Gerðir kirkjuþings - 2010, Qupperneq 167

167
16. mál kirkjuþings 2010
Flutt af kirkjuráði
Samþykkt þannig að lokinni umfjöllun í löggjafarnefnd:

Starfsreglur um breytingu á ýmsum starfsreglum.

1. gr.
Ákvæði starfsreglna um sóknarnefndir nr. 732/1998 breytast sem hér segir:
a) 1. ml. 1. mgr. orðist svo:
b) Sóknarnefnd starfar á grundvelli laga um stöðu, stjórn og starfshætti
þjóðkirkjunnar og á evangelísk-lútherskum grunni. Sóknarnefnd starfar sömuleiðis
eftir starfsreglum og samþykktum kirkjuþings.
c) Við 1. mgr. 4. gr. bætist nýr 3. ml. svohljóðandi: Óski kirkjuráð þess skal sóknar-
nefnd leggja fram fjárhagsáætlun sína fyrir kirkjuráð a.m.k. viku fyrir aðal-
safnaðarfund að jafnaði.
d) 9. gr. orðist svo:
e) Sóknarnefnd sér til þess að ársreikningur sóknar sé gerður fyrir hvert almanaksár.
Ársreikningurinn skal áritaður af sóknarnefnd, endurskoðaður af kjörnum skoð-
unarmönnum eða endurskoðanda og lagður fram á aðalsafnaðarfundi til kynningar
og afgreiðslu og síðan sendur kirkjuráði. Heimilt er kirkjuráði að fela próföstum
að kalla eftir ársreikningum sókna.
f) Kirkjuráð getur ákveðið lokafrest sem sóknir hafa til að skila ársreikningi. Sé
ársreikningi ekki skilað innan tilskilins frests getur kirkjuráð óskað eftir að
sóknargjald viðkomandi sóknar renni inn á sérgreindan biðreikning hjá Jöfnunar-
sjóði sókna. Sóknargjald greiðist sókninni þegar löglegum ársreikningi hefur verið
skilað.
g) d) Við 17. gr. bætist nýr ml. svohljóðandi:
h) Hafa ber hliðsjón af starfsreglum um djákna og organista við gerð ráðningar-
samninga við þá og setningu erindisbréfs, svo og samþykktum stefnumálum
kirkjuþings sem varða starfssvið þeirra sérstaklega.

2. gr.
2. mgr. 41. gr. starfsreglna um presta nr. 735/1998 fellur brott.
Ákvæði til bráðabirgða fellur brott.

3. gr.
7. gr. starfsreglna um organista nr. 823/1999 orðist svo:
Sóknarnefnd, í samráði við sóknarprest og prest, setur organista erindisbréf. Skal
skilgreina þar hlutverk organista, verksvið og starfsskyldur. Skal erindisbréfið vera til
samræmis við starfsreglur þessar, starfsreglur um kirkjutónlist og Tónlistarstefnu
kirkjunnar.

4. gr.
4. gr. starfsreglna um sérþjónustupresta sem ráðnir eru á vegum stofnana og félaga-
samtaka nr. 824/1999 orðist svo:
Sérstaklega tilkvödd valnefnd veitir umsögn um þá sem sækja um starf sérþjónustu-
prests. Nefndin er skipuð þremur mönnum og þremur til vara. Vinnuveitandi skipar
einn og er sá jafnframt formaður. Biskup skipar einn. Vinnuveitandi og biskup hafa
samráð um skipun þriðja nefndarmannsins og skal þess gætt að hann komi úr röðum
fagsamtaka á viðkomandi starfssviði.