Morgunblaðið - 23.11.2016, Qupperneq 4
4 FRÉTTIRInnlent
MORGUNBLAÐIÐ MIÐVIKUDAGUR 23. NÓVEMBER 2016
Bjóðum upp á eitt mesta úrval landsins
af snertuhreinsum, þrýstilofti, kælispreyi
og öðru efni fyrir rafbúnað.
Ármúla 17, 108 Reykjavík, sími 552 8636, mbr.is
Allt fyrir raftækni
Snertuhreinsar og þrýstiloft
Vilhjálmur A. Kjartansson
vilhjalmur@mbl.is
Fasteignaverð á höfuðborgarsvæðinu hækkaði
um tvö prósent á milli mánaða í október.
Verð á fjölbýli hækkaði um 1,8 prósent og
verð á sérbýli um 2,2 prósent. Kjartan Hall-
geirsson, formaður Félags fasteignasala, segir
hækkunina síðustu mánuði m.a. koma til vegna
fárra fasteigna á markaði.
„Kaupsamningum er að fækka milli mánaða
en vegna þess að framboðið er lítið á mark-
aðnum er verðið að hækka.“
Friðrik Á. Ólafsson, forstöðumaður bygg-
ingarsviðs Samtaka iðnaðarins, segir að alla
jafna vanti 1.500 til 1.800 íbúðir á ári inn á mark-
aðinn en uppsöfnuð þörf undanfarinna ára sé
umtalsverð.
„Við teljum að uppsöfnuð þörf á íbúðum sé
einhvers staðar í kringum 4.000 og ekki verði
farið að saxa á það fyrr en í fyrsta lagi eftir
svona eitt og hálft ár.“
Smáíbúðir IKEA
Tilraunaverkefni í Garðabæ gefur von um
ódýrari íbúðir í framtíðinni, en þar hafa bæjar-
yfirvöld gefið eigendum Urriðaholts og IKEA
grænt ljós á byggingu 25 fermetra íbúða.
Engum þægindum verður fórnað, en bæði bað-
herbergi og eldhúsaðstaða verður í hverri íbúð.
Íbúðaverð hækkar á milli mánaða
Uppsöfnuð þörf fyrir hátt í 4.000 íbúðir að mati Samtaka iðnaðarins Smáíbúðir í Garðabæ ný
nálgun inn á fasteignamarkaðinn Lítið framboð á markaði hækkar verð á fasteignum
Íbúðir Byggja á svokallaðar smáíbúðir í Urriðaholti sem verða frá 25 fermetrum og upp úr.
Íbúðaverð
» Verð á íbúðum heldur
áfram að hækka.
» Sérbýli hækkuðu um 2,2
prósent milli mánaða í október.
» Uppsöfnuð þörf á íbúðum
er komin í fjögur þúsund, en
byggja þarf hátt í 1.800 íbúðir á
ári til að mæta eftirspurn.
» Smáíbúðir í Garðabæ
gætu leyst hluta íbúðavandans,
en byggja á 25 fermetra íbúðir.
» Engum þægindum verður
fórnað í smáíbúðum, sem verða
bæði með baðherbergi og eld-
unaraðstöðu.
Sunna Ósk Logadóttir
sunna@mbl.is
Endurupptökunefnd hefur ákveðið
að fresta því að birta niðurstöðu sína
um mögulega endurupptöku Guð-
mundar- og Geirfinnsmálanna vegna
ábendingar frá „mjög traustum
aðila“. Ábendingin kom fram í síð-
ustu viku. Þessi nýja ábending teng-
ist ekki handtöku tveggja manna í
sumar sem gerð var í tengslum við
rannsókn setts saksóknara á morði
Guðmundar Einarssonar. „Þetta er
alveg ótengt því,“ segir Björn L.
Bergsson, formaður endurupptöku-
nefndar, í samtali við mbl.is. Hann
vill ekki svara því hvoru málinu
ábendingin tengist.
Fyrir milligöngu saksóknara
„Fyrir milligöngu setts ríkissak-
sóknara fengum við ábendingu sem
kom frá þannig aðila að við töld-
um hana vera af því taginu að
rétt væri að fá þá sögu betur
fram,“ segir Björn. Óskað
hefur verið eftir því að sá
sem kom ábendingunni á
framfæri gefi skýrslu hjá
lögreglu og að hún verði
rannsökuð frekar. Björn segir
ábendinguna koma frá „mjög
traustum aðila“. Hann segir
þetta mann „sem maður hefur
traust á að sé ekki að fara með fleip-
ur. Það kallar á það að upplýsingar
sem hann hefur fram að færa, sem
milliliður, þurfi að sannreyna frá
fyrstu hendi.“
Rannsókn taki stuttan tíma
Björn segist vona að rannsókn
lögreglunnar á þessum nýja anga
málsins taki ekki meira en nokkrar
vikur. Strax í kjölfarið verði hægt að
tilkynna ákvörðun nefndarinnar.
„Við vonum að þetta gangi sem hrað-
ast fyrir sig þannig að við getum lok-
ið störfum okkar strax eftir áramót.“
Ragnar Aðalsteinsson, lögmaður
Erlu Bolladóttur og Guðjóns Skarp-
héðinssonar, sem voru bæði dæmd á
sínum tíma, segir að talsmönnum
málsaðila hafi verið tilkynnt um
frestun á birtingu niðurstöðu
nefndarinnar. Til stóð að kynna nið-
urstöðuna í haust.
Erla Bolladóttir hélt blaðamanna-
fund síðdegis í gær, sem sagt er frá
hér til hliðar.
Ný ábending í málinu
Morgunblaðið/Eggert
Blaðamannafundur Erla Bolladóttir boðaði fjölmiðla á fund í gær eftir að endurupptökunefnd boðaði frestun.
Endurupptökunefnd frestar því að birta niðurstöðu sína
um mögulega endurupptöku í Guðmundar- og Geirfinnsmáli
Brjóta verður upp það mynstur að
launahækkanir til kennara leiði sjálf-
krafa til þess að aðrar stéttir fái
sömu kjarabætur. Ef ekki, verða
kennarar áfram á botninum í launa-
málum. Þetta segir Ragnar Þór Pét-
ursson, kennari í Norðlingaskóla í
Reykjavík. Kennarar þar og í raunar
flestum grunnskólum á landinu
lögðu niður störf í gær kl. 13.30 og
efndu til baráttufundar hver í sínum
ranni. Með því mótmæltu þeir stöðu
kjaramála sinna.
Forysta Félags grunnskólakenn-
ara og fulltrúar samninganefndar
sveitarfélaga sátu hjá Ríkissátta-
semjara í gær. Næsti fundur er á
morgun, fimmtudag. Pressa er á
fólki að ná samningum sem fyrst, en
stóru málin í viðræðunum nú eru
laun og vinnutími. Sem kunnugt er
hafa kennarar í tvígang fellt kjara-
samning sem kominn var á og er
deilan því orðin bæði langvinn og
ströng.
Erfið staða í Seljaskóla
Tæplega 30 grunnskólakennarar á
höfuðborgarsvæðinu hafa sagt upp
störfum að undanförnu. Það sem af
er vikunni hefur 21 kennari við
Seljaskóla í Breiðholti í Reykjavík
sent inn uppsagnarbréf. „Þetta er
erfið staða sem við þurfum að vinna
okkur í gegnum,“ sagði skólastjórinn
Magnús Þór Jónsson í samtali við
mbl.is í gær.
Grunnskólakennarar í Hafnarfirði
voru meðal þeirra sem funduðu í
gærdag. Í ályktun þeirra segir að
laun stéttarinnar eigi að vera í sam-
ræmi við ábyrgð og menntun. Þegar
skólastarf hefjist að hausti eigi jafn-
vel enn eftir að manna stöður innan
skólanna, þar sem nýliðun í kennara-
hópnum sé lítil sem engin. Þessum
vanda verði að finna lausn á í yfir-
standandi viðræðum, sem vonandi
lykti sem fyrst. Að öðrum kosti sé
hætt við hrinu uppsagna grunn-
skólakennara sem starfi hjá Hafnar-
fjarðarbæ. sbs@mbl.is
Hætta á hrinu upp-
sagna kennara
Mynstur í launamálum verði brotið upp
Morgunblaðið/Árni Sæberg
Kennarar Fundað var í Mosfellsbæ
í gær og farið yfir stöðu kjaramála.
Endurupptökunefnd áttar sig ekki á hlutverki sínu þegar hún ætlar að
fara út fyrir rammann með því að rannsaka hvað varð um Geirfinn Ein-
arsson. Þetta sagði Erla Bolladóttir á blaðamannafundi í gær, en hún
sótti árið 2014 formlega um endurupptöku á Guðmundar- og Geir-
finnsmálinu. „Ég er ekki að sækja um endurupptöku á þeim for-
sendum að einhver viti hvað varð um Geirfinn Einarsson, heldur
sæki ég um endurupptöku á þeim forsendum að frá upphafi
rannsóknar voru lög brotin og í gegnum málsmeðferð alla.“
Hún segir lög ekki gera ráð fyrir að nefndin rannsaki þetta
42 ára gamla sakamál. „Heldur bara hvort dómarnir sem felldir
voru yfir okkur stæðust ekki,“ sagði hún og kvaðst hafa trú á að
það yrði niðurstaða nefndarinnar. Mér líður illa með þennan
frest,“ sagði hún, „og traust mitt á kerfinu er orðið æði þunnt.
Þetta er áframhaldandi ill meðferð og kúgun.“
Líður illa með þennan frest
ENDURUPPTÖKUNEFND ÁTTI SIG EKKI Á HLUTVERKI SÍNU