Gerðir kirkjuþings - 2010, Side 119

119
Fræðsla
Sóknarprestur ber ábyrgð á skírnarfræðslu sóknarinnar og sinnir henni ásamt prestum,
djáknum og öðru starfsfólki sem kallað er til þeirrar þjónustu.
Í hverri sókn landsins eða innan samstarfssvæðis skal bjóða upp á fræðslu um kristna
trú og líf frá vöggu til grafar. Áhersla er lögð á að fræðslan sé heildstæð og nái til
fólks á öllum æviskeiðum.
Sálgæsla og kærleiksþjónusta
Sóknarprestur ber ábyrgð á að sóknarbörn geti þegið sálgæslu ef þau óska þess og
sinnir henni ásamt öðrum vígðum þjónum. Þeir leita samstarfs við presta og djákna í
sérþjónustu sem og Fjölskylduþjónustu kirkjunnar og Hjálparstarf kirkjunnar þar sem
aðstæður krefjast vegna kærleiksþjónustu, sálgæslu og eftirfylgdar. Þeir starfa
samkvæmt viðbragðaáætlun þjóðkirkjunnar sem tengd er almannavörnum þegar
aðstæður krefjast.

Yfirmenn, forysta og samstarf
Prestar þjóðkirkjunnar lúta tilsjón biskups Íslands.

Sóknum og prestum ber að hafa með sér samstarf sem tryggir sóknarbörnum
kirkjulega þjónustu í sóknum og á samstarfssvæðum. Sóknarprestar skipta með sér
forystu um samstarf á samstarfssvæðum þjóðkirkjunnar í samvinnu við prófast og
bera ábyrgð á að slíkt samstarf sé virkt.

Á samstarfssvæðum þar sem eingöngu starfa sóknarprestar skulu þeir hafa samstarf
um kirkjulega þjónustu svæðisins. Þar sem starfandi eru sóknarprestar og prestar
skulu allir aðilar hafa skyldur við svæðið í heild. Á samstarfssvæðum skulu bæði
sóknarprestar og prestar hafa samstarf við kirkjulega þjónustu og skyldur við svæðið í
heild.

Sóknir innan samstarfssvæðis30 skipuleggja starf sitt þannig að sóknarbarn hafi
aðgang að guðsþjónustu í einhverri kirkju svæðisins hvern helgan dag og að fræðslu
sé sinnt í samræmi við starfsáætlun kirkjunnar.
Laun, starfsaðstaða og rekstrarkostnaður
Laun presta eru ákvörðuð af kjararáði. Um embættiskostnað gilda lög um
embættiskostnað sóknarpresta og aukaverk þeirra nr. 36/1931 og starfsreglur um
rekstrarkostnað prestsembætta og vegna prófastsdæma nr. 819/1999. Í þeim tilvikum
þar sem prestssetur fylgir embætti gilda starfsreglur um prestssetur og aðrar fasteignir
þjóðkirkjunnar nr. 950/2009. Um nýtingu kirkna og safnaðarheimila til kirkjulegs
starfs gilda starfsreglur um kirkjur og safnaðarheimili nr. 822/2000.

Auglýsingar og ráðningar31
Prestsstörf í prestakalli skulu auglýst í Lögbirtingablaði, sbr. lög um réttindi og
skyldur starfsmanna ríkisins nr. 70/1996, og á öðrum opinberum vettvangi í samræmi
við starfsreglur um presta nr. 735/1998. Valnefnd sem skipuð er níu manns úr
prestakallinu og prófasti þess velur sóknarprest og prest. Biskup skipar sóknarprest og

30 Sjá kaflann um samstarfssvæði.
31 Hér er vitnað í gildandi reglur en kirkjuþing hefur skipað nefnd til að endurskoða þessa þætti.