Morgunblaðið - 16.07.2016, Side 39

MENNING 39
MORGUNBLAÐIÐ LAUGARDAGUR 16. JÚLÍ 2016
TÓNLIST
Arnar Eggert Thoroddsen
arnareggert@arnareggert.is
Ég vissi að ég yrði að skrifaum þessa sveit, bara þegarég heyrði nafnið. Krakk &
Spaghettí. Snilld! Ég hafði ekki
heyrt nótu af tónlist en nótaði þetta
engu að síður hjá mér með hraði.
Merkilegt. En aldrei gleyma, tón-
list – er ekki bara tónlist.
Um er að ræða tríó, skipað
þeim Margréti, Atla og Þorgerði.
Sú síðastnefnda rappar og er jafn-
framt stofnandi, Atli sér um tónlist-
ina en Margrét rappar og sér og
um útlitshönnun. Öllum þessum
upplýsingum, og fleirum sem
kunna að koma fram hér, lyfti ég
skammlaust úr viðtali sem Hrefna
Björg Gylfadóttir átti við sveitina á
dögunum og birtist í Reykjavik
Grapevine (og hægt er að nálgast
það á vefsíðu ritsins).
Soundcloud hýsir, eins og áður
segir, hljóðverk sveitarinnar og
elsta lagið, „Tottdrottning (demo)“,
var sent upp fyrir tveimur árum
síðan en það nýjasta, „SLYDD
„Ekki taka okkur alvarlega í alvörunni...“
Ljósmynd/Hrefna Björg Gylfadóttir
Vel soðin Margrét Aðalheiður Önnu Þorgeirsdóttir, Atli Pálsson og Þor-
gerður María Þorbjarnardóttir skipa Krakk & Spaghettí.
CITY“ er mánaðargamalt. Fyrr-
nefnda lagið er ekki nema mínúta,
tónlistin temmilega hrá og tölvu-
leikjaleg, rappið einnig sæmilega
„næft“ og viljandi klúrt eins og
nafn lagsins gefur til kynna.
„SLYDD CITY“ er öllu lyklaðra,
tónlistin glúrnari (og skemmtilega
súr). Þar er og slegið fram rapp-
nafni Þorgerðar, Stelpurófan. Tón-
list og taktar, sem og í öðru nýlegu
lagi, „Lagarfljótsormurinn“ eru
viljandi utangarðs og erlendis væri
þetta líkast til kallað jaðar- eða til-
raunarapp (experimental/abstract
hiphop) þar sem reglulega og mjög
ákveðið er stýrt framhjá við-
teknum venjum hipp-hoppsins.
Hráleikinn hérna og tilraunagleðin
gerir að verkum að þetta minnir
mig stundum á þessi skrítnu lög
sem lúrðu á safnkassettum sem
maður festi sér í gamla daga. Illa
upp teknar, hálfhugsaðar stemmur
sem voru engu að síður endalaust
heillandi.
Ekki er að undra að tríóið
nefnir Kött Grá Pjé og Reykjavík-
urdætur sem helstu áhrifavalda.
Þetta óræða flipp er mjög Kötts-
legt og hann gestar meira að segja
í einu lagi, „Jólahó“. Tríóið tiltekur
Dæturnar sérstaklega sem fyr-
irmyndir og hvatningu en rapp-
heimurinn er þéttsetinn karl-
mönnum og sú skekkja hefur oft og
tíðum dýrkað upp leiðinlega,
heimskulega fordóma. Hið stór-
góða „Spenfrelsi (Geirvartan er
frjáls)“ er undir sterkum áhrifum
frá Dætrunum, bæði textalega og
framreiðslulega.
Reykjavíkurdætur hafa oft
verið gagnrýndar fyrir það að
kunna ekki að rappa, ég skrifaði
um það mál í pistli í mars (sjá arna-
reggert.is) og þar nefni ég að með
því sé fólk að missa af punktinum.
Rappið hér er á köflum varla rapp
þannig séð, talað mál kannski frek-
ar, en þar liggur líka sjarminn.
Þetta er ungt fólk sem kýlir á það,
býr eitthvað til, kann ekki regl-
urnar upp á tíu en er drifið áfram
af því að láta einfaldlega í sér
heyra og taka pláss.
„Ekki taka okkur alvarlega í
alvörunni“ segir á Soundcloud-
setri Krakk & Spaghettí og með því
er gleðin og frjálsræðið undir-
strikuð. En tríóið einblínir um leið
ekki bara á flipp og fjör, samanber
pólítísk lög eins og „Spenfrelsi
(Geirvartan er frjáls)“ og „Hóra
Kapítalismans“.
Og takiði eftir: Eitt af því
fyrsta sem tríóið gerði var að taka
þátt í lagakeppni sem gekk út á að
skila inn eins lélegu lagi og hægt
var. Þar lenti sveitin í öðru sæti.
Eins og ég sagði í upphafi. Snilld!
» Þetta er ungt fólksem kýlir á það, býr
eitthvað til, kann ekki
reglurnar upp á tíu en
er drifið áfram af því að
láta einfaldlega í sér
heyra og taka pláss.
