirra með fjarfundabúnaði.
keg
Framhaldsmenntun
20
Ingvar: Það er okkur
keppikefli að bjóða
almennt framhaldsnám
hvort heldur er sem
staðnám eða fjarnám að
vali þátttakenda.