Gerðir kirkjuþings - 2010, Qupperneq 79

79
Allsherjarnefnd vekur athygli á öflugu æskulýðsstarfi kirkjunnar eins og glæsilegt
landsmót æskulýðsfélaga kirkjunnar sem haldið var á Akureyri vitnar um og hvetur til
stofnunar æskulýðsnefndar með hliðsjón af tillögum nefndar um æskulýðsmál í
prófastsdæmum.

Allsherjarnefnd fagnar drögum að stefnumótun um málefni fatlaðra innan íslensku
þjóðkirkjunnar og telur mjög mikilvægt það inntak stefnumótunar að efla þjónustu
kirkjunnar við fatlað fólk í samfélaginu, aðstandendur þess og þau sem starfa að mál-
efnum fatlaðra. Nefndin hvetur til að unnið verði frekar með stefnumótunina.

Allsherjarnefnd hvetur til að unnið verði frekar með endurskoðun á vímuvarnastefnu
kirkjunnar sem lögð var fram á kirkjuþingi.

Allsherjarnefnd fagnar að gerð var könnun á trausti fólks til sóknarkirkjunnar og
presta. Ljóst er að gera þarf reglulega kannanir til að meta stöðuna. Niðurstöður þarf
að nýta í markmiðssetningu fyrir kirkjuna og einnig til að sýna hvar gera má betur.

Allsherjarnefnd kynnti sér skýrslu þjóðmálanefndar og við lestur hennar vöknuðu
spurningar um tilgang og skilvirkni nefndarinnar. Allsherjarnefnd telur rétt að lagt sé
mat á starfið miðað við upphaflegan tilgang.

Allsherjarnefnd vekur athygli á því mikla sjálfboðaliðastarfi sem unnið er innan
kirkjunnar um land allt og þakkar fyrir það. Nefndin telur mikilvægt að
sjálfboðaliðastarf verði eflt enn frekar til að auka þátttöku í kirkjunni og minnir á að
víða hafi verið unnið að slíku starfi sem rétt sé að kynna. Þar má nefna sjálfboðaliða í
helgihaldi, svonefnda „messuþjóna“, svo og skýrslu sem unnin var á vegum Kjalar-
nessprófastsdæmis um kirkjuna sem þátttökusamfélag.

Allsherjarnefnd vekur athygli á drögum að samskiptastefnu þjóðkirkjunnar sem fylgdi
skýrslu kirkjuráðs. Nefndin tekur undir áherslur sem þar koma fram og telur rétt að
málinu verði fylgt eftir. Brýnt er að kynningarmál kirkjunnar séu í stöðugri endur-
skoðun og fagnar nefndin því að nú er unnið að endurbótum á vef kirkjunnar,
kirkjan.is.

Allsherjarnefnd telur mikilvægan vettvang samstarfsnefndar Alþingis og þjóðkirkju til
upplýsinga og til að efla sameiginlegan skilning.

Allsherjarnefnd telur nauðsynlegt að gerð verði úttekt á því hvernig til tókst með
Stefnu og starfsáherslur þjóðkirkjunnar 2004-2010.

Kirkjuráði eru þökkuð góð, fórnfús og umfangsmikil störf á álagstímum, nú þegar
ráðið lýkur störfum.