Morgunblaðið - 16.07.2016, Page 25

fæddust. Jói var duglegur að
koma um verslunarmannahelgar
vestur í Dali með tjaldvagninn
og krakkana þegar Jóna var að
vinna og var alltaf yndislegt að
fá þau. Jói var alltaf brosandi,
stutt í hláturinn og með sér-
staklega gott lundarfar og lífs-
glaðari mann var varla að finna.
Það var aldrei að sjá að hann
væri þreyttur en maður vissi að
hann vann mikið eins og gengur
þegar fólk er ungt og er að
koma sér upp húsnæði og
menntun.
Það er erfitt að kveðja góðan
dreng sem fór allt of snemma.
Við fjölskyldan sendum elsku
Jónu Rut og börnum innilegar
samúðarkveðjur og megi góður
Guð veita þeim styrk á þessum
erfiðu tímum.
Steina Þórey, Helgi,
Ragnar Björn og Veig-
ar Þór.
Kæri Jói minn.
Sorgin er mikil og örið stórt
sem eftir stendur, það er svo
ósanngjarnt að svo ljúfur dreng-
ur og fjölskyldufaðir sé tekinn
frá okkur í blóma lífsins. Ég á
ennþá bágt með að trúa að þú
sért farinn, en ég er gífurlega
þakklátur fyrir að hafa kynnst
þér og geta kallað mig vin þinn.
Það eru margar minningar
sem spretta fram þegar hugsað
er til baka, þó síðustu ár hafi
sambandið ekki verið mikið. Ég
er svo ánægður að við höfum
ákveðið að hittast um daginn,
rifjað upp gamla tíma og sungið
smá, sögurnar eru ótal margar
og þær mun ég geyma alla ævi.
Þú varst alltaf brosandi, ég
hreinlega man ekki eftir þér
öðruvísi, glaðværðin og hlátur-
inn var alltaf á sínum stað. Al-
veg er ég viss um að nú eruð þið
félagarnir saman í einhverju
stússi og fylgist með okkur sem
eftir erum. Mér þykir það sárt
að ná ekki að kveðja þig, en þú
veist hversu dýrmætur vinur þú
varst mér og einhvern tímann
munum við hittast aftur.
Ég bið Guð að styrkja Jónu,
börn ykkar og fjölskyldu. Minn-
ingin um ljúfan og góðan dreng
lifir.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Páll Kristófersson.
Elskulegur vinur okkar er
fallinn frá.
Jóhannes lést af slysförum
hinn 7. júlí síðastliðinn
Jói, eins og hann var að öllu
jöfnu kallaður, var einstaklega
glaður og skemmtilegur dreng-
ur, hann átti þann eiginleika að
það var alltaf gaman þar sem
hann var. Gleði og fjör skein af
honum og munum við ekki eftir
honum öðruvísi en brosandi.
Jói var sannur vinur vina
sinna og líklega hjálpsamasti
maður sem við höfum kynnst.
Ótal minningar sem við geym-
um í hjarta okkar eru nú of-
arlega í huga okkar. Þær eru
ófáar minningarnar sem fljúga
upp í hugann á þessum tímum,
en eitt eiga þær allar sameig-
inlegt, það var alltaf hlátur,
gleði og hamingja á öllum þess-
um stundum.
Elsku Jói okkar, það er mikill
missir að fá ekki að umgangast
þig lengur, en minning þín mun
lifa með okkur til æviloka.
Elsku Jóna, börn og aðrir ást-
vinir, megi Guð vera með ykkur
á þessum erfiðu tímum.
Vin sínum
skal maður vinur vera,
þeim og þess vin.
En óvinar síns
skyli engi maður
vinar vinur vera.
(Úr Hávamálum.)
Hilmar Þór Ævarsson og
Ragnar Þór Baldursson.
MINNINGAR 25
MORGUNBLAÐIÐ LAUGARDAGUR 16. JÚLÍ 2016
✝ Hjalti JakobIngason fædd-
ist í Reykjavík 2.
maí 2012. Hann
lést af slysförum
1. júlí 2016.
