Morgunblaðið - 29.03.2016, Side 19

FRÉTTIR 19Erlent
MORGUNBLAÐIÐ ÞRIÐJUDAGUR 29. MARS 2016
HEKLA · Laugavegi 170-174 · Reykjavík · sími 590 5000 · hekla.is · umboðsmenn um land allt:
Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
www.volkswagen.is
Við kynnum til leiks fjórðu kynslóð af vinsælasta atvinnubíl
á Íslandi undanfarin ár. Enn meiri staðalbúnaður, aukið
öryggi og öflugri vélar eru aðeins nokkur atriði sem gera
hinn nýja Caddy svo aðlaðandi. Nú kemur Caddy líka í
fimm og sjö manna fjölskylduútfærslu með nálgunarvara
og loftpúðum fyrir ökumanns- og farþegarými.
Nýr Volkswagen Caddy
kostar frá
2.670.000 kr.
(2.135.226 kr. án vsk)
Glæsilegur vinnubíll
www.volkswagen.is
AtvinnubílarHEKLA býður gott úrval atvinnubíla og góða þjónustu.
Nýr Volkswagen Caddy
Sýrlenski stjórnarherinn sækir
hart að liðsmönnum Ríkis íslams í
Homs-héraði, en þar stendur hin
forna menningarborg Palmyra,
með aðstoð Rússa. Borgin hefur
verið í höndum Ríkis íslams í nærri
því 10 mánuði en á þeim tíma er tal-
ið að ómetanleg menningar-
verðmæti hafi orðið fyrir barðinu á
liðsmönnum Ríkis íslams, sem m.a.
hafa birt upptökur af eyðileggingu
fornminja í borginni.
Stjórnvöld bæði í Sýrlandi og
Rússlandi segja sigurinn yfir Pal-
myra vera bæði táknrænan og
mikilvægan en stuðningur Rússa
hefur verið gífurlegur í baráttunni
um borgina.
Endurreisn á fimm árum
Endurreisa má hina fornu borg
Palmyra á fimm árum, að sögn
Maamoun Abdulkarim, forn-
minjavarðar Sýrlands. Þrátt fyrir
eyðileggingu liðsmanna Ríkis ísl-
ams séu 80 prósent borgarinnar í
góðu ásigkomulagi.
„Ef við fáum samþykki
UNESCO þá tekur það okkur fimm
ár að endurreisa þær byggingar
sem hafa verið skemmdar eða eyði-
lagðar. Við erum með hæft starfs-
fólk og búum að þekkingu og rann-
sóknum. Með samþykki UNESCO
þá getum við hafist handa eftir eitt
ár, segir í yfirlýsingu Abdulkarim.
Meðal þess sem Ríki íslams eyði-
lagði í borginni voru musteri Bel og
Baalshamin og Sigurboginn. Nýja
myndir frá borginni gefa það þó til
kynna að ekki hafi tekist að eyði-
leggja nærri því jafn mikið og ótt-
ast var. Fornleifafræðingar munu á
næstu dögum og vikum meta
ástand borgarinnar og tjónið sem
Ríki íslams skildi eftir sig.
Frelsa kristinn bæ
Sýrlenski stjórnarherinn er að
vinna á víðar en eftirlitsmenn í Sýr-
landi segja að hersveitir hliðhollar
Bashar al-Assad, Sýrlandsforseta,
hafi frelsað bæinn Qaryatain en
hann er skammt frá Palmyra. Bær-
inn er að mestu byggður kristnu
fólki en hefur verið á valdi Ríkis ísl-
am í heilt ár. Erfitt er að segja ná-
kvæmlega til um yfirráðasvæði
Ríkis íslams en talið er að hryðju-
verkasamtökin hafi misst hátt í 40
prósent af landsvæði sínu í Írak og
20 prósent í Sýrlandi frá því sem
mest var, að sögn BBC, en breska
ríkisútvarpið hefur þessar tölur eft-
ir bandarískum stjórnvöldum.
Úrslit orrustunnar um Palmyra
er enn einn ósigurinn fyrir Ríki ísl-
ams bæði í Sýrlandi og Írak þar
sem liðsmenn hreyfingarinnar eru
á stöðugum flótta.
Sigurinn er mikilvægur fyrir
hersveitir Assads en Palmyra opn-
ar leiðina til borganna Deir ez-Zor,
í austurhluta Sýrlands nærri
landamærum Íraks, og Raqqa sem
liggur nokkuð vestar en borgina
skilgreinir Ríki íslams sem höf-
uðborg sína.
Sýrlenski stjórnarherinn hefur
gefið það út að Palmyra verði notuð
sem bækistöð fyrir árás á bæði
Deir ez-Zor og Raqqa.
Sigrar í Írak
Á öllum vígstöðvum er Ríki ísl-
ams að hörfa en Íraksher náði
borginni Ramadi á sitt vald í byrj-
un febrúar auk Sichariya, Juwaiba
og Husaiba. Hryðjuverkasamtökin
eru þó enn með yfirráð í borginni
Fallujah, austan við Ramadi og
Mosul sem er næststærsta borg
Íraks.
Þúsundir hermanna eru nú á leið
til svæðis suðaustan við Mosul til
þess að hefja aðgerðir til þess að
rjúfa birgðaleiðir hryðjuverka-
mannanna. Er það hluti af áætlun
hersins til að ná borginni aftur á
sitt vald.
Þá hafa hryðjuverkasamtökin
tapað borginni Sinjar í hendur her-
sveita Kúrda, sem tóku borgina og
umlykjandi svæði í nóvember á síð-
asta ári, en Kúrdar hafa lagt undir
sig stórt svæði í norðurhluta Íraks
og verið einn helsti andstæðingur
Ríkis íslams á því svæði.
Herða loftárásir á samtökin
Um miðjan febrúar á þessu ári
lýstu stjórnvöld í Sádí-Arabíu því
yfir að aðgerðir þeirra í Sýrlandi
yrðu auknar og sendu herflugvélar
til herflugstöðvarinnar í Incirlik í
Tyrklandi til þess að styrkja að-
gerðir sínar gegn Ríki íslams í Sýr-
landi. Bandaríkin, Bretland og
Frakkland hafa einnig afnot af
flugstöðinni.
Þá felldi sérsveit bandaríska
flotans fjármálastjóra og annan
hæstráðanda Ríkis íslams í síðustu
viku.
Ríki íslams á flótta á flestum
vígstöðvum í Sýrlandi og Írak
 Stjórnarher Sýrlands frelsaði borgina Palmyra úr höndum Ríkis íslams með hjálp Rússa
AFP
Stríð Sýrlenski stjórnarherinn hefur unnið mikilvæga sigra á samtökum Ríkis íslams og stefnt er að því að taka
borgina Raqqa sem er í miðhluta Sýrlands en Ríki íslams hefur gert borgina að höfuðborg sinni.
AFP
Sigrar Í Írak hafa bæði hersveitir íraska hersins og hersveitir Kúrda unnið
mikilvæga sigra í baráttunni við Ríki íslams.
Fornminjar
» Menningarborgin Palmyra
var í höndum Ríkis íslams í 10
mánuði.
» Menningarverðmæti voru
eyðilögð í borginni sem er á
fornminjaskrá UNESCO.
» Fornleifafræðingar segja að
endurbyggja megi borgina á
fimm árum.