Gerðir kirkjuþings - 2010, Síða 58

58
d) að prestastefna og leikmannastefna verði haldnar annað hvort ár og næst
haldin árið 2011.
Kostnaði við prestastefnu og leikmannastefnu var haldið í lágmarki.

e) að námsleyfi verði ekki veitt árin 2010 og 2011.
Námsleyfi presta voru dregin saman úr 36 mánuðum í 16 eða um 20 mánuði.
Afleysing vegna þeirra er leyst með þjónustu héraðspresta þar sem því verður komið
við eða nágrannaþjónustu. Árið 2011verða aðeins veitt námsleyfi til þriggja mánaða.

f) að gerð verði gangskör að því að selja prestsbústaði á þeim stöðum þar sem
viðkomandi prestar eru reiðubúnir að kaupa húsnæðið og búa áfram á
staðnum.
Kirkjuráð leggur á þessu þingi fram tillögu að sölu prestsbústaða þar sem þessi
sjónarmið eru höfð til hliðsjónar.

g) að þóknanir vegna setu í stjórnum, ráðum og nefndum lækki í ljósi aðstæðna
frá og með 1. janúar 2010 og taki mið af reglum sem gilda um sambærileg
nefndarstörf um þessar mundir.
Þóknananefnd hefur ákveðið 10% lækkun á nefndarlaunum frá 1. janúar 2010.

h) að embætti presta í Kaupmannahöfn, London og Gautaborg verði lögð niður
um óákveðinn tíma.
Prestsembætti erlendis voru lögð niður (Gautaborg, Kaupmannahöfn, London). Þar að
auki fækkaði prestsembættum sem hér segir: Ingjaldshólsprestakall sameinaðist
Ólafsvíkurprestakalli, prestsstaða í Laugarnesprestakalli í Reykjavík og prestsstaða í
Bústaða- og Langholtsprestaköllum voru lagðar af.

i) að farið verði yfir héraðs- og sérþjónustuprestsembætti þjóðkirkjunnar og þau
metin með tilliti til sparnaðar, sameiningar eða fækkunar.
(3. mál kirkjuþings 2010 – Fjármál þjóðkirkjunnar.) Í fjárhagsáætlunum vegna ársins
2011 er miðað við að launakostnaður vegna prestsþjónustu lækki sem nemur fjórum
stöðugildum.

j) að starfsmannahald á Biskupsstofu verði endurmetið með tilliti til sparnaðar,
sameiningar eða fækkunar.
Í kjölfar ákvörðunar kjararáðs um fækkun á einingum presta sem greiddar eru með
grunnlaunum mánaðarlega lagðist yfirvinna á Biskupstofu nánast af og reynt hefur
verið að forðast að biðja um slíkt nema í sérstökum undantekningartilvikum. Einnig
voru fastar yfirvinnugreiðslur yfirmanna lækkaðar verulega. Laun yfirmanna hafa
samkvæmt þessu lækkað að meðaltali um 6%. Ekki hefur verið ráðið í störf sem hafa
losnað á Biskupsstofu. Tímabundnar ráðningar á Biskupsstofu verða ekki fram-
lengdar. Í fjárhagsáætlunum er miðað við að launakostnaður á Biskupsstofu lækki sem
nemur fimm stöðugildum.

k) að leitast verði við að fækka fjárveitingum og lækka styrki til verkefna utan
þjóðkirkjunnar.
Fjárhagsáætlun kirkjumálasjóðs vegna ársins 2011 var gerð með hliðsjón af þessum
tilmælum.