Morgunblaðið - 09.07.2016, Side 49

MENNING 49
MORGUNBLAÐIÐ LAUGARDAGUR 9. JÚLÍ 2016
Austurríski a cappella sönghóp-
urinn Triu mun halda námskeið
fyrir ungt tónlistarfólk á aldrinum
12-20 ára þriðjudaginn 12. júlí.
Námskeiðinu sem er haldið á veg-
um Listahóps Seltjarnarness lýkur
svo með tónleikum Triu og nem-
enda að kvöldi sama dags kl. 20 í
Seltjarnarneskirkju.
Triu er skipaður einni söngkonu
og tveimur söngvurum sem hafa
starfað saman í fimmtán ár og kom-
ið fram víða um heim. Lagaval
þeirra er mjög fjölbreytt, allt frá
vel þekktri djass- og popptónlist til
jóðls og gospels. Hópurinn útsetur
öll lög í sínum eigin stíl auk þess að
semja sjálf.
Á námskeiðinu verða kennd lög
og tækni, en afraksturinn verður
sýndur í Félagsheimili Seltjarnar-
ness um kvöldið. Aðgangseyrir á
tónleikana er 500 krónur.
Meðal þátttakenda og skipuleggj-
enda viðburðarins er Listahópur
Seltjarnarness, hljómsveitin Stjúp-
mæður, en hún er skipuð fjórum
stúlkum á aldrinum 16-17 ára, sem
stunda allar tónlistarnám samhliða
námi við Menntaskólann við
Hamrahlíð.
Námskeiðið er frítt og einstakt
tækifæri fyrir ungmenni til að
vinna með erlendu atvinnutónlist-
arfólki. Áhugasömum á aldrinum
12-20 ára er bent á að senda skila-
boð á Facebook-síðuna Listahópur
Seltjarnarness 2016.
Söngur á Nesinu
Sveifla A Cappella hópurinn Triu mun halda námskeið fyrir ungt fólk.
AF TÓNLIST
Hjalti St. Kristjánsson
hjaltistef@mbl.is
Eftir stórgóðan upphafsdagþessa Eistnaflugs og góðannætursvefn var talið í annan
skammt af tónlist. Uppröðun dags-
ins og kvöldsins var vægast sagt
fjölbreytt. Það er líka nær óhjá-
kvæmilegt þegar jafn sérhæfð hátíð
stækkar jafn mikið og þessi að fjöl-
breytnin aukist. Við erum jú ekki
fleiri en við erum og málmsenan
mun aldrei ná að vera annað en lítill
útkimi í tónlistarheiminum. Það er
miður en ég held það muni seint
breytast.
Að þessu sinni er tónlist á Eistna-
flugi flutt á tveimur sviðum. Það
stærra er í íþróttahúsi Neskaup-
staðar en það smærra í félagsheim-
ilinu Egilsbúð. Þar fór hátíðin
reyndar eingöngu fram þar til í
fyrra, þegar hún var flutt í íþrótta-
húsið. Vegna þessa hefur gestum
fjölgað og fjölbreytnin aukist.
Litla sviðið
Í Egilsbúð mátti líta margar
hljómsveitir, enda stóð dagskrá þar
frá klukkan tvö síðdegis til að nálg-
ast klukkan fjögur um nótt. Meðal
hljómsveita sem þar léku má nefna
Gloryhide, Brot, Skratta og Abom-
inator, en fyrsta hljómsveitin sem
undirritaður sá leika þar var Gore-
squad. Þessir færeysku bræður
okkar léku afbragðs dauðamálm og
voru hin besta skemmtun.
Næst sá ég Nykur, þétt rokk-
band. Þar sveif ansi mikið ról yfir
vötnum og var það einnig ein af
fáum hljómsveitum hátíðarinnar
sem sungu á ástkæra ylhýra. Rak-
leitt í kjölfarið steig Dark Harvest á
stokk. Eitt elsta band hátíðarinnar
fór mikinn í sönglausum lögum sem
ganga hvað mest út á það að sýna
fram á hvað meðlimirnir eru af-
bragðsgóðir hljóðfæraleikarar. Þar
er í fararbroddi Guðlaugur Falk,
einstakur gítarleikari sem málm-
senan hópaðist að baki nýverið eftir
að hann greindist með krabbamein.
Hann bar sig þó vel. Það er augljóst
að hann lætur engan bilbug á sér
finna og heldur ótrauður áfram.
Angist er ein af hljómsveitunum
sem mér finnst of fáir vita af. Stór-
gott dauðarokksband sem þar fyrir
utan skartar tveimur konum. Það
ætti út af fyrir sig ekki að teljast
fréttnæmt en í þessum heimi er það
því miður raunin. Angist er í öllu
falli frábært dæmi um fantagóða
hljómsveit sem allir sem hafa áhuga
á þungu rokki ættu að kynna sér
vel. Því miður leið hún fyrir slæma
hljóðblöndun og lýsingu svo að
þessir tónleikar voru ekki besta
dæmið en engu að síður skemmti-
legir.
