Morgunblaðið - 19.05.2016, Side 16

16 FRÉTTIRInnlent
MORGUNBLAÐIÐ FIMMTUDAGUR 19. MAÍ 2016
Sigtryggur Sigtryggsson
sisi@mbl.is
Fjármálaráðherra hefur lagt fram á
Alþingi frumvarp til laga um heim-
ild til að bjóða út nýja Vest-
mannaeyjaferju. „Þrátt fyrir að gert
sé ráð fyrir að ferjan verði boðin út
fljótlega er ljóst að hér er um að
ræða langt útboðsferli,“ segir í at-
hugasemdum með frumvarpinu.
Þar kemur fram að skylt sé að
auglýsa útboðið á Evrópska efna-
hagssvæðinu auk þess sem fara þarf
að reglum og viðhafa það verklag
sem almennt gildir um sérhæft út-
boð sem þetta. Gera þurfi ráð fyrir
umtalsvert lengri tíma vegna aug-
lýsingar en lágmarksfrestur kveður
á um, vegna eðlis útboðsins. Líklegt
sé að bæði erlendir og innlendir að-
ilar kunni að bjóða í smíðina og
þurfi því að taka mið af sumarfríum
bjóðenda bæði hérlendis og erlendis
varðandi ákvörðun um lengd til-
boðsfrests.
Auglýst í sumarbyrjun?
Verði frumvarpið að lögum er
gert ráð fyrir að hægt verði að aug-
lýsa útboðið í sumarbyrjun og að
hægt verði að opna tilboð síðsumars
eða í haust. Reikna megi með 2–3
mánuðum í að meta tilboð og und-
irbúa samningsgerð. Miðað við það
megi gera ráð fyrir að hægt verði að
samþykkja ásættanlegt tilboð og
rita undir samning á vetrarmán-
uðum.
Í útboðsgögnum verður gert ráð
fyrir að ferjan verði afhent um mitt
ár 2018 eða fyrr ef kostur er.
Fram hefur komið hér í blaðinu
að það sé mat sérfræðinga að ný
ferja þurfi að koma inn í áætlun á
vormánuðum. Samkvæmt því má
telja raunhæft að nýr Herjólfur
hefji siglingar vorið 2019.
Útboðsgögn gera ráð fyrir 69
metra langri ferju sem geti flutt 540
farþega. Ferjan verður álíka stór og
Herjólfur en tekur fleiri bifreiðar í
hverri ferð eða 72 í stað tæplega 60
bifreiða. Ferjan ristir hins vegar
mun grynnra en Herjólfur, eða 2,8
metra í stað 4,3 metra. Samkvæmt
áætlunum Vegagerðarinnar er gert
ráð fyrir að ný ferja geti siglt til
Landeyjahafnar í 76–89% tilvika á
ári eða 84% samkvæmt miðspá.
Mikil fjölgun farþega
Fram kemur í athugasemdum
með frumvarpinu að eftir að sigl-
ingar hófust til Landeyjahafnar árið
2010 hafi farþegafjöldi aukist úr 130
þúsund farþegum árlega miðað við
síðasta heila árið sem siglt var til
Þorlákshafnar í um 300 þúsund far-
þega síðastliðið ár. Þessi aukning
hafi orðið þrátt fyrir að siglingar í
Landeyjahöfn hafi legið niðri um
nokkurra mánaða skeið.
Gert er ráð fyrir að í útboðinu
verði miðað við að ferðum fjölgi um
tvær á viku yfir sumartímann. Auk
þess er gert ráð fyrir að sum-
artímabilið verði lengt um einn
mánuð frá því sem nú er.
Langt útboðsferli
á nýjum Herjólfi
 Tilboð væntanlega opnuð síðsumars eða í haust
Morgunblaðið/Ómar
Landeyjahöfn Nýr Herjólfur mun rista mun grynnra en sá gamli.
Björn Jóhann Björnsson
bjb@mbl.is
„Við höfum ekki náð að vinna úr öll-
um gögnum en vísbendingar eru um
aukna hrygningu miðað við svipaða
leiðangra árin 2010 og 2013,“ segir
Björn Gunnarsson, leiðangursstjóri
á hafrannsóknarskipinu Bjarna Sæ-
mundssyni, en svonefndum eggja-
leiðangri á makríl lauk um síðustu
helgi.
