Gerðir kirkjuþings - 2010, Side 75

75
19. mál. Tillaga að starfsreglum um breytingu á starfsreglum um prestssetur og
aðrar fasteignir þjóðkirkjunnar nr. 950/2009
Kirkjuráð hefur fjallað um greiðslumark á prestssetrum og ákveðið að leggja til við
kirkjuþing að reglum um meðferð greiðslumarks verði bætt við starfsreglur um
prestssetur og aðrar fasteignir kirkjumálasjóðs frá 2009. Þessar tillögur til breytinga
munu ekki hafa áhrif á gildandi haldsbréf.
21. mál. Tillaga til þingsályktunar um viðaukasamning við Samkomulag íslenska
ríkisins og þjóðkirkjunnar um kirkjujarðir og launagreiðslur presta og
starfsmanna þjóðkirkjunnar frá 10. janúar 1997
Um er að ræða sams konar viðaukasamning og kirkjuþing 2009 samþykkti til eins árs.
Viðaukasamningurinn felur í sér að þjóðkirkjan fellst á að leggja sitt af mörkum og
hreyfir ekki andmælum við að framlög ríkisins samkvæmt samningi frá 10. janúar
1997 verði lækkuð á árinu 2011 til samræmis við almennan niðurskurð á fjárlögum.

III. Stofnanir, nefndir og starfshópar sem kirkjuráð skipar
Stofnanir og nefndir skila skýrslum í Árbók kirkjunnar eins og fyrr hefur verið greint
frá og er vísað þangað til nánari greinargerða um starfsemi þeirra. Sú umfjöllun sem
hér fer á eftir er til fyllingar því eða sérstakrar áréttingar á atriðum sem kirkjuráð vill
vekja athygli kirkjuþings á.
Samkvæmt 11. gr. starfsreglna um kirkjuráð nr. 817/2000, er meginreglan sú að í
nefndum sem kirkjuráð skipar sitji þrír menn og þrír til vara til fjögurra ára og er
skipað frá og með 1. júlí árið eftir kirkjuþingskjör. Samkvæmt því ber að skipa aftur í
nefndirnar á árinu 2011. Stofnanir sem eru á forræði kirkjuráðs og nefndir og
starfshópar kirkjuráðs eru eftirfarandi:

Skálholt
Kirkjuráð ber ábyrgð á Skálholtsstað, sbr. lög nr. 32/1963. Skálholtsskóli og
Skálholtsstaður eru ein rekstrareining. Stjórn Skálholts starfar í umboði kirkjuráðs.
Stjórnin er skipuð þannig að vígslubiskup, sr. Sigurður Sigurðarson, er formaður og
aðrir í stjórn eru kirkjuráðsmennirnir sr. Kristján Björnsson og Jóhann E. Björnsson.
Varamenn eru sr. Halldór Gunnarsson og Sigríður M. Jóhannsdóttir.
Framkvæmdastjóri Skálholts er Hólmfríður Ingólfsdóttir og rektor Skálholtsskóla er
dr. Kristinn Ólason.

Gestastofa
Reist hefur verið færanlegt hús við vesturenda Skálholtsskóla sem gestastofa og
sýningarhús. Sögusýning hefur verið sett upp í húsinu.

Þorláksbúð
Kirkjuráð hefur heimilað fyrir sitt leyti að félag áhugafólks um Þorláksbúð fengi að
reisa tilgátuhús á rúst hinnar gömlu Þorláksbúðar.

Fjármál Skálholts
Tekjur ársins 2010 hafa reynst mun lægri en fjárhagsáætlanir gerðu ráð fyrir. Það má
m.a. skýra með afpöntunum vegna eldgossins í Eyjafjallajökli en erlendir gestir sem
höfðu tilkynnt komu sína í Skálholt voru ragir við að koma til landsins og við það
lækkuðu tekjur Skálholts um 66% í júní milli áranna 2009 og 2010. Stjórn Skálholts
hefur hækkað verðskrá vegna gisti- og veitingaþjónustu. Þá dróst að opna
gestastofuna en jafnframt hafa mun færri sótt sögusýninguna þar en áætlanir gerðu ráð
fyrir. Kirkjuráð hefur beint því til stjórnar Skálholts að láta vinna úttekt á rekstri
Skálholts hvað varðar verðlagningu þjónustu, starfsmannahald o.fl.