Gerðir kirkjuþings - 2010, Page 68

68
ráðuneytinu þar sem niðurskurður vegna fjárlagagerðar 2011 var ræddur. Viðræður
þessar skiluðu þeim árangri að í stað 9% niðurskurðar sem boðaður hafði verið,
verður niðurskurður á fjárlagalið biskups Íslands (laun presta, prófasta, biskupa og
starfsmanna Biskupsstofu) og Kristnisjóði 7,5% eða sá sami og mennta- og menn-
ingarstofnanir verða að sæta. Lækkun á sóknargjöldum samkvæmt fjárlaga-
frumvarpinu er eftir sem áður um 9% og hefur ekki tekist að fá því breytt að svo
stöddu. Að sama marki skerðast framlög til Jöfnunarsjóðs sókna og kirkjumálasjóðs.

Fasteignir kirkjumálasjóðs
Nýtt skipulag á fasteignaumsýslu
Á kirkjuþingi 2009 voru samþykktar starfsreglur nr. 950/2009 um prestssetur og aðrar
fasteignir þjóðkirkjunnar. Reglurnar tóku gildi 1. janúar 2010 og gilda um allar
fasteignir þjóðkirkjunnar. Reglunum er m.a. ætlað að einfalda skipulag fasteigna-
umsýslu þannig að í stað stjórnar prestssetra, ráðgjafarhóps kirkjuráðs um fasteignir
og bygginga- og listanefndar var skipuð ein nefnd, fasteignanefnd þjóðkirkjunnar.
Kirkjuráð skipaði nefndina til eins árs frá 1. janúar 2010 en í henni sitja Guðmundur
Þór Guðmundsson, framkvæmdastjóri kirkjuráðs, og er hann formaður nefndarinnar
og Jóhann E. Björnsson, kirkjuráðsmaður, er varamaður hans. Jafnframt voru skipuð
samkvæmt tilnefningu kirkjuþings kirkjuþingsfulltrúarnir Helga Halldórsdóttir, Vík í
Mýrdal, sem aðalmaður og Margrét Björnsdóttir, Kópavogi, sem varamaður hennar
og Lárus Ægir Guðmundsson, Skagaströnd, sem aðalmaður og Bjarni Kr. Grímsson,
Reykjavík, sem varamaður hans. Kirkjuráð hefur sett fasteignanefnd erindisbréf. Þá
ákvað kirkjuráð að Anna Guðmunda Ingvarsdóttir, lögfræðingur og verkefnastjóri á
fasteignasviði, myndi gegna stöðu sviðsstjóra á fasteignasviði á meðan Guðmundur
Þór Guðmundsson, sviðsstjóri fasteignasviðs, gegnir formennsku í fasteignanefnd.

Helstu mál er varða fasteignir
Helstu mál sem kirkjuráð hefur fjallað um frá síðasta kirkjuþingi og varða fasteignir
eru eftirtalin:

– Þinglýsingar kirkna
Kirkjuþing 2008 ályktaði um nauðsyn þess að koma þinglýsingum kirkjulegra eigna í
viðunandi horf. Verkefnið felst aðallega í því að bjóða sóknarnefndum aðstoð við að
skrásetja kirkjur í þinglýsingahluta Fasteignaskrár Íslands.
Á kirkjuþingi 2009 var enn fremur ályktað um mikilvægi þess að komið væri á
framfæri við sóknir landsins hver ávinningur væri af því að þinglýsa eignum og
réttindum sókna. Kirkjuráð fól fasteignanefnd þjóðkirkjunnar að vinna að verkefninu
og hefur það verið kynnt á héraðsfundum um land allt.
Unnið hefur verið að afmörkun lóða fyrir nokkrar kirkjur og kirkjugarða, einkum á
jörðum kirkjumálasjóðs, en slíkt er nauðsynleg forsenda þess að unnt sé að þinglýsa
heimild sóknar og kirkjugarðs yfir fasteignum. Kirkjuráð samþykkti að þar sem kirkja
og/eða kirkjugarður eru á landi sem er í eigu kirkjumálasjóðs verði gengið frá
afmörkun lands og það afhent til endurgjaldslausra afnota. Gerður verði
skiptasamningur innan þessa lands milli þeirra sem það nýta. Rétt er að árétta að
frumkvæði sóknarnefnda eða annarra fyrirsvarsmanna kirkna og kirkjugarða þarf að
eiga sér stað til að unnt sé að vinna frekar að þinglýsingu kirkju, safnaðarheimilis og
kirkjugarðs, svo og annarra fasteignaréttinda sem sóknir kunna að eiga.