Morgunblaðið - 28.11.2016, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 28. NÓVEMBER 2016
SMÁLÚÐUFLÖK
STÓRLÚÐUSTEIKUR
Sogavegi 3 - Höfðabakka 1 - Sími 555 2800
1.990 kr.kg
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Það vita allir að það er ýmislegt í
gangi. Bæði formenn og aðrir eru að
hittast og svo tökum við stöðuna og
sjáum hvernig hún er,“ sagði Pawel
Bartoszek, þingmaður Viðreisnar, í
gær. Þingflokkur Viðreisnar fundaði
með skömmum fyrirvara síðdegis á
sunnudag um þá stöðu sem nú er
uppi í stjórnarmyndunarviðræðum.
Formenn Sjálfstæðisflokks, Við-
reisnar og Bjartrar framtíðar rædd-
ust óformlega við um stjórnarmynd-
un í fyrradag og lágu undir feldi í
gær. Auknar líkur eru taldar á að
flokkarnir þrír hefji formlegar
stjórnarmyndunarviðræður að nýju
en formenn flokkanna vörðust allra
frétta í gær.
Fréttir af málamiðlunartillögu
Bjarna Benediktssonar, formanns
Sjálfstæðisflokksins, á fundi með
formönnum Viðreisnar og Bjartar
framtíðar eiga ekki við rök að styðj-
ast, samkvæmt heimildum Morgun-
blaðsins. Pawel sagði stöðuna við-
kvæma og hann gæti