Foreldrar hans
eru Gunnhildur
Rán Hjaltadóttir,
fædd 21. júní
1986, og Ingi Þór
Jónsson, fæddur
18. júní 1981.
Systur hans eru Ída Þorgerð-
ur Ingadóttir, fædd 27. maí
2014, og Lotta Þorbrá Inga-
dóttir, fædd 24. desember
2015. Foreldrar Gunnhildar
Ránar eru Hjalti Svanberg
Hafsteinsson og Sigríður Jóns-
dóttir. Foreldrar
Inga Þórs eru
Ragnhildur Jóns-
dóttir og Jón Hall-
grímsson.
Hjalti Jakob var
upp alinn á
Stokkseyri hjá
foreldrum sínum
og systrum og var
til heimilis að
Heiðarbrún 12.
Hann var á leik-
skólanum Æskukoti á Stokks-
eyri.
Útför Hjalta Jakobs verður
gerð frá Selfosskirkju í dag,
16. júlí 2016, klukkan 11.
Jarðsett verður í Stokkseyr-
arkirkjugarði.
Elsku Hjalti Jakob okkar.
Stundum skiljum við ekki
hversu lífið getur verið ósann-
gjarnt. Við sitjum eftir og fáum
engin svör við öllum spurning-
unum sem sækja á okkur þessa
erfiðu daga. Þú varst bara lítill
yndislegur strákur sem átti allt
lífið framundan. Þú varst á leik-
skólanum Æskukoti þar sem
amma Sirrý vinnur, þar varstu
að hjóla og leika þér með Frið-
riki Valberg vini þínum og ná-
granna. Þið tínduð orma, ról-
uðuð og nutuð lífsins og oftar
en komstu til ömmu Sirrýjar og
sagðir: „Þú sækir mig“ af því að
þú vildir koma heim til ömmu
og afa eftir leikskólann. Alltaf,
alveg frá því að þú fæddist, hef-
ur verið einhver órjúfanlegur
strengur á milli ömmu Sirrýjar
og þín sem erfitt er að útskýra,
eitthvað gott og ósnertanlegt
sem við vissum bæði af.
Þú varst alltaf síbrosandi, þó
svo að þú ættir stórt skap og
ekki var alltaf auðvelt að koma
þér í föt því helst vildir þú vera
á hlýrabol einum fata, hvernig
sem viðraði. Frændur þínir,
Unnar og Steinar, höfðu líka
mikið aðdráttarafl og oft varstu
með þeim úti í hesthúsi að kíkja
á kindurnar og kálfana. Þar átt-
ir þú sjálfur tvær kindur og
meira að segja fékkstu verðlaun
þegar Ídakind, en það skírðir
þú kindina, eftir Ídu systur
þinni, var valin fallegasta
gimbrin hjá Búnaðarfélaginu.
Traktorar voru uppáhaldsfarar-
tækin og þið Unnar fóruð
marga rúnta og oft bara til að
rúnta.
Þegar Lotta Þorbrá fæddist,
á aðfangadag jóla síðastliðinn,
vildir þú að hún héti Sindy Lou
eins og stelpan í ævintýrinu um
tröllið sem stal jólunum. Stelp-
an sem vildi að allir væru góðir
og fannst að jólin ættu ekki
bara að snúast um gjafirnar.
Lotta var svo skírð í vor en er
oft ennþá kölluð Sindy Lou.
Alltaf hefur þú verið mjög
hreinlegur og vildir helst að
einhver mataði þig með skeið
þegar þú fékkst ís svo að þú
yrðir ekki klístraður á hönd-
unum og margar fleiri þannig
sögur er hægt að segja af þér.
Elsku Hjalti Jakob, við vitum
núna að Svandís Þula hefur
tekið á móti þér í Blómabrekk-
unni og þar hlaupið þið um
áhyggjulaus og gleðjið þá sem
þar sitja.
Mér er sem leggi ég lófann
á litla höfuðið þitt,
biðjandi Guð að geyma
gullfagra barnið mitt.
(Þýð. Benedikt Gröndal)
Við elskum þig.
Amma Sigríður (Sirrý) og
afi Hjalti.
Í starfi okkar í leikskólanum
erum við svo heppin að fá að
vera samferða börnum og fjöl-
skyldum þeirra í ákveðinn tíma.
