Morgunblaðið - Sunnudagur - 20.03.2016, Page 27
Kristín Þóra er félagsfræðingur ogframkvæmdastjóri Flóru en hún býrásamt eiginmanni sínum Hlyni Halls-
syni, myndlistarmanni og safnstjóra Lista-
safnsins á Akureyri, og fjórum af fimm börn-
um þeirra í sögulegu húsi við Hafnarstræti 90
á Akureyri.
„Saman rekum við húsið okkar og erum að
fara af stað með bókaflokkinn Pastel. Við eig-
um fimm börn, Huga, Lóu, Unu, Núma og
Árna.“ Í húsinu, sem er fyrsta verslunarhús
Kaupfélags Eyfirðinga, hafa hjónin innréttað
bæði heimili, verslun og vinnustofur. Aðspurð
hvernig hugmyndin að starfsemi hússins
kviknaði svarar Kristín: „Þegar við byrjuðum
með Flóru fyrir fimm árum langaði okkur að
gera stað sem gengur út á skapandi og um-
hverfisvænna mannlíf með miðlun, sölu, sýn-
ingum og framleiðslu.“
Upphaflega var Flóra í Listagilinu og bjó
þá fjölskyldan á Brekkunni á Akureyri. Hjón-
in keyptu svo sumarið 2012 húsið við Hafnar-
stræti, alveg niðri í miðbæ, á KEA-horninu,
og sameinuðu allt sitt í eitt hús. „Hér sýnum
við og seljum hönnun, list og heimagert, bæði
nýtt og notað, erum með uppákomur og sýn-
ingar og rekum vinnustofur. Þau Ólafur
Sveinsson myndlistarmaður, Anna Richards-
dóttir dansari og María Rut Dýrfjörð hönn-
uður eru hér með vinnustofur auk okkar
Hlyns. Með því að vera svo miðsvæðis skapast
eðlilegur snertiflötur listafólks og hönnuða við
gesti og gangandi,“ útskýrir hún og bætir við
að þar geti Íslendingar sem og erlendir ferða-
menn komist í snertingu við listrænt og skap-
andi starf og fái jafnvel að líta inn á vinnustof-
ur þeirra sem í húsinu eru að skapa, um leið
og falleg tenging er við blómlegt listalíf Lista-
gilsins, mannlíf miðbæjarins og við sveitirnar í
kring. „Við viljum með þessu hvetja til meira
skapandi starfs og framleiðslu á svæðinu, í
stórum og smáum stíl.“
Kristín Þóra Kjartansdóttir
Hvetja til skapandi starfs og
framleiðslu á svæðinu
Í fallegu sögulegu húsi frá aldamótunum 1900 á Akureyri hafa hjónin Kristín Þóra Kjartansdóttir og
Hlynur Hallsson búið sér og börnum sínum notalegt heimili. Á neðri hæðum hússins hafa hjónin
síðan útbúið verslunina Flóru, ásamt aðstöðu fyrir viðburði og vinnustofur.
Sigurborg Selma Karlsdóttir sigurborg@mbl.is
Húsið við Hafnarstæti
90 á Akureyri er frá
aldamótunum 1900.
Fjölskyldan býr á efri
hæðinni, á jarðhæð er
verslunin Flóra ásamt
vinnustofum listamanna.
Verslunin Flóra selur muni úr íslenskri
og þýskri menningarflóru. Lögð er
áhersla á endurnýtingu og nýja muni
sem eru framleiddir í heimaframleiðslu.
Í húsinu er vinnustofa Önnu Richards.
Mikið líf er í húsinu við Hafnarstrætið. Í kjallara
hússins eru einnig vinnustofur listamanna.
Kunna að meta eldri heimilisstíl
Kristín lýsir stílnum á heimilinu sem gamal-
dags með náttúrulegu ívafi, kryddað örfáum
hönnunarstykkjum, og segist sækja inn-
blástur í gamlar bækur og rit og heimsóknir
til skemmtilegs fólks hérlendis og erlendis.
„Við búum í gömlu og sögulegu húsi frá alda-
mótunum 1900 og kunnum að meta eldri
heimilisstíl jafnt sem eplatölvur og finnst gott
að innrétta í takt við það. Við erum hvort eð
er mest með eldri mublur og muni, margt er
úr fjölskyldunum okkar, frá ömmu minni og
afa og foreldrum okkar beggja, og það fer vel
saman við praktískar pælingar og tækniþarfir
heimilisfólksins.“
Kristín segir jafnframt mikilvægt að hafa
gott úrval af bókum, tónlist, mat og listmun-
um á heimilinu og nóg rými til að búa ýmislegt
til sjálf, leika sér, hamast, slaka á og vera til.
„Heimilið er ekki bara dvalarstaður, heldur
líka skapandi staður,“ útskýrir hún að lokum.
20.3. 2016 MORGUNBLAÐIÐ SUNNUDAGUR 27
EMPIRE
Grátt eða brúnt
slitsterkt áklæði
Stærð:
80 × 70 × 102 cm
72.573 kr.
89.990 kr.
ASPEN
Klæddur leðri á
slitflötum.
Margir litir.
Stærð:
80 × 85 × 102 cm
119.990 kr.
159.990 kr.
CLARKSTON
Leður La-Z-Boystóll.
Brúnn, vínrauður
eða svartur.
Stærð:
97 × 102 × 118 cm
139.990 kr.
199.990 kr.
Allir LA-Z-BOY stólar og sófar á taxfree tilboði*