Morgunblaðið - 27.09.2016, Blaðsíða 30

30 MENNING
MORGUNBLAÐIÐ ÞRIÐJUDAGUR 27. SEPTEMBER 2016
Skeifunni 3h ll Sími: 588 5080 ll dynjandi.is
allt fyrir
öryggið!
Verið velkomin á Sjávarútvegs-
sýninguna í Laugardalshöllinni
28.-30. september 2016.
AF TÓNLIST
Gunnar Valgeirsson,
skrifar frá Los Angeles
Hollywood Bowl er eflaust virt-asta útileikhús Bandaríkj-anna og þykir það akkur
fyrir listafólk að geta komið þar
fram.
Útileikhúsið er í Beachwood-gili
í hæðum Hollywoodborgar og hóf
leikhúsáhugafólk þar sýningar 1916,
en fyrsta byggingin var reist 1922.
Það er því liðin heil öld frá því að
skemmtisýningar hófust í gilinu, en
síðasta meiriháttar endurbótin var
gerð á staðnum þegar sviðið var end-
urbyggt 2004.
Leikhúsið tekur rúmlega nítján
þúsund manns í sæti, en svæðin næst
sviðinu einkennast af básum með
fjórum stólum sem fólk leigir fyrir
drykk og mat undir berum himni.
Þetta notfæra sér margir gestir, því
öllum gestum leikhússins leyfist að
koma með mat og drykk með sér á
tónleika. Þetta gerir mjög skemmti-
legt andrúmsloft, því gestir mæta oft
snemma og taka sér góðan tíma áður
en skemmtunin hefst. Hér í Los Ang-
eles þarf fólk ekki að hafa áhyggjur
af rigningu í Hollywood Bowl – næst-
um aldrei. Undirritaður fylgist
grannt með skrifum fjölmiðla borg-
arinnar um tónleika leikhússins og
Í annan heim
man ég ekki eftir því að rignt hafi á
sýningu síðan ég flutti til borgar-
innar fyrir sextán árum.
Það hafa verið sinfóníuhljóm-
sveitir borgarinnar sem hafa verið
aðalskemmtikraftar leikhússins síð-
an 1934. Ár hvert er dagskrá þess
mestmegnis mjög fjölbreytilegir sin-
fóníutónleikar, en Hollywood Bowl er
síðan leigð út fyrir sértónleika, s.s.
djass, rokk og á síðustu árum raf-
tónlist.
Sem dæmi um fjölhæfnina hafa
eftirfarandi skemmtikraftar komið
fram og sýningar verið haldnar í ár:
árlega Playboy Jazz-hátíðin, Steely
Dan, Bryan Wilson úr Beach Boys,
Diana Ross, Weird Al Yankovic, To-
wer of Power, Jeff Beck, Culture
Club, Electric Light Orchestra, og
þýsku raflistamennirnir í Kraftwerk.
Undirritaður var staddur á tón-
leikum Kraftwerk vikuna fyrir tón-
leika Sigur Rósar og Þjóðverjarnir
frá Düsseldorf voru hreint frábærir.
Það þykir mikill heiður fyrir
listafólk að geta verið með sýningar
og tónleika í Hollywood Bowl. Marg-
ar hljómsveitir og tónlistarfólk leggja
mikinn metnað í að vera með eitthvað
sérstakt í boði og leika oft með sin-
fóníuhljómsveit, en það gerðu flestir
þeir skemmtikraftar sem taldir voru
að ofan í sumar, þótt bæði Kraftwerk
og Sigur Rós hafi verið undantekn-
ingar í ár.
Geim-upphitun
Þetta var í annað sinn sem Sigur
Rós lék í Hollywood Bowl. Hljóm-
sveitin lék þar áður 2005 og kom þá
fram með Amiina á mjög fínum tón-
leikum. Þá var „skálin“ á áhorfenda-
svæðinu rétt hálf-full, en tónleikarnir
nú seldust hinsvegar upp innan hálfs
mánaðar. Sigur Rós hefur leikið
nokkuð oft hér í Suður-Kaliforníu,
þar á meðal þrisvar sinnum 2012-13
og hefur það augljóslega orðið til
þess aðdáendur sveitarinnar voru
æstir í meira. Það ætti ekki að koma
á óvart þar sem þeirri tónleikaferð,
til að fylgja eftir plötunni Kveikur,
var mjög vel tekið af áhorfendum á
þeim fernum tónleikum sem við hér á
Morgunblaðinu fygdumst með á ferð
sveitarinnar.
Undirritaður leit á miða á end-
ursölumarkaðnum á netinu vikurnar
fyrir tónleikana og þar var aug-
ljóslega lifandi markaður, því góðir
miðar virtust dýrir fyrir ríkisstarfs-
mann eins og undirritaðan.
Þrátt fyrir að Sigur Rós sé að
leika í þessari tónleikaferð um Norð-
ur-Ameríku í stærri leikhúsum átján
borga, hafa þeir nú einfaldað tón-
leikahaldið. Hljómsveitin hefur losað
sig við aukatónlistarfólk og þess í
stað reitt sig á tríóið, þá Jón Þór
Birgisson, Georg Hólm og Orra Pál
Dýrason. Markmið hljómsveitar-
innar með þessari uppsetningu var
að leika bæði eldri lög, sem þeir hafa
ekki leikið lengi, og nýjar tónsmíðar.
Hljómsveitin leikur án upphitunar-
sveita á þessari tónleikaferð, en tek-
ur tíu mínútna pásu um miðja tón-
leikana.
Þessu breyttu þeir á þessum
tónleikum í Hollywood Bowl á heitu
laugardagskvöldi, en International
Space Orchestra (www.internation-
alspaceorchestra.com), sem er sin-
fóníuhljómsveit samansett af geim-
vísindafólki héðan úr Kaliforníu, hóf
tónleikana með tuttugu mínútna leik
þar sem sveitin lék þrjú af velþekkt-
um lögum Sigur Rósar.
Þetta er mjög nýjungagjörn
sveit sem stofnuð var 2012. Lék hún
af mikilli leikgleði og kvennakór
sveitarinnar söng íslenska texta
nokkuð vel.
Jónsi heillar
Þremenningarnir mættu síðan á
sviðið um hálfníu og á fyrri hluta tón-
leikanna léku þeir bæði ný lög (Á) og
lög sem þeir hafa ekki leikið um ára-
bil og eru einhvers staðar neðst í
kofforti lagasmíða þeirra, s.s. „Sam-
skeyti“, „Hljómalind“ og „Smáskífa“.
Þetta sýnir hversu öruggir þeir þre-
menningar eru nú um hæfni og list
sína – að treysta því að aðdáendur
þeirra séu tilbúnir að meðtaka lög
sem flestir þekkja ekki, hafa kannski
aldrei heyrt áður.
Eftir hlé birtust þremenning-
arnir fyrir aftan rafmagnað baktjald
sviðsins og léku tvö lög (þar á meðal
nýtt lag „Óveður) þar sem þeir stóðu
við raftæki – rétt eins og Kraftwerk
vikuna áður – en í miðju þriðja laginu
komu þeir fram á svið á ný og settu
heldur betur kraft í leik og lög sín.
Hrynjandin á tónleikunum jókst með
betur þekktum lögum (s.s. „Sæglóp-
ur“, „Ný batterí“ og „Festival“) og í
lokin kom að venju „Popplagið“ sem
setti lokapunktinn á fína tónleika.
Georg og Orri Páll eru báðir
góðir í hinni sérstöku hrynjandi sem
rólegu lög hljómsveitarinnar hafa, en
það er Jónsi, að öðrum ólöstuðum,
sem hrífur áhorfendur. Undirritaður
sat á fyrsta bekk rétt við sviðið og
þegar Jónsi hvað eftir annað virðist
gagntekinn, með lokuð augu – hróp-
andi til áhorfenda fjarri hljóðnem-
anum – eru áhorfendur teknir á
fleygiferð inn í heim Sigur Rósar.
Eftir að hafa setið rúma tvo tíma
þöglir að mestu, risu nítján þúsund
manns á fætur og þökkuðu fyrir sig.
Hljómsveitin hefur gjörbreytt
ljósum og baksviði frá fyrri tónleika-
ferðum og eykur það mjög á hið sér-
staka andrúmsloft sem sveitin skap-
ar á tónleikum sínum.
Sigur Rós mun ekki láta hér
staðar numið með tónleika í Los Ang-
eles.
Hljómsveitin mun halda þrenna
tónleika með sinfóníuhljómsveit Los
Angeles í Walt Disney-tónleikahöll-
inni í mars á næsta ári, en sinfónían
verður þá með vikudagskrá – svokall-
aða Reykjavíkurdaga. Miðar á þá
tónleika seldust upp á örfáum
klukkutímum um leið og þeir fóru í
sölu. Undirritaður rétt náði í einn
miða eftir að hafa verið á netinu og í
símanum í tvo tíma. Ekki slæmt hjá
þeim köppum.
»Eftir að hafa setiðrúma tvo tíma þöglir
að mestu, risu nítján
þúsund manns á fætur
og þökkuðu fyrir sig.
Ljósmynd/Gunnar Valgeirsson
Fjölmenni Útileikhúsið Hollywood Bowl í Beachwood-gili tekur rúmlega 19 þúsund manns í sæti.
Sérstakt andrúmsloft Orri Páll Dýrason og Georg Hólm á tónleikum Sigur Rósar í Los Angeles
Uppselt Hratt seldist upp á tónleika Sigur Rósar.