Morgunblaðið - 23.10.2015, Qupperneq 41

MENNING 41
MORGUNBLAÐIÐ FÖSTUDAGUR 23. OKTÓBER 2015
Helgi Snær Sigurðsson
helgisnaer@mbl.is
Kafari nefnist önnur plata hljóm-
sveitarinnar Lockerbie sem kom út
14. október sl. en sú fyrsta, Ólgu-
sjór, kom út árið 2011 og var dreift
víða um Evrópu og Japan. Kafari
var yfir tvö og hálft ár í vinnslu og
er aðeins aðgengileg á netinu og frí
til niðurhals. Í stað þess að selja
plötuna hefur hljómsveitin efnt til
hópfjáröflunar fyrir vínylútgáfu á
henni á vefsíðunni Karolinafund.
Þeir sem styrkja hana um 30 evrur
eða hærri upphæð fá plötuna og að
auki er annar varningur tengdur
sveitinni í boði, allt eftir upphæð
styrksins.
Sala á lagi dugði fyrir kostnaði
Lockerbie skipa þeir Davíð Arnar
Sigurðsson sem leikur á píanó, Rún-
ar Steinn Rúnarsson trommuleik-
ari, Þórður Páll Pálsson söngvari og
gítarleikari, Hafsteinn Þráinsson
gítarleikari og Guðmundur Hólm
sem leikur á bassa. Blaðamaður
ræddi við Davíð um plötuna og
spurði hann fyrst hvort eitthvert
þema væri í gangi hvað plötutitla
varðar þar sem báðir tengjast sjón-
um.
„Þetta nafn kom út af einu lagi á
plötunni sem heitir „Kafari“ og okk-
ur fannst það skemmtilegt og flott
nafn. Það er engin tenging við fyrri
plötuna,“ segir Davíð.
– Hvers vegna eruð þið að gefa
plötuna á netinu? Þið græðið varla á
því?
„Nei. Málið er bara að það eru
svo fáir að kaupa geisladiska eins
og er að við ákváðum bara að gera
þetta svona. Við náðum að fjár-
magna allan kostnaðinn við plötuna
með því að selja lag í auglýsingu og
ákváðum því að reyna að dreifa
henni eins mikið og við gætum svo
fólk vissi hverjir við værum. Það er
alveg eins gott að gera það eins og
fara í einhverja auglýsingaherferð
og við töldum ekki svo miklu að
tapa miðað við að reyna að selja
geisladiska,“ segir Davíð.
Vildu prófa eitthvað nýtt
– Það er ansi langt síðan þið gáf-
uð út fyrstu plötuna …
„Já, þetta
ferli er búið
að taka lang-
an tíma, það
er langt síðan
platan var
tilbúin, þ.e.
tónlistin á
hana, en hún tafðist alltaf eitthvað.
Við erum allir í háskólanámi og
þetta hefur kannski ekki verið alveg
fremst hjá okkur öllum, að vinna í
þessu,“ segir Davíð. Hljómsveitin
hafi gert plötuna alla sjálf, sem hafi
verið tímafrekt.
– Einhver breyting hefur orðið á
tónlistinni hjá ykkur milli platna,
þið ákváðuð t.d. að nota hljóðgervla
í stað strengjasveitar á plötunni.
Hvers vegna gerðuð þið það?
„Það var m.a. af praktískum
ástæðum. Þegar þú ert að spila á
einhverjum skemmtistað getur ver-
ið dálítið vesen að vera með
strengjasveit, sviðið er lítið og það
getur verið erfitt þegar mikil læti
eru á sviðinu þá lekur allt í hljóð-
nemana hjá strengjasveitinni. Það
er dálítið baks nema þú sért á stóru
sviði í Hörpu með toppgræjur. Svo
langaði okkur ekki að gera sömu
plötuna aftur, vildum prófa eitthvað
nýtt.“
– Hvernig er best að lýsa tónlist-
inni ykkar? Melódískt, rafskotið
popp?
„Já, ég held þú sért ekki fjarri
lagi. Þetta er náttúrlega svolítið
rokkað líka, svolítið harðir kaflar
stundum,“ svarar Davíð. „Þetta er
dálítið rafskotið núna, við vorum að
prófa að vera með raftakta líka sem
við gerðum ekki á síðustu plötu.“
Ísköld myndataka
Eitt myndband við lag af plötunni
hefur litið dagsins ljós, við titillag
plötunnar, og var því leikstýrt af
frönskum vídeólistamanni, Timot-
hée Lambrecq, sem hljómsveitin
kynntist á tónleikum sem hún hélt
um það leyti er hún gaf út Ólgusjó.
Lambrecq kom hingað til lands í
sumar til að taka upp myndbönd
fyrir vef Grapevine og bað hljóm-
sveitin hann þá að gera mynd-
bandið. Í því sést Þórður ferðast frá
sveit til borgar og hittir hann á leið-
inni meðlimi hljómsveitarinnar við
furðulegar aðstæður. Myndbandið
endar í uppáhaldssundlaug hljóm-
sveitarinnar, Sundhöll Hafn-
arfjarðar og ljósmyndin sem prýðir
umslag Kafara var einnig tekin þar.
„Við leigðum laugina í einn dag og
tókum fullt af myndum, m.a. mynd-
ir sem við notuðum aldrei,“ segir
Davíð.
Kynningarljósmynd sem blaða-
maður fékk í tölvupósti er einnig
tengd vatni því hún sýnir hljóm-
sveitina úti í sjó. „Hljómsveita-
myndir eru oft svo klisjukenndar og
við vildum gera eitthvað mjög steikt
og fórum því út í sjó. Það var ógeðs-
lega kalt,“ segir Davíð og hlær.
– Voruð þið lengi í sjónum?
„Já en ljósmyndarinn er mesta
hetjan því hann var í sjónum í kort-
er. Ég skil ekki hvernig hann fór að
því,“ segir Davíð kíminn en mynd-
ina tók Hörður Ellert Ólafsson.
Kaldir Lockerbie-menn létu sig hafa það að svamla í ísköldum sjónum fyrir þessa ágætu hljómsveitarmynd sem Hörður Ellert Ólafsson tók.
„Vildum prófa eitthvað nýtt“
 Lockerbie gefur út aðra plötu sína, Kafara, á netinu og er hún frí til niðurhals  Hópfjár-
mögnun stendur yfir fyrir vínylútgáfu  Rafskotnari tónlist en á fyrstu plötu sveitarinnar
Vefsíða Lockerbie: lockerbie.is.
Ljóðapartí verð-
ur haldið í kvöld
á Gauknum með
ljóðaupplestrum
og rappi. Partíið
hefst kl. 20 og
kynnir verður
Hallgrímur
Helgason. Fram
koma Arngrímur
Vídalín, Ásgeir
H. Ingólfsson, Elias Knörr vs. Elías
Portela, Eydís P. Blöndal, Ewa
Marcinek, Ingólfur Gíslason, Jón
Magnús Arnarsson, Kári Tulinius,
Kristín Svava Tómasdóttir, Lommi
og Þórdís Gísladóttir. Dagskránni
lýkur með rappi rappsveitarinnar
Krakk & Spaghettí.
Ljóð og rapp
Þórdís Gísladóttir
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna siglir
í allan vetur
Bókaðu
núna!
Norræna siglir vikulega yfir vetrartímann frá Seyðisfirði til Færeyja og
Danmerkur. Hægt er að bóka ferðir í allan vetur á frábæru verði.
Þeim sem bóka sig er sérstalega bent á að kynna sér vel aukaskilmála vegna vetrarsiglinga.
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
CRIMSON PEAK 8,10:30
PAN 3D ÍSL 5
ÞRESTIR 3:50,5:50
KLOVN FOREVER 8,10:10
EVEREST 3D 5,8
SICARIO 10:30
LAUGARÁSBÍÓ Sýningartímar
Miðasala og nánari upplýsingar