Skólavarðan - 01.09.2002, Page 11

útreikningar sögðu til um. Engu að síður
verður að fara varlega fyrstu árin. Það er
skynsamlegra að taka hina ýmsu mála-
flokka inn hægt og hægt en fara of geyst af
stað.“
Færðu mikil viðbrögð frá sjóðfélögum,
hringja þeir og segja álit sitt á sjóðnum?
„Já, fólk hringir mikið en náttúrlega
mest til að spyrja. Mjög margir hringja líka
og þakka fyrir og lýsa ánægju sinni með
sjóðinn. Ef fólk er óánægt er það vegna ó-
þreyju yfir að ekki er búið að taka inn til-
tekna flokka.“
Næstu skref
Hvað er helst til umræðu nú varðandi út-
víkkun styrkja?
„Það sem liggur í loftinu eru umsóknir
sem reglur ná ekki yfir, á borð við ættleið-
ingar og frjósemisaðgerðir. Hingað til höf-
um við því miður þurft að synja umsóknum
af þessum toga. Einnig er mikill vilji til að
taka þátt í kostnaði vegna gleraugnakaupa.
Kennarastarfið er nú þannig að það er eins
gott að fólk sjái til verka! Fólk hefur mikið
spurt um þetta. Við höfum ekki styrkt leisi-
aðgerðir á augum, í framtíðinni verður það
mál kannað en það er umdeilt. Sjóðurinn
er nýr. Það þarf að gefa fólki tækifæri til að
móta hann og finna bestu leiðir til að koma
til móts við þarfir sjóðfélaga. Mikilvægt er
að hver sjóðfélagi sýni ábyrgð og velti fyrir
sér hlutverki sjóðsins, hvernig honum
finnst að hann eigi að vera. Hingað hringdi
kona nýverið sem var með sjúkrahússkostn-
að upp á 40 þúsund eftir endurgreiðslu frá
Tryggingastofnun. Hún ætlaði að bera
þennan kostnað sjálf þótt hún gæti sótt um
styrk úr sjúkrasjóðnum vegna þess að hún
taldi sig búa við það góðar aðstæður efna-
hagslega. Við mismunum auðvitað ekki
fólki eftir efnahag en þetta fannst mér já-
kvætt, að velta því fyrir sér hvort vert væri
að sækja um eða ekki miðað við aðstæður!
Aðgerð sem kostar 18-20 þúsund krónur er
þungur baggi að bera fyrir suma en vasa-
peningur fyrir aðra.“
Hin mikilvæga 6. grein
Sjötta grein úthlutunarreglna Sjúkrasjóðs
Kennarasambands Íslands hljóðar svo:
„Unnt er að sækja um styrki vegna kostn-
aðarsamra aðgerða sem farið er í sam-
kvæmt læknisráði.“ Stutt grein en mikil-
væg. „Já, að sumu leyti er þetta mikilvæg-
asta greinin,“ segir María. „Samkvæmt
henni er til dæmis hægt að sækja um vegna
tannaðgerða annarra en venjulegra tann-
viðgerða, svo fremi sem þær eru að læknis-
ráði. Við fylgjumst grannt með hvaða fyrir-
spurnir berast og hvað er sótt um og sjötta
greinin verður eflaust mótuð meira að
fenginni reynslu. Ákvæðið er mjög opið en
það hefur eina hættu í för með sér. Í heil-
brigðisgeiranum er tilhneiging til að flytja
kostnað yfir á einstaklinga og sjúkrasjóðir
stéttarfélaganna ýta undir hana ef ekki er
varlega farið. Einhvern tímann var opið
ákvæði í sjúkrasjóði nokkrum um að styrkja
skyldi félaga til að fara í grunnkrabba-
meinsskoðun, en án þess að hámarksupp-
hæð væri tiltekin. Þá varð bara grunn-
krabbameinsskoðunin dýrari! Það er nauð-
synlegt að hafa viðmiðunarreglu um há-
marksupphæð og þarna komum við að
nauðsyn samvinnu sjúkrasjóðanna. Ekki er
gott að verkalýðsfélög stuðli að hækkunum
í heilbrigðisgeiranum! Við erum til dæmis í
samvinnu við stjórnir sjúkrasjóðanna hjá
BHM og Sambandi bankamanna og hittum
fólk þar til skrafs og ráðagerða. Þegar fram
líða stundir verður eflaust farið að líta á
sjúkrasjóðina sem stoðkerfi í heilbrigðis-
þjónustunni, þ.e. að þeir verði hluti af
henni með tilliti til kostnaðar. Þótt það sé
auðvitað ekki á okkar vegum að þjónusta
aðra en félagsmenn KÍ þá er í þessu sam-
hengi mjög mikilvægt að muna að ekki eru
allir í stéttarfélagi. Hvað verður um þá?
Þeir mega ekki gleymast!“ segir María og
er heitt í hamsi. „Svo hvet ég félaga til að
kynna sér reglur sjóðsins og endilega: sækja
um,“ segir hún að lokum.
keg
Sjúkras jóður KÍ
13
Vonandi munu allar konur
sækja um þetta þegar þær eru
boðaðar í skoðun annað hvert
ár en styrkurinn gildir að sjálf-
sögðu fyrir allar fyrirbyggjandi
krabbameinsrannsóknir.
„Þetta er sjóður allra félagsmanna, hann er nýr og í mótun og mikilvægt að hver og einn sýni
ábyrgð og velti fyrir sér hlutverki sjóðsins,“ segir María Norðdahl.