Gerðir kirkjuþings - 2010, Side 123

123
Auglýsingar og ráðningar
Biskup Íslands auglýsir laus störf djákna í samráði við vinnuveitanda.
Vinnuveitandi skal gera skriflegan ráðningarsamning við djákna sem kveður á um
starfsskyldur hans. Drög að ráðningarsamningi skulu liggja fyrir þegar starfið er
auglýst.

Djáknar eru ráðnir með samþykki biskups Íslands.
Djáknar sem starfa í söfnuðum eru ráðnir af sóknarnefnd í samráði við sóknarprest.
Djáknar sem starfa á stofnunum lúta skipulagi og starfsfyrirkomulagi viðkomandi
stofnunar.
Djáknar starfa á grundvelli ráðningarsamnings og erindisbréfs frá biskupi.
Unnt er að krefjast sérþekkingar eða sérmenntunar umfram djáknanámið þegar starf er
auglýst. Sjá nánar í starfsreglum um djákna nr. 738/1998.
Vígsla djákna
Vísað er í kafla 17, Vígsla til þjónustu.
Embættisklæði og skrúði
Vísað er í kafla 22, Embættisklæði og skrúði.
Lög og starfsreglur
Um djákna gilda ákvæði í lögum um stöðu, stjórn og starfshætti kirkjunnar nr.
78/1997 og starfsreglur um djákna nr. 738/1998.
24.10 Organisti
Meginhlutverk
Organisti leikur á orgel og stýrir söng og tónlistarflutningi í helgihaldi kirkjunnar í
samræmi við tónlistarstefnu þjóðkirkjunnar.
Menntun og þjálfun
Til að vera kirkjuorganisti eða kantor þarf að uppfylla kröfur um menntun.
Kirkjuorganisti nefnist hver sá sem lokið hefur námi sem viðurkennt er af Tónskóla
þjóðkirkjunnar og gegnir starfi organista hjá söfnuði.
Kantor getur sá kallast sem hefur lokið þriggja ára BA-námi við Listaháskóla Íslands
og Tónskóla þjóðkirkjunnar sem inniheldur m.a. starfsnám á vegum Tónskólans eða
sambærilega menntun frá erlendum háskóla.
Helstu verkefni
Organisti starfar við ákveðinn söfnuð eða söfnuði en getur einnig gegnt verkefnum
innan samstarfssvæðis ef um það er samið.

Helgihald
Organisti leiðir söng safnaðarins í helgihaldinu. Hann leikur á hljóðfæri við
guðsþjónustur og aðrar athafnir. Hann sér um forsöng, hljóðfæraleik og kórstjórn við
kirkjulegar athafnir sé eftir því leitað af sóknarbörnum.

Boðun og fræðsla
Organisti veitir leiðsögn og fræðslu, til dæmis fermingarbörnum, um tónlist í
helgihaldi í samráði við sóknarprest. Organisti stuðlar að því, ásamt með prestum og
öðru starfsfólki kirkjunnar að börn og unglingar læri sálma.