Skólavarðan - 01.01.2002, Blaðsíða 18

Námsbrautin er 15 einingar og er ætluð
kennurum á öllum skólastigum. Markmið-
ið er að veita þátttakendum tækifæri til að
tileinka sér þekkingu, viðhorf og leikni sem
þarf til að sinna menntun barna í fjölmenn-
ingarsamfélagi. Námið, sem byggist á
tveimur skyldunámskeiðum og einu eða
tveimur valnámskeiðum, er með fjarnáms-
sniði og tekur eitt ár. Við það er miðað að
unnt sé að stunda það með starfi. Auk fjar-
náms hittast nemendur og kennarar tvisvar
til þrisvar á hverju misseri.
Námið er þverfaglegt og hugað verður
að almennum atriðum er varða börn í fjöl-
menningarlegu samfélagi. Áhersla verður
m.a. lögð á réttindi barna, mál og málum-
hverfi, jafnt móðurmál sem erlend mál, að-
lögun og sjálfsmynd. Námið verður tengt
hagnýtum viðfangsefnum í skólum.
Stefnt er að því að við lok námsins hafi
nemendur:
• eflst sem kennarar, m.a. með því að
sjálfstraust, leikni og þekking á þessu sviði
hefur aukist,
• aukið fræðilegan og hagnýtan skilning
á málefnum minnihlutahópa,
• öðlast færni í að beita hugtökum og
kenningum sem tengjast viðfangsefninu og
þróa starfshætti í samræmi við það,
• orðið öruggari í að greina aðstæður og
standa að könnunum og þróunarverkefnum.
Námskeið
Skyldunámskeið eru tvö: Fjölmenning
(5e), Íslenska sem annað mál (5e).
Á fyrra skyldunámskeiðinu, Fjölmenn-
ingu, er m.a. fjallað um stöðu mála hér á
landi og í alþjóðlegu samhengi, búferla-
flutninga, stöðu flóttafólks, fordóma og að-
gerðir stjórnvalda. Þá er rætt um fjölmenn-
ingarlega kennslu, uppeldi í fjölmenningar-
legu samfélagi, stöðu barna og unglinga
sem málfarslegra minnihlutahópa, aðstæð-
ur barna í námi og leik og loks samvinnu
leik- og grunnskóla í þessum efnum.
Á seinna skyldunámskeiðinu, Íslenska
sem annað mál, er lögð áhersla á að nem-
endur öðlist skilning og þekkingu á mennt-
un tvítyngdra barna í fjölmenningarlegu
samfélagi og verði færir um að þróa starfs-
hætti í skólastarfi í samræmi við það. Fjall-
að verður um tungumál í samfélagi manna,
einkum íslensku sem annað mál, kerfi
tungumála og málgerðafræði (máljöfnuð-
ur). Vikið verður að máltöku, máluppeldi
og málnotkun í víðu samhengi. Veruleg
áhersla verður lögð á tvítyngi, fjöltyngi og
muninn á því að öðlast færni í móðurmáli
og öðru (erlendu) máli. Nemendur kynnast
lítillega einu minnihlutamál.
Valnámskeið verða mótuð í samvinnu
við þátttakendur, auk þess sem kostur gef-
st á að sækja ýmis þau námskeið sem
framhaldsdeild hefur upp á að bjóða (Nám
og kennsla um aldahvörf, Mat og þróun-
arstarf, Námskrárfræði, Námsefnisgerð,
Sérkennslufræði, Tölvu og upplýsinga-
tækni).
Kennarar
Umsjónarmaður námsbrautarinnar er
Sigurður Konráðsson prófessor við Kenn-
araháskólans.
Nánari upplýsingar veita Sigurður Kon-
ráðsson prófessor, umsjónarmaður náms-
brautarinnar (sími 563 3835, netfang:
sigkon@khi.is), Heiðrún Kristjánsdóttir
verkefnisstjóri framhaldsdeildar (sími 563
3955, netfang:
framhald@khi.is) og námsráðgjafar skól-
ans (sími 563 3912 og 563 3913,
netfang: namsrad@khi.is). Einnig má
benda á heimasíðu framhaldsdeildar á vef
Kennaraháskólans: www.khi.is
Ein þeirra fjórtán námsbrauta sem
verða í boði við framhaldsdeild Kenn-
araháskólans næsta vetur nefnist
Menntun tvítyngdra barna.
Námsbraut kynnt
Menntun tvítyngdra barna
19
Stefnt er að því að
kynna tvær námsbrautir
til viðbótar í næsta tbl.
Skólavörðunnar, náms-
brautirnar „Umsjónar-
kennarinn“ og „Stærð-
fræðimenntun“.
Ný samtök, Félag um menntarannsóknir, (Icelandic Educational Research Associ-
ation) verða formlega stofnuð miðvikudaginn 20. febrúar nk. Stofnfundurinn verð-
ur í sal Sjómannaskólans í Reykjavík kl. 16:15 og í Háskólanum á Akureyri.
Á samráðsfundi í lok málþingsins Rannsóknir, nýbreytni, þróun sem haldið var
13. nóvember sl. var ákveðið að Rannsóknarstofnun KHÍ skipaði nefnd til að leggja
drög að stofnun félags um menntarannsóknir. Í undirbúningsnefndinni áttu sæti
Allyson Macdonald frá Rannsóknarstofnun Kennaraháskóla Íslands, Börkur Hansen
frá Kennaraháskóla Íslands, Guðrún Ebba Ólafsdóttir frá Kennarasambandi Íslands,
Guðrún Geirsdóttir frá Háskóla Íslands og Ingólfur Ásgeir Jóhannesson frá Háskól-
anum á Akureyri.
Hugmyndin er sú að félagið verði vettvangur fyrir alla þá einstaklinga sem leggja
stund á rannsóknir í menntamálum, vinna að þróunarstarfi í skólum, áhugafólk um
eflingu menntarannsókna og leggja stund á nám í menntunarfræðum.
Í drögum að lögum félagsins er lagt til að markmið félagsins verði:
• að efla rannsóknir og þróunarstarf á sviði menntunar á Íslandi;
• að skapa vettvang fyrir faglega umræðu um rannsóknir og þróunarstarf;
• að stuðla að útbreiðslu þekkingar á rannsóknum og þróunarstarfi;
• að efla tengsl og samstarf félagsmanna;
• að stuðla að samvinnu við samtök og stofnanir sem sinna uppeldis- og mennta-
málum hér á landi og erlendis;
• að efla þekkingu og færni félagsmanna til að leggja stund á rannsóknir á
menntamálum;
• að skapa vettvang fyrir þverfaglegar rannsóknir.
Undirbúningsnefndin taldi heppilegt að félagið væri fyrir alla þá sem hafa áhuga
á rannsóknum um menntamál og að það tengdist skyldum félögum eða stofnunum
um þætti eins og ráðstefnur og útgáfumál. Félagið gæti þannig orðið aðili að ráð-
stefnum ýmiss konar um uppeldis- og menntamál sem og aðili að fræðilegum
tímaritum sem gefin eru út.
Áhugafólk um menntarannsóknir eru hvatt til að mæta á stofnfundinn.
Félag um menntarannsóknir stofnað
20. febrúar nk.
Frétt