Stóra sviðið
Fyrsta hljómsveit dagsins í
íþróttahúsinu var In the Company of
Men. Hratt og tæknilegt band sem
hélt áhorfendum vel við efnið og lék
af miklum krafti. Það var drjúgt í
húsinu og augljóst að fólk ætlaði ekk-
ert að vera að hangsa þennan dag-
inn. Það átti sko að hlusta á tónlist.
Næst gaf að heyra Kolrössu krókr-
íðandi. Til að byrja með mætti Kol-
rassa skipuð upphaflegum með-
limum en eftir fyrstu lögin skipti hún
um trymbil og hélt áfram í núverandi
mynd. Stelpurnar hækkuðu vel í
„overdrive“-fetlunum og hljómuðu
rokkaðri en nokkru sinni og skilaði
það ansi hreint skemmtilegum niður-
stöðum. Elíza Newman fór mikinn,
bæði í söng og fiðluleik, og bandið
stóð þétt að baki henni. Ensími steig
á svið rétt að nálgast tíu um kvöldið
og mikið óskaplega er það góð hljóm-
sveit. Reyndar fannst mér settið dala
um miðbikið og hún leikur ill-
aðgengilega tónlist, en slagararnir
flutu með og héldu fólki við efnið.
Líkt og áður var algjörlega vent í
kross þegar Ensími lauk leik, en þá
tók við bandaríska dauðamálm-
sveitin Immolation. Þvílík sturlun.
Eina leiðin til að halda í við mennina
á sviðinu var að drekka þrjár kaffi-
könnur og vonast til að skjálftinn
kæmi manni í takt við trymbilinn.
Þeir léku allt frá elsta til nýjasta lags
og spönnuðu allan ferilinn, frá 1988,
og þreyttu mannskapinn vel. Geð-
veikin hélt áfram. Doktor Spock var
mættur. Þeir félagar keyrðu áfram
af þvílíkri orku að erfitt er að ímynda
sér að það verði jafnað í einhvern
tíma, þó ber að hafa í huga að hátíðin
er rétt hálfnuð og það er nóg eftir.
Flösu var feykt, sveittir líkamar
nudduðust hver við annan í málm-
blendinni alsælu.
Farið víða Hljómsveitin Ottoman söðlaði um og lék í bílskúr gegnt sviðinu.Færeyingar Frændur okkar í Goresquad gerðu innrás á Eistnaflug.
Málmblendin alsæla
Morgunblaðið/Elín Arnórsdóttir
Hress Guðlaugur Falk forsprakki Dark Harvest lét eingan bilbug á sér finna þrátt fyrir erfið veikindi og sveiflaði
faxinu sem enginn væri morgundagurinn. Eitt elsta band hátíðarinnar fór mikinn í sönglausum lögum.
Teiknimynda-
söguútgefand-
inn Marvel hef-
ur tilkynnt að
héðan í frá
muni 15 ára
blökkustúlka
bera búning
Járnmannsins,
eða Iron Man.
Að sögn BCC mun Riri Williams
taka við af milljónamæringnum og
vopnauppfinningamanninum Tony
Stark í næstu seríu: Civil War 2.
Þessi nýja persóna, sem er snill-
ingur í vísindum, er fædd í Chi-
cago og nemur við MIT, einn besta
og virtasta háskóla Bandaríkj-
anna.
Brian Michael Bendis sem skrif-
ar Iron Man segist hafa fengið
hugmyndina að Riri eftir að hafa
unnið í Chicago og verið sleginn af
öllu ofbeldinu sem þar ríkir. Riri
lendir einmitt í götuofbeldi og lífs-
hættulegum aðstæðum sem hafa
afdrifarík áhrif á framtíð hennar.
Fréttirnar af Riri hafa farið sem
eldur í sinu um samfélagsmiðlana
og fólk er mjög spennt fyrir þess-
ari breytingu sem þykir rétt skref
í átt að aukinni fjölbreytni.
Riri Williams tekur
við af Tony Stark
Reykjavíkurvegi 64, Hfj,
s. 555 1515, enjo.is
• Tímasparnaður
• Engin kemísk efni
• Ódýrara
• Umhverfisvænt
• 6 x hreinna - betri þrif
• Vinnuvistvænt
• Minni vatnsnotkun
Nýja ENJO vörulínan er
komin á markað
Ferskari, líflegri og enn meiri gæði
Komið í verslun okkar
og sjáið úrvalið
Opið kl. 11-18 alla virka daga
ÍSÖLD 2D ÍSL.TAL - FORSÝNING 2
ÍSÖLD 3D ÍSL.TAL - FORSÝNING 4
MIKE AND DAVE 3:50, 6, 8, 10:10
INDEPENDENCE DAY 2 8, 10:30
LEITIN AÐ DÓRU ÍSL.TAL 1:50, 3:50, 5:50
CENTRAL INTELLIGENCE 10:30
WARCRAFT 2D 8
ANGRY BIRDS ÍSL.TAL 1:50, 5:50
LAUGARÁSBÍÓ Sýningartímar
Miðasala og nánari upplýsingar
FORSÝNINGTILBOÐ KL 2