Skólavarðan - 01.01.2002, Blaðsíða 16

hrings. Ef þetta bregst af einhverjum sök-
um lætur kennari nemanda sinn vita og
hvenær hann megi eiga von á verkefninu.
Þessi fljótu skil eru afskaplega mikilvæg fyr-
ir nemandann sem situr í einsemd sinni úti
á vettvangi. Námstímabil fylgja sama ann-
arfyrirkomulagi og annað nám við skólann
og eftir 14 vikur eru nemendum send
hvatningarbréf. Það skiptir máli að hvetja
og hafa endinn sýnilegan, og í fjarkennsl-
unni getum við líka sýnt aukna lipurð og
hliðrað til ef því er að skipta af því við erum
ekki að fást við hóp. Þessi rammi hefur gef-
ist mjög vel. Brottfall er 15-20% sem er
mjög lítið og fólk skilar sér vel í próf, eða
um 75-80%. Enda er markmið að tapa sem
fæstum! Eins og í öldungadeild eru reyndar
margir sem ætla sér ekki í próf en hluti
þeirra skiptir um skoðun, enda eru þeir
hvattir til að taka próf í bréfinu sem áður
var getið. Sífellt fleiri líta á fjarnám sem
raunhæfan kost til þess að ljúka einhverju
námi. Kerfið sem við notum er blessunar-
lega ekki flókið,“ segir Haukur og brosir,
„en ég sendi nú samt kennurum dreifbréf í
annarbyrjun til að minna á aðferðafræðina.“
Fjarkennsla er byggðamál!
Nemendur í fjarkennslu VMA eru á öll-
um aldri og búsetudreifing líklega með því
mesta sem þekkist í einum og sama skólan-
um eða sunnan frá eyjuálfu og alla leið
hingað norður. Einn nemenda býr í Kína
og annar í Japan. En hvernig fólk er þetta,
á það eitthvað sameiginlegt? „Þetta er oft
fólk í fullri vinnu,“ segir Haukur. „Einnig
er talsvert af fólki sem á ekki heimangengt,
svo sem heimavinnandi húsmæðrum og
fólki með fötlun eða langvinna sjúkdóma,
einnig fólk sem býr fjarri framhaldsskóla
og þyrfti að flytja til að geta stundað nám
ef fjarkennslunnar nyti ekki við. Einnig má
nefna sjómenn og loks fanga, en þeim fer
fjölgandi í hópi nemenda“.
„Oft er það langþráður draumur sem
þarna er að rætast,“ bætir Aðalheiður við.
„Ekki síst kvenna. Ég hef kennt mörgum
konum í fjarnámi og þær eru bestu og
þakklátustu nemendurnir. Fjarkennsla er
byggðamál! Tilboð sem kemur í veg fyrir
að fólk flytji burt.“
Haukur tekur undir og nefnir að þau fái
líka nemendur sem eru í öðrum framhalds-
skólum en vantar áfanga til að klára önn,
eða vilja taka áfanga sem ekki eru í boði í
heimaskólanum. „Það má því segja að við
séum að auka framboð í framhaldsskóla-
námi í heild sinni,“ segir Haukur. „Til að
byrja með voru flestir nemendanna úr litl-
um byggðum en núorðið eru talsvert
margir úr Reykjavík. Þetta er því verulega
blandaður hópur.“
Tækniumhverfið hefur áhrif
Kennarar í fjarskólanum fá greitt sam-
kvæmt reiknireglu sem Haukur bjó til, en
greiðslan hvílir á stoðum öldungadeildar-
taxta að viðbættri yfirvinnu. „Hér eru ekki
bara framhaldsskólakennarar, heldur einnig
grunnskólakennarar og kennarar sem eru
heimavinnandi að öðru leyti, einnig sér-
fræðingar á ýmsum sviðum. Við erum með
sérstakan kennarapóstlista sem er sameig-
inlegur vettvangur þessa fólks. Vinnuálag
er misjafnt eftir því hvað er verið að kenna,
kennslugreinar eru ólíkar og mismunandi
hvað hægt er að staðla og þróa til hagræð-
ingar fyrir kennara. Í sálfræði, sögu og
félagsfræði er til dæmis ekki hægt að sjálf-
virkja kennsluefnið með því að láta tölvu
fara yfir úrlausnir eins og í gagnvirkum
verkefnum.
F jarkennsla í VMA
17
Rekstur í tvísýnu
Það er barátta að reka fjarkennsl-
una að sögn þeirra Aðalheiðarog
Hauks. Í frétt á heimasíðu skólans
31. janúar sl. segir eftirfarandi:
Í greinargerð um starfsemi fjar-
kennsludeildar VMA haustönn 2001
kemur fram að fjöldi nemenda er
enn fleiri nú en á síðustu önn. Inn-
ritaðir nemendur voru 757, en 50 til
70 manns varð að vísa frá vegna
plássleysis. Alls var kennt í um 180
áföngum.
Haukur Ágústsson kennslustjóri
fjarkennsludeildar segir í greinar-
gerð sinni að deildin hefði getað
vaxið örar, ef ekki hefði komið til
fjárskortur:
„Þessi fjölgun hefði getað orðið
örari, hefðu ekki til komið ýmsir
hamlandi þættir í kringumstæðum
fjarkennslu Verkmenntaskólans á
Akureyri. Þar er ekki síst um að
ræða fjárhagslegar kringumstæður
sem mestan hluta þess tíma sem
fjarkennsla skólans hefur verið rek-
in hafa verið stjórnendum hans
þungar í skauti. Vegna þessara at-
riða voru í fjölda anna settar fjölda-
takmarkanir á heildarnemendahóp-
inn og er svo enn, en þær leiða til
þess, að verulegum fjölda fólks sem
æskir þess að eiga þess kost að
nýta sér þjónustu fjarkennslu Verk-
menntaskólans á Akureyri verður
að vísa frá á hverri önn. Fjöldi
þeirra sem þannig ekki komast að
hefur iðulega farið vel yfir eitt
hundrað umsækjendur.“
Í könnun, sem einnig er birt í
greinargerðinni kemur fram að 90%
svarenda gætu hugsað sér að taka
meira nám í fjarnámi við fjar-
kennsludeild skólans og rúm 94%
svarenda töldu sig geta mælt með
námi við fjarkennsludeild Verk-
menntaskólans á Akureyri.
Það er ljóst að fjarkennsludeild
VMA er komin til að vera.
„Fjarkennsla er byggðamál! Tilboð sem kemur í veg fyrir að fólk flytji burt,“ segir Aðalheiður
Steingrímsdóttir.