Víkurfréttir - 14.01.1988, Blaðsíða 17

\)iKur<
4*au*
Grindavík
áfram
„Spútniklið" Grindavíkur í
körfubolta vann yfirburðarsig-
ur á Borgnesingum í bikar-
keppni KKI í Grindavík sl.
föstudag. Heimamenn skoruðu
hvorki fleiri né færri en 139 stig
gegn 83 stigum Borgnesinga.
Staðan í hálfleik var 60:41.
Eins og tölurnar gefa til
kynna voru yfirburðir Grind-
víkinga miklir. Þeir náðu góðu
forskoti í byrjun og juku það
jafnt og þétt úr leikinn. Stiga-
hæstir í liði UMFG voru Guð-
mundur Bragason, sem skoraði
33 stig, og þeir Hjálmar Hall-
grímsson og , Sveinbjörn Sig-
urðsson, báðir með 17 stig.
Tap hjá
Grindavíkur-
dömum
Kvennalið UMFG og Hauka
áttust við í Grindavík á föstu-
dag og var leikurinn liður í bik-
arkeppni KKI. Haukastúlkurn-
ar báru sigur úr býtum, skoruðu
50 stig gegn 42 hjá UMFG.
Haukaliðið náði 10 stiga forystu
í byrjun lciksins og hélst sá mun-
ur eftir það. Staðan í leikhléi var
23:13 fyrir Hauka.
Stigahæstar hjá Grindavík
voru Marta Guðmundsdóttir
með 21 stig og Svanhildur Kára-
dóttir með 11 stig.
2. deildar
liðin
neðst
A-lið IBK sigraði í Suðurnesj-
amótinu í handbolta sem fram
fór á milli jóla og nýárs. Liðið
sigraði í öllum viðureignum sín-
um. B-lið IBK varð í öðru sæti
og sigraði bæði 2. deildar liðin,
UMFN og Reyni, en tapaði fyrir
A-liði ÍBK. UMFN vann svo
Reyni í „úrslitum" um botnsæt-
ið.
Þetta er í annað sinn sem þessi
keppni fer fram en hún var í
fyrsta skipti í fyrra en þá sigraði
ÍBK einnig í henni. Athygli
vakti léleg frammistaða UMFN
og Reynis en bæði liðin eru í efri
kanti 2. deildaren IBK leikurí 3.
deild.
ÍBK vann
Stjörnuna
B-lið ÍBK sigraði Stjörnuna í
viðureign liðanna í Iþróttahúsi
Keflavíkur sl. sunnudag. ÍBK
skoraði 34 mörk gegn 25 Stjörn-
unnar. I hálfleik var IBK með
forystu, 16-12.
Keflvíkingar með Frey Sverr-
isson og Sigurð Björgvinsson í
fararbroddi áttu aldrei í vand-
ræðum með Stjörnuliðið og
unnu öruggan sigur.
Mörk ÍBK: Freyr 12, Sigurð-
ur Bj. 8, Jón Olsen 5, Rúnar G.
4, Sigurbjörn G. 3 og Atli Þ. og
Magnús markvörður eitt hvor.
Fimmtudagur 14, janúar 1988 17
íþróttamolar
* Freyr Sverrisson, sem leikið
hefur með IBK undanfarin ár
hefur gengið til liðs við Grind-
víkinga sem leika í 3. deild.
Astæðan er sú að hann telur sig
ekki eiga möguleika á að kom-
ast í ÍBK-liðið á meðan Frank
Upton stjórnar því. Freyr á nú
aðeins eftir að leika með Víði til
að hafa verið í öllum knatt-
spyrnuliðunum á Suðurnesjum.
* Víðismenn hafa fengið góð-
an liðsstyrk. Hafþór Sveinjóns-
son, fyrrum Framari og Vals-
maður, hefur gengið tii liðs við
félagið. Hann kemur til með að
taka við stöðu Daniels Einars-
sonar sem, eins og kunnugt er
orðið, leikur með IBK næsta
tímabil sem og bróðir hans
Grétar.
* Freyr Bragason, leikmaður
með IBK, mun einnig vera bú-
inn að skipta yfirí Víði ogheyrst
hefur að Gestur Gylfason, Kefl-
víkingur, sé einnig að hugsa
skipti þangað. Það má því segja
að ÍBK og Víðir skiptist á leik-
mönnum eftir „behag“.
* Keflvíkingar ætla sér stóra
hluti í knattspyrnunni í sumar.
Þeir hafa fengið nýja leikmenn
og segjast vera með besta þjálf-
arann. En bak við allt batteríið
er auðvitað knattspyrnuráð og í
það hafa Keflvíkingar nú fengið
þrjá nýja „leikmenn". Þeir eru
Ragnar Örn Pétursson, Indriði
Jóhannsson og Sigurlaug Krist-
insdóttir. Formaðurinn er
áfram í hásæti en það er Kristján
Ingi Helgason.en hannerbúinn
að standa í eldlínunni í mörgár.
