Skólavarðan - 01.09.2002, Qupperneq 19

Þessa hugleiðingu skrifar Helgi Gíslason
þáverandi formaður skólanefndar Mennta-
skólans á Egilsstöðum árið 1999 í tilefni af
20 ára afmæli skólans. Margir hafa velt
þessum málum fyrir sér og oft hafa menn
deilt um mikilvægi þess að hafa skóla í
hverju héraði á landinu. Og sitt sýnist
hverjum.
Menntaskólinn á Egilsstöðum á
sér ekki mjög langa sögu en hug-
myndin að menntaskóla á Austur-
landi er eldri. Strax á árum síðari
heimsstyrjaldarinnar voru menn
byrjaðir að ræða um menntaskóla á
Austurlandi og fóru næstu áratugir í
umræðu um hvar og hvernig og
varð töluverð togstreita um það í
fjórðungnum. Eftir töluverðar
vangaveltur urðu Egilsstaðir fyrir
valinu og þann 13. október árið
1975 var fyrsta skóflustungan að
byggingu skólans tekin. Í byrjun
október árið 1979 hófst skólahald í
hinum nýja skóla og voru um hund-
rað nemendur skráðir þar til náms.
Síðan hefur mikið vatn runnið til
sjávar og nú stunda hátt á fjórða
hundrað nemendur nám af ein-
hverju tagi við menntaskólann.
Frumbýlisárin
Austurland skartar sínu fegursta
þennan fallega sumardag þegar Skólavarð-
an tekur hús á Helga Ómari Bragasyni,
skólameistara Menntaskólans á Egilsstöð-
um. Hitinn er vel yfir 20 gráður, sól á lofti
og ekki nema rétt fjórar vikur í að skóla-
starf hefjist á nýjan leik.
Helgi Ómar, sem er Egilsstaðabúi að
upplagi, kom til starfa við skólann árið
1981 og hefur því tekið virkan þátt í að
koma honum í gegnum „unglingsárin“.
Hann tekur á móti mér á skrifstofu sinni
sem er þessa dagana inni í miðju hóteli en
skólinn hýsir Hótel Eddu yfir sumartím-
ann.
„Um hundrað nemendur voru skráðir í
skólann á fyrsta starfsári hans og tveimur
árum síðar útskrifuðum við fyrsta hópinn.
Það var reyndar vegna þess að Vilhjálmur
Einarsson, fyrsti skólameistarinn, hafði
áður verið skólastjóri í Reykholti og með
honum komu nokkrir nemendur sem voru
búnir með fyrstu tvö árin,“ segir Helgi
þegar við rifjum upp frumbýlisár skólans.
Kennt var í bráðabirgða kennslustofum
fyrstu árin en þær voru flestar á neðstu hæð
heimavistarálmu og á efri hæð mötuneyt-
isálmu. Fyrsta árið var gert ráð fyrir 40
nemendum í heimavistinni í 21 tveggja
manna herbergi en í raun var ekki hægt að
taka við nema 34 nemendum þar sem þrjú
herbergi voru tekin undir íbúðir fyrir
kennara. Í Hótel Valaskjálf var gert ráð fyr-
ir 23 nemendum.
Eftir því sem nemendum fjölgaði var
bætt við kennslustofum til bráðabirgða og
eftir því sem árin liðu var heimavistarálma
stækkuð og kennsluhúsið byggt. Nú, ríf-
lega tuttugu árum eftir stofnun skólans, eru
heimavistin og mötuneytið ekki full inn-
réttuð þótt lítið vanti í raun upp á. Enn er
kennt í bráðabirgða kennslustofum og
stjórnunar- og bókasafnsaðstaða er á svæði
sem upphaflega var ætlað til félagsstarfs
nemenda. Helgi telur mjög brýnt fyrir
skólann að hafist verði handa við annan
áfanga kennsluhúss sem fyrst til að skólinn
eigi kost á að vaxa og dafna og vona menn
að fjármagn til þess fáist á næsta ári.
Fjórðungur kennslustunda stoðtímar
Menntaskólinn á Egilsstöðum starfar eft-
ir áfangakerfi og gefur því nemendum sín-
um kost á sveigjanlegum námstíma. Fram-
boð á námsbrautum er fjölbreytt
miðað við smæð skólans. Áhersla er
lögð á bóknámsbrautir til stúdents-
prófs, það er að segja félagsfræði-,
mála- og náttúrufræðibrautir. Einnig
er boðið upp á tveggja ára nám, á
íþróttabraut og almennri braut. Árið
1983 var brugðið út af hefðbundn-
um kennsluháttum og komið á fót
opnu kerfi sem síðar var farið að
kalla stoðkerfi. Það hefur þróast í
gegnum árin og nú er ein af hverjum
sex kennslustundum ætluð fyrir
stoðtíma.
„Þá er það þannig að kennararnir
eru við í tilteknum stofum á vissum
tíma og nemendur geta komið þang-
að og fengið aðstoð við verkefna-
vinnu eða frekari útskýringar á
námsefninu og setið hvort sem þeir
vilja í fimmtán mínútur eða tvo tíma.
Stoðkerfið þjálfar upp sjálfstæð
vinnubrögð hjá nemendum, sem oft
er lykilatriði varðandi velgengni í
háskólanámi síðar meir, og tengsl kennara
og nemenda verða mun persónulegri en í
hefðbundinni kennslu,“ segir Helgi og
bendir á aðra kennslu í skólanum, þar sem
nemandi er enn fjarlægari kennaranum en
ella, og er það fjarnámið sem nú er kostur
sem margir nýta sér.
„Nemendur í dagskólum vilja frekar hafa
kennarana hjá sér og kunna kannski betur
að meta okkur fyrir vikið eftir að hafa
kynnst fjarnámi. Sumum hentar fjarnám
mjög vel en það krefst sjálfsaga af nemend-
Viðta l
22
„Erfitt er að sjá fyrir sér hvernig Egils-
staðir væru án menntaskóla. Nem-
endur, kennarar og aðrir starfsmenn
skapa fjölbreytt samfélag og setja
svip sinn á mannlífið á Héraði. En
áhrifa ME gætir víðar því að hvað
væri Austurland án menntaskóla?“
„Skóli er ekki bara hús
heldur samfélag nemenda
og starfsfólks“
- heimsókn til skólameistara Menntaskólans á Egilsstöðum
„Stoðkerfið þjálfar upp sjálfstæð vinnubrögð hjá
nemendum, sem oft er lykilatriði varðandi vel-
gengni í háskólanámi síðar meir,“ segir Helgi
Ómar Bragason.