Morgunblaðið - Sunnudagur - 20.03.2016, Side 36

MADA’IN SALEH Í SÁDI-ARABÍU
Arabíuskaginn hefur verið heimkynni alls kyns
þjóðflokka, konunga og spámanna í gegnum
aldirnar og árþúsundin. Sádi-Arabía
dreifir úr sér um mestallan skagann,
með sínum hrikalegu eyðimörkum,
tignarlegu fjöllum, rústum og
musterum. Þetta eru staðir sem
gaman væri að sjá, nema hvað
Sádi-Arabía kærir sig lítið um
ferðamenn og gefur ekki út
ferðamannaáritanir. Er helst
að múslimar geti fengið að
skoða undur landsins, í píla-
grímsför til Mekku og annarra
helgistaða íslamstrúarinnar.
Staður sem spennandi væri að
sjá er Mada’in Saleh-rústirnar í
norðvesturhluta landsins. Er um
að ræða byggð frá tímum Nabateu-
manna, þeirra sömu og byggðu undra-
borgina Petru þar sem núna er Jórdanía.
Svæðið er á heimsminjaskrá UNESCO og
skartar m.a. 131 grafhýsi sem skorið hefur
verið út í klappirnar.
Láttu þig
dreyma
CLUB 33 Í DISNEYLANDI
Hver hefði haldið að á besta stað í einum mest sótta
skemmtigarði heims leyndist veitingastaður sem
næstum enginn fær að heimsækja?
Í Disneylandi í Kaliforníu er að finna hurð sem
lætur ekki mikið yfir sér, og er ekki merkt
með öðru en skilti sem á stendur húsnúm-
erið 33. Við hurðina er falinn lítill dyrasími
sem má hringja, en það er borin von að vera
hleypt inn nema í fylgd með meðlimi Club
33-einkaklúbbsins.
Fyrir innan er veitingastaður og bar sem var
upphaflega ætlaður helstu samstarfsaðilum
Disney-veldisins. Í dag er Club 33 klúbbur
ríka, fræga og vel tengda fólksins. Kostar allt
að 40.000 dali, tæpar fimm milljónir króna, að
verða meðlimur og árleg félagsgjöld eru tæplega
1,5 milljónir króna.
Veitingastaðurinn býður upp á fyrsta flokks veitingar
og er eini staðurinn í Disneylandi sem selur áfengi. Þá
er staðurinn skreyttur með alvöruleikmunum sem not-
aðir voru í Disney-kvikmyndum.
NORTH SENTINEL ISLAND, ANDAMAN-EYJAKLASANUM
Hvað gæti verið betra en að dýfa sér í tæran og bláan sjóinn og
upplifa óspillta náttúru Bengalflóans? Andaman-eyjaklasinn
er staður til að slappa af á hvítum ströndum, skella sér
á brimbretti eða festa á sig froskalappirnar og kafa
ofan í djúpið.
Nema hvað ekki eru allir íbúar svæðisins jafn
gestrisnir. Ein af eyjunum, sem fengið hefur
nafnið North Sentinel Island, er heimkynni
þjóðflokks sem hefur verið einangraður frá
umheiminum frá örófi alda og er í raun enn
á steinaldarstigi. Eyjan er 72 ferkílómetrar á
stærð, ögn minni en allur Kópavogur.
Er talið að 50-400 einstaklingar séu á eyj-
unni og eru þeir lítt hrifnir af gestum. Þeir
sem hætta sér of nálægt geta átt von á að
þurfa að forða sér undan örvum og spjótum.
Indversk stjórnvöld hafa bannað ferðir til eyj-
unnar, og er kannski eins gott því íbúarnir hafa
væntanlega ekkert ónæmi gegn algengum sjúk-
dómum og þarf að fara mjög varlega ef einhvern
tíma tekst að rjúfa einangrun þeirra.
NJÓSNASAFNIÐ Í
NANJING
Söfn vilja yfirleitt laða
til sín sem flesta gesti,
en í kínversku borginni
Nanjing er að finna
safn sem fylgir allt ann-
arri reglu.
Er um að ræða safn
sem segir frá njósna-
tækjum Kínverja, allt
frá örsmáum mynda-
vélum yfir í varaliti
sem eru í raun
skammbyssur. Væri
gaman að sjá tækja-
kostinn, nema hvað að
safnið vísar öllum frá
nema kínverskum rík-
isborgurum. Segja
stjórnendur safnsins
að það sem þar er til
sýnis sé of viðkvæmt
til að mega sýna út-
lendingum. Er þá eftir
bara rétt um millj-
arður Kínverja sem
getur fengið að sjá
njósnatækin og segir
örugglega engum út-
lendingum frá hvað
fyrir augu bar. Ljósmynd / NASA
Aldrei hefur verið auðveldara að ferðast,
og með íslenskt vegabréf í farteskinu er
hægt að heimsækja 164 lönd án nokkurra
vandkvæða. Landinn er duglegur að skoða
framandi áfangastaði, allt frá Tierra del
fuego í suðvestri til Kamtsjatka í norð-
austri. En svo eru ákveðnir staðir sem ekki
er hægt að fá að sjá með eigin augum, og
gildir einu hvað fólk er tilbúið að borga eða
hvað það á fínt vegabréf. Hér eru nokkur
undur, minjar og annað forvitnilegt sem
hinn dæmigerði Íslendingur getur seint
reiknað með að heimsækja.
Ásgeir Ingvarsson ai@mbl.is
FERÐALÖG Viltu fara troðnar slóðir? Þá ætti að setja stefnuna á Hong Kong.Þangað koma um 27,7 milljónir ferðamanna árlega, aðallega fráKína. Samkvæmt lista Euromonitor eru næstvinsælustu borg-
irnar London, Singapúr, Bangkok og París.
Mest sótti ferðamannastaður veraldar
36 MORGUNBLAÐIÐ SUNNUDAGUR 20.3. 2016
Umferðarmiðstöðin BSÍ • 101 Reykjavík • 580 5400 • main@re.is • www.flugrutan.is • www.re.is
BSÍ - Umferðarmiðstöðin
Reykjavík
Keflavíkurflugvöllur
Kauptu miða núna á www.flugrutan.is
*Miðast við að keyptur sé miði fram og til baka frá BSÍ eða Keflavíkurflugvelli á 4.000 kr.
2.000 kr.*
FYRIR AÐEINS
Alltaf laus sæti Alltaf ferðir Hagkvæmur kostur
Frí þráðlaus internet-
tenging í öllum bílum
Ferðatími u.þ.b.
45 mínútur
Umhverfisvænt
VIÐ
SKUTLUM
ÞÉR!
Áætlunarferðir Flugrútunnar eru í
tengslum við allar komur & brottfarir
flugvéla um Keflavíkurflugvöll.
Ljósmynd / Wikipedia – Richard.Hargas (CC)
Ljósmynd / Wikipedia - Mxreb0 (CC)