Skipið tók þátt í fjölþjóðlegum
leiðangri, sem skipulagður var af Al-
þjóðahafrannsóknaráðinu (ICES),
þar sem markmiðið er að áætla
stærð hrygningarstofns makríls í
NA-Atlantshafi. Ferð Bjarna er
meðal 20 leiðangra á hafsvæðunum
sunnan Portúgals og allt norður til
Íslands, en þeir hófust í febrúar sl.
og lýkur í ágústmánuði nk. Að sýna-
tökunni koma alls tíu Evrópulönd og
ellefu rannsóknastofnanir. Er hún
framkvæmd þriðja hvert ár.
Togleiðangur í júlí
Að sögn Björns er leiðangurinn,
sem Bjarni Sæmundsson fór núna í,
líklega með allra lengstu rann-
sóknaferðum sem skipið hefur tekið
þátt í. Hafsvæði norðan Skotlands
og sunnan Færeyja var rannsakað
en leiðangurinn tók tvær vikur og
tók skipið land í Skotlandi.
Björn segir of snemmt að segja til
um heildarniðurstöðuna, þ.e. hvort
aukin hrygning sé á öllu svæðinu eða
hvort stofninn hafi færst til. Það sjá-
ist að loknum öllum leiðang-
ursferðum en þannig eru Fær-
eyingar að fara í sinn leiðangur nk.
mánudag, á svæði norðan Færeyja.
Björn segir jafnframt of snemmt
að fullyrða að þessar fyrstu vísbend-
ingar úr leiðangri Bjarna gefi fyrir-
heit um mikla makrílgöngu norður á
bóginn í sumar. Skipið hafi verið á
öðrum slóðum fyrir þremur árum og
nú hafi verið siglt sex vikum fyrr en
áður. Því sé t.d. erfitt að segja til um
hrygningu makríls í íslenskri lög-
sögu, líkt og leiðangurinn árið 2013
gaf til kynna.
Farið verður í togleiðangur í júlí-
mánuði og að sögn Björns mun
ástand fullorðna makrílstofnsins þá
koma betur í ljós.
Morgunblaðið/Styrmir Kári
Leiðangur Bjarni Sæmundsson RE fór í einn sinn lengsta leiðangur, er
hrygningarstofn makríls var kannaður við Skotland og Færeyjar.
Vísbendingar um
aukna hrygningu
Bjarni í brælu
» Rannsóknarskipið Bjarni
Sæmundsson lenti í brælu í
tvígang á NA-Atlantshafi.
» Skipið varð að stoppa en
leiðangursmönnum gekk vel
þegar gaf þess á milli.
» „Bjarni er hörkuskip og fer
vel með mann,“ segir Björn
Gunnarsson leiðangursstjóri.
Smíði á nýjum Herjólfi var boðin
út á árinu 2008 en vegna erf-
iðrar stöðu ríkisfjármála í kjöl-
far hruns fjármálakerfisins var
ákveðið að hafna öllum til-
boðum og nota Herjólf áfram
um sinn.
Samningar við þýsku skipa-
smíðastöðina Fassmer um
smíði á nýjum Herjólfi voru á
lokastigi þegar íslensku bank-
arnir fóru í þrot.
Tilboð í ferjuna árið 2008
voru nokkuð yfir kostnaðar-
áætlun, eða rúmlega þrír millj-
arðar króna miðað við gengið
um miðjan ágúst það ár.
Samningar
á lokastigi
TILBOÐUM HAFNAÐ 2008
Soroptimistaklúbbur Reykjavíkur
efnir til Kvennagolfmóts þann 27.
maí á Urriðavelli Golfklúbbsins
Odda. Verður ágóða af mótinu var-
ið til að styrkja geðfatlaðar konur í
samvinnu við við Hlutverkasetur og
Geðsvið Landspítala.
Um er að ræða tvö verkefni. Ann-
að nefnist „Að endurheimta vonina
og snýst það um að veita konum
með langvinna geðsjúkdóma tæki-
færi til að nýta og þroska hæfileika
sína. Hitt nefnist „Mömmuleikni“
og er námskeið fyrir mæður sem
hafa átt við ýmiss konar andleg
veikindi að stríða.
Golfmótið er í tveimur forgjaf-
arflokkum 0-20,4 og 20,5 – 36.
Skráning er hafin á vefnum golf.is
og eru allar konur velkomnar
Kvennagolfmót til styrktar geðfötluðum
...sem þola álagið!
TRAUSTAR VÖRUR...
VIFTUR
Í MIKLU ÚRVALI
Það borgar sig að nota það besta!
• Bor›viftur
• Gluggaviftur
• I›na›arviftur
• Loftviftur
• Rörablásarar
• Ba›viftur
• Veggviftur
Dalvegi 10–14 • 201 Kópavogi • Sími: 540 7000 • www.falkinn.is
Umboðsaðili: Yd heildverslun, s. 587 9393, yd@yd.is, YdBolighus