 Krakk & Spaghettí er rapptríó sem hefur verið að í tæp tvö ár  Sveitin hefur verið nokk iðin
við tónleikahald og dælir reglulega út lögum sem finna má á streymiveitunni Soundcloud
Laufey Rún Ketilsdóttir
laufey@mbl.is
„Ég byggi þættina upp á samtölum,
reyni að nálgast tilfinninguna sem
fylgir því að búa í svona þorpi og
hvaða áhrif það hefur á daglegt líf
hjá viðkomandi ásamt þeim sögum
sem tengjast húsinu. Ég er þá miklu
frekar að fara inn í tilfinningalega
nálgun en sagnfræðilega,“ segir
Sverrir Guðjónsson tónlistarmaður,
sem gert hefur fróðlega og
skemmtilega útvarpsþætti um
Grjótaþorpið í Reykjavík og fer
fyrsti þátturinn, „Valtað yfir Grjóta-
þorp“, í loftið á Rás 1 í dag kl. 10.
Þættirnir verða alls fimm talsins og
verða vikulega á dagskrá kl. 10 en
næsti þáttur ber heitið „Húsið verð-
ur að vera sátt“.
Þekkir hvern krók og kima
Sverrir hefur sjálfur búið í
Grjótaþorpinu í rúm tuttugu ár og
þekkir þar að eigin sögn hvern krók
og kima. Sótt hefur verið að Grjóta-
þorpinu í gegnum tíðina og til stóð
að valta yfir það allt til 1983 þegar
þáverandi deiliskipulag rann út.
„Það hefur alltaf staðið allt af sér,“
segir Sverrir en þorpsstemningin á
svæðinu sé engu lík og geri hann til-
raun til að fanga þá stemningu í við-
tölum sínum við íbúa í útvarpsþátt-
unum. Þá leggur hann mikið upp úr
tónlistinni í þáttunum enda sjálfur
tónlistarmaður og hefur verið að
hljóðrita umhverfishljóðin í þorpinu
til að gefa þáttunum meiri dýpt.
„Að mínu mati er svolítið ólíkt að
búa í þorpi eins og þessu í miðborg
af því að það er mjög mikið líf í mið-
borginni og margt sem á sér stað
þar sem hefur áhrif á íbúana. Maður
þarf að hafa tilfinningu fyrir því að
þetta er partur af umhverfinu og
umhverfishljóðunum.“
Margvísleg umhverfishljóð
„Tilfinningin er sérstök að því
leytinu til að þetta er mikið nábýli
hérna og fólk kynnist – nándin er
jafnvel meiri en þegar þú býrð í
blokk,“ segir Sverrir en íbúar þorps-
ins gangi um garðana og því dagleg
samskipti við íbúana með ein-
hverjum hætti. „Þetta skapar sér-
stöðu og í sambandi við hljóð og
myndir þorpsins þá eru þær mjög
ríkulegar,“ segir Sverrir og bætur
við að hann hafi áttað sig á því þegar
hann hófst handa við að taka upp
umhverfishljóðin.
„Við fáum til dæmis flugvélahljóð,
klukknahljóm frá kaþólsku kirkj-
unni og dómkirkjunni ásamt því að
hótelum hefur fjölgað svo hér í
kring að nú eru það líka hjólin á
töskunum og ferðamannahóparnir
sem fara hér í gegn.“
Innsetning í Mjóstræti
Samhliða gerð útvarpsþáttanna
hefur hann unnið náið með ljós-
myndaranum Jónu Þorvaldsdóttur
að gerð sýningar í tengslum við 230
ára afmælishátíð Reykjavíkur-
borgar í ágúst. „Hún vinnur með að-
ferðir gömlu ljósmyndatækninnar
og við höfum unnið þetta verkefni á
síðustu 4-5 árum.“ Myndirnar sýna
stemninguna í Grjótaþorpinu á mis-
munandi tímum árs.
Þau stefna á að setja á laggirnar
innsetningu í Mjóstrætinu, sem er
eina þvergatan í gegnum þorpið,
sem opnuð verður 20. ágúst á Menn-
ingarnótt.
„Myndirnar hennar Jónu sem hún
hefur verið að taka á fimm ára tíma-
bili verða til sýnis í mismunandi
stærðum. Við ætlum að setja nokkr-
ar í valda glugga hér í þorpinu og þá
getur fólk farið í gluggagöngu um
þorpið,“ segir Sverrir en gangan
myndi enda á kaffihúsinu Stofunni
þar sem aðalsýninguna verður að
finna. „Þarna er fullt af sögu í
hverju skrefi.“
Fangar tilfinningu Grjótaþorps
 Útvarpsþáttaröð Sverris Guðjónssonar um Grjótaþorpið hefst á Rás 1 í dag  Tilfinningaleg nálg-
un frekar en sagnfræðileg  Innsetning verður í Grjótaþorpinu í ágúst  Sagan er í hverju skrefi
Grjótaþorp Sverrir Guðjónsson, sem sést á myndinni t.v., fangar þorpsstemningu Grjótaþorpsins í útvarpsþáttum sínum og með sýningu í ágúst.
Ljósmynd/Jóna Þorvaldsdóttir