Freyr Sverrisson klæðist bún-
ingi Grindavíkur
næsta sumar.
I'BK vann Þrótt
Keflvíkingar náðu í tvö stig í
Seljaskóla er þeir léku gegn
Þrótturum í 3. deild handbolt-
ans sl. laugardag. IBK vann 22-
18.
Sigur IBK var sanngjarn og
öruggur. Liðið hafði forystu all-
an tímann, 2-4 mörk. Bestu
menn liðsins voru markverðirnir
Pétur Magnússon og Þórólfur
Beck en hann varði 3 vítaskot í
röð frá Þrótturum oggerði von-
ir þeirra um að minnka muninn
að engu. Hermann Hermanns-
son, línumaður, átti einnig góð-
an leik.
Mörk ÍBK: Hafsteinn 9 (7 v.),
Hermann 4, Gísli 4, Einar Sig-
urp. 3, Jóh. Júl og Ellert 1 hvor.
Keflvíkingar eru nú efstir í
deildinni, hafa aðeins tapað ein-
um leik. N.k. miðvikudag Ieika
þeir við IH í Keflavík og verður
það úrslitaleikurinn í deildinni.
Hart barist í leik UMFN og ÍBK. Magnús Guðfinnsson og Valur Ingimundarson í baráttu
undir körfunni.
Ljósm.: rós.
„Áttum toppleik"
- sagði Valur Ingimundarson eftir sigur UMFN á ÍBK
í Bikarkeppni KKÍ, 88:83
Njarðvíkingar sigruðu Keflvíkinga í skemmtilegum leik, 88:83 eftir að staðan í hálf-
leik hafði verið 45:43 þeim í vil.
Leikurinn var mjög hratt spil-
aður og spennandi enda var
aldrei óbrúanlegt bil á milli lið-
anna. Þessi tvö lið eru mjög jöfn
og lítið sem skilur þau að. Þó var
vörn Njarðvíkinga öllu sterkari
en Keflvíkinga. Góð hittni Vals
Ingimundarsonar vó þungt í
sigri Njarðvíkinga.
Mikil harka var í þessum leik.
Óþarflega mikið návígi, eins og
oft vill brenna við í leik milli
þéssara Iiða. Munaði litlu að úr
yrðu slagsmál en þó tókst að
halda því niðri.
Njarðvíkingar byrjuðu vel og
náðu að komast í 11:4 og 23:16.
Það tók Keflvíkingana nokkurn
tíma að komast í gang en loks
jöfnuðu þeir þegar um það bil 12
mínútur voru til leikhlés, 23:23,
og komust síðan yfir 26:25. Eftir
það skiptust liðin á að vera yfir
en að lokum höfðu Njarðvíking-
ar betur, 45:43.
I síðari hálfleik komu bæði lið
ákveðin til leiks. Jafnræði var
með liðunum framan af en
Njarðvíkingar náðu góðu for-
skoti á 15. mínútu 65:55 og
72:58. Þá voru um ellefu mínút-
ur til Ieiksloka og kom þá kipp-
ur í Keflvíkinga og þeir breyta
stöðunni úr 68:81 í 80:83, en það
dugði ekki til, Njarðvíkingar
höfðu betur í lokin, 88:83. Sigur-
inn varð því þeirra.
Stig Keflvíkinga: Guðjón Skúla-
son 31, Jón Kr. Gíslason 16, Magn-
ús Guðfinnsson 10, Hreinn Þorkels-
son 8, Sigurður Ingimundarson 7,
Olafur Gottskálksson 7, Axel Niku-
lásson 2 og Falur Harðar 2.
Stig Njarðvíkinga: Valur Ingi-
mundarson 37, Isak Tómasson 13,
Helgi Rafnsson 12, Teitur Örlygs-
son 11, Sturla Örlygsson 9og Hreið-
ar Hreiðarsson 6.
Valur Ingimundarson sagði
eftir leikinn: „Þetta var alveg
stórskemmtilegur leikur og átt-
um við þarna toppleik. Við spil-
uðum mjög góða vörn. Þetta
voru tvö sterk lið og jöfn sem
áttust þarna við og lenti sigurinn
okkar megin.
Hins vegar var ég mjög
svekktur yfir brojtrekstrinum
undir lok leiksins. Eg fékk á mig
tvær tæknivillur og var vísað út
af en ég hélt að það mætti Fá
þrjár.“
Bestu menn Njarðvíkinga
voru Valur Ingimundarson,
Isak og Teitur. Liðið var í heild
annars mjög sterkt og svo má
einnig segja um Keflvíkingana.
Bestir hjá þeim voru án efa Guð-
jón Skúlason, Jón Kr. Gíslason
og Hreinn Þorkelsson. Magnús
Guðfinnsson stóð sigeinnigmeð
ágætum þann tíma sem hann var
inn á.
Dómarar voru þeir Jóþann
Dagur Björnsson og Omar
Scheving og stóðu þeir sig
þokkalega enda örugglega ekki
um auðvelda dómgæslu að ræða
á leik sem þessum.