Við óskum þess að fá að kveðja
á gleðistundu þegar ný tímamót
taka við.
Við kvöddum Hjalta Jakob í
Æskukoti fyrir sumarfrí og þá
vorum við sannfærð um að fríið
yrði gott og við myndum hittast
aftur kát og glöð að því loknu.
En í raun þá vitum við ekkert
og á örskammri stundu er allt
breytt og við minnt á að dag-
legt amstur og áhyggjur eru
hjóm eitt þegar hverfulleiki lífs-
ins á í hlut.
Eftir situr minning um góð-
an, duglegan, fallegan, ljós-
hærðan dreng með brosið sitt
bjarta. Hjalti Jakob var lífs-
glaður, hann var góður vinur og
leikfélagi. Þó ungur væri þá var
Hjalti Jakob ábyrgðarfullur
stóri bróðir sem gætti vel að
Ídu Þorgerði systur sinni í leik-
skólanum og stoltur var hann
þegar hann sýndi okkur yngri
systur sína, hana Lottu Þorbrá.
Okkur var öllum ljóst að Hjalti
Jakob var umvafinn ást og um-
hyggju frá foreldrum sínum,
systrum, ömmum, öfum og
frændsystkinum. Í leikskólan-
um naut hann einnig þeirrar
gæfu að vera með ömmu sinni,
henni Sirrý, sem starfar í leik-
skólanum. Hjalti Jakob gaf til
baka ómælda ást og gleði og
var sannkallaður sólargeisli
sem gaf lífinu lit. Í gullkorna-
bókinni á Bátakletti eru þó
nokkur gullkorn frá Hjalta Jak-
obi sem ómetanlegt er að eiga á
stundum sem þessum. Þessi
gullkorn sýna svo sannarlega
hve skemmtilegur og mikill
karakter hann var. Sem dæmi
má nefna þegar Hjalti Jakob
gekk inn í herbergi þar sem
fjórar stúlkur voru að leika í
mömmó, en þá heyrðist í okkar
manni eftir að hafa horft í
kringum sig; „Mér líst bara
ekkert á þetta“! Hjalti Jakob
skilur eftir sig fallegar minn-
ingar og ást sem ekkert fær
burtu tekið. Þannig mun minn-
ing hans lifa.
Hér ríkir sorg sem engin orð
ná að lýsa. Kahlil Gibran segir í
bók sinni Spámanninum: ég
græt vegna þess, sem var gleði
mín. Þar segir líka að ástin
þekki ekki dýpi sitt fyrr en á
skilnaðarstundu. Í sorginni
skynjum við þakklæti fyrir
þann tíma sem við fengum að
eiga með Hjalta Jakobi. Það
voru okkar forréttindi að fá að
kynnast honum. Hans verður
sárt saknað af vinum bæði í
barna- og starfsmannhópnum í
leikskólanum.
Þó sólin nú skíni á grænni grundu
er hjartað mitt þungt sem blý.
Því burtu varst þú kallaður á ör-
skammri stundu
í huganum hrannast upp sorgarský.
Fyrir mér varst þú ímynd hins göf-
uga og góða
svo fallegur, einlægur og hlýr.
En örlögin þín ráðin – mig setur
hljóða
við hittumst samt aftur á ný.
Megi algóður guð þína sálu geyma
gæta að sorgmæddum, græða djúp
sár.
Þó kominn sért yfir í aðra heima
mun minning þín lifa um ókomin ár.
(Höf. ókunnur)
Við viljum þakka fyrir allar
stundirnar sem við áttum með
Hjalta Jakobi. Hugsanir okkar
dvelja hjá foreldrum hans
Gunnhildi Rán og Inga Þór,
systrum Ídu Þorgerði og Lottu
Þorbrá, ömmum, öfum og öðr-
um aðstandendum og sendum
þeim okkar innilegustu samúð-
arkveðjur. Megi hjörtu ykkar
öðlast huggun og frið.
F.h. leikskólans Brimvers/
Æskukots
Sigríður Birna Birg-
isdóttir, leikskólastjóri, og
Íris Rán Símonardóttir,
deildarstjóri Bátakletti.
Hjalti Jakob
Ingason
HINSTA KVEÐJA
Ég elska þig, Hjalti
minn.
Unnar Már Hjaltason
Bróðir okkar,
HÖRÐUR EINARSSON,
Kastró,
er látinn.
Jarðsett verður frá Fossvogskirkju á
afmælisdegi hans, mánudaginn 18. júlí,
klukkan 13.
.
Björn Einarsson,
Hafsteinn Einarsson,
Einar Guðbjartsson.
Ástkær bróðir okkar,
EYJÓLFUR ÞÓRÐARSON
frá Goddastöðum,
Hraunbæ 128, Reykjavík,
lést af slysförum laugardaginn 2. júlí.
Útförin fór fram í kyrrþey að ósk hins
látna. Innilegar þakkir fyrir auðsýnda samúð og hlýhug.
.
Gísli S. Þórðarson,
Ársæll Þórðarson,
Erla Þórðardóttir
og fjölskyldur.
Útför eiginmanns míns, ástvinar og föður
okkar,
FRIÐRIKS KRISTJÁNSSONAR,
fv. framkvæmdastjóra,
Sunnuvegi 29, Reykjavík,
verður gerð frá Áskirkju fimmtudaginn 21.
júlí, klukkan 15. Minningargreinar vinsamlegast afþakkaðar,
sem og blóm og kransar, að ósk hins látna. Þeim sem vilja
minnast hans er bent á Krabbameinsfélag Íslands eða önnur
líknarfélög.
.
Bergljót Ingólfsdóttir,
Vala Friðriksdóttir, Friðrik Friðriksson,
Kristján Friðriksson, Kolbrún Friðriksdóttir,
Bergljót Friðriksdóttir.
Ástkæra eiginkona mín, móðir,
tengdamóðir og amma,
LILJA ERLA JÓNSDÓTTIR
ljósmóðir,
Árskógum 6, Reykjavík,
lést á hjúkrunarheimilinu Skógarbæ
mánudaginn 11. júlí.
Útför hennar fer fram þriðjudaginn 19. júlí klukkan 13 frá
bænahúsi hjá Fossvogskirkju.
.
Aðalsteinn Kjartansson,
Ingibjörg Aðalsteinsdóttir, Unnar Þorleifsson,
Lilja Erla Jónsdóttir,
Aðalsteinn Unnarsson,
Bryndís Ósk Unnarsdóttir.
Faðir okkar, tengdafaðir, sonur, afi
og bróðir,
HINRIK ÞÓR VALGEIRSSON,
Gónhóli 7, Njarðvík,
lést á heimili sínu þriðjudaginn 12. júlí.
Útförin fer fram frá Ytri-Njarðvíkurkirkju
fimmtudaginn 21. júlí klukkan 13.
.
Guðný Rós Hinriksdóttir, Harry Kahari,
Valgeir Örn Hinriksson, Birgitta Rán Óskarsdóttir,
Magdalena Olsen, Valgeir J. Þorláksson,
barnabörn og Ásmundur Örn Valgeirsson.
Innilegar þakkir fyrir auðsýnda samúð og
hlýhug vegna fráfalls elskulegrar eiginkonu,
móður, tengdamóður og ömmu,
ÖNNU LOVÍSU JOHANNESSEN,
Vesturgötu 41,
Reykjavík.
.
Jóhannes Johannessen,
Laufey Johannessen, Ólafur Garðarsson,
Haraldur Johannessen, Svava Björk Hákonardóttir
og barnabörn.
Ástkær móðir okkar, tengdamóðir, amma
og langamma,
SVANFRÍÐUR GUÐMUNDSDÓTTIR,
Kringlunni 17, Reykjavík,
lést á líknardeild Landspítalans 30. júní.
Útför hennar fer fram frá Bústaðakirkju
þriðjudaginn 19. júlí klukkan 13.
.
Gunnhildur Tryggvadóttir, Guðbrandur R. Leósson,
Haukur Tryggvason, Hólmfríður Sigurðardóttir,
Þorgerður Ása Tryggvadóttir, Hólmsteinn Björnsson.