Skólavarðan - 01.01.2002, Blaðsíða 10

11. Í Floridafylki þar sem stærstu skól-
arnir í Bandaríkjunum eru, er búið að setja
lög sem takmarka stærð unglingaskóla
(high school) við 900 nemendur; miðskóla
við 700 nemendur og barnaskóla við 500
nemendur. Yfirleitt er talið að hentugasta
stærð unglingaskólanna sé 600-900 nem-
endur; miðskólana 500 nemendur og 300
nemendur í barnaskóla. Börnin á hverju
skólastigi um sig í Bandaríkjunum eru á
svipuðum aldri/þroska því að hvert skóla-
stig þar spannar 3-5 æviár. Þessvegna er
líklega auðveldara að hafa unglinga- og
miðskóla stærri en íslenska grunnskólann
sem spannar 10 æviár barnsins.
12. Það virðist stefna í Bandaríkjunum í
dag að reyna að gera skóla fámennari en
þekkst hefur hingað til. Framlag Banda-
ríska menntamálaráðuneytisins til almenn-
ingsskóla sem vilja draga úr stærð sinni
hefur vaxið úr 45 milljónum dala 1999 í
125 milljónir dala á þessu ári. Hið fram-
sækna tölvusjéní Bill Gates er í fararbroddi
þeirra einstaklinga sem veita fé af ríkidæmi
sínu til að styðja litla skóla. Í fyrra gaf hann
200 milljónir dala til nýrra slíkra skóla, sem
og eldri skóla sem vilja skipta sér upp í
smærri einingar.
13. Niðurstöður rannsókna sem hafa
hrein fjárhagsleg rök að leiðarljósi mæla yf-
irleitt með helmingi stærri grunnskóla en
rannsóknir sem nota eingöngu uppeldis-
eða kennslufræðileg rök.
Ég vek athygli á að þær rannsóknarnið-
urstöður sem taldar eru upp hér að ofan er
hægt að nota við skólamálaumræðu hér-
lendis vegna þess að þær fjalla um sömu
þætti og eiga að vera ofarlega í umræðu um
skólastærð og velferð nemenda hérlendis.
Jafnframt eru þessar rannsóknir gerðar í
vestrænu skólakerfi sem er svipað að inni-
haldi og íslenska skólakerfið.
Nánari upplýsingar um flestar þær rann-
sóknarniðurstöður sem nefndar eru hér að
ofan má fá hjá Educational Resources
Information Center (ERIC) í Bandaríkjun-
um.
Ragnar S. Ragnarsson
Höfundur er atferlissálfræðingur hjá
Skólaskrifstofu Suðurlands.
Fámennir skólar
11
Munið eftir ráðstefnunni Gildi athugana og matsaðferða í
leikskólastarfi þann 21. febrúar nk. á Grand Hóteli, Reykja-
vík. Ráðstefnan er opin öllu starfsfólki leikskóla, greining-
ar- og ráðgjafaraðilum, foreldrum og öðrum sem áhuga
hafa. Ráðstefnugjald er kr. 7500,- Nánari upplýsingar á
skrifstofu KÍ, sími 595 1111.
Ráðstefna fimmtudaginn
21. febrúar
Frétt i r
UT 2002 - ráðstefna um notkun upplýsinga-
tækni í skólastarfi - verður haldin dagana 1. - 2.
mars nk. í Menntaskólanum við Hamrahlíð.
Slagorð ráðstefnunnar er: Dreifmenntun fyrir
alla - alls staðar.
Fjallað verður um notkun upplýsingatækni á leik-, grunn-,
framhalds- og háskólastigi, með áherslu á námsefni á Net-
inu. Beinn tengill á upplýsingar um ráðstefnuna er á vefsíðu
menntamálaráðuneytisins en slóð ráðstefnunnar sjálfrar er
www.menntagatt.is/ut2002/
UT 2002 haldin í MH
Í tilefni af 105 ára afmæli Leikfélags Reykjavíkur þ. 11. janú-
ar sl. var frumsýnt danskt leikrit á Nýja sviðinu í Borgarleik-
húsinu. Fyrir 105 árum þótti það ekkert tiltökumál að sýna
dönsk leikrit hérlendis en á síðustu árum sætir það tíðind-
um, að maður tali nú ekki um leikrit eftir unga konu. Fyrst er
að fæðast heitir verkið og er eftir Line Knutzon. Hún skrifaði
það fyrir útskriftarárgang í leiklistarskólanum í Árósum og
hefur það síðan verið sýnt víða, m.a. í Moskvu og London.
Leikfélag Reykjavíkur prentar leikritið í heild í leikskrá, bæði
á dönsku og íslensku, og ætti þetta að vera kærkomið efni
fyrir alla dönskukennara.
Verkið segir frá sex manneskjum í hamingjuleit. Hver um
sig þráir að vera elskuð og að fá að elska einhvern, en það
eru sérkennileg ljón í veginum. Með aðalhlutverk í leikritinu
fara: Gunnar Hansson, Halldór Gylfason, Harpa Arnardóttir,
Sigrún Edda Björnsdóttir, Sóley Elíasdóttir og Þór Tulinius.
Það er Benedikt Erlingsson sem leikstýrir hópnum.
Verkið er allt á gamansömum nótum, með tregablöndnum
undirtónum þó og hefur af gagnrýnendum fengið stimpilinn:
Danskur gleðigjafi.
Leikrit á dönsku og íslensku
Nefndin var sett á laggirnar 1999 að tilstuðlan menntamálaráð-
herra til að koma á formlegum samráðsvettvangi milli mennta-
málaráðuneytis, Sambands sveitarfélaga, Félags leikskólakenn-
ara og fulltrúa frá samtökum ófaglærðra starfsmanna leikskóla.
Formaður nefndarinnar er Guðni Olgeirsson.
Samráðsnefnd um leikskóla er ætlað að vera umræðu- og
samstarfsvettvangur aðila um ýmis fagleg málefni leikskóla,
vettvangur fyrir samráð og umræður þar sem hægt er að taka
fyrir einstök mál, skiptast á skoðunum og veita upplýsingar,
skýra mismunandi sjónarmið, vekja athygli á málum og finna
ýmsum úrlausnarefnum réttan farveg.
Þann tíma sem nefndin hefur starfað hefur hún hist tólf sinn-
um og tekið ýmis mál til umfjöllunar. Þar má helst nefna
menntamál starfsfólks í leikskólum, starfsmannaskort, starfs-
greinaráð vegna uppeldisbrautar á framhaldsskólastigi, tölvu-
væðingu, slysavarnir og einelti í leikskólum. Einnig hefur verið
fjallað um lög og reglugerðir og úrskurði ráðuneytisins. Talna-
könnun gerði könnun fyrir nefndina um þörf á leikskólakennur-
um til ársins 2010.
Að tilstuðlan nefndarinnar er nýbúið að tilnefna í starfshóp
sem á að koma fram með tillögur að samræmdum öryggisregl-
um fyrir leikskóla. Jónína Lárusdóttir leikskólastjóri situr í
hópnum fyrir hönd Félags leikskólakennara. Verkefni nefndar-
innar á næsta fundi er að fjalla um breytingu á reglugerð um
leikskóla með tilliti til ákvæðis um leiðbeiningar- og stjórnunar-
hlutverk leikskólakennara.
Samráðsnefnd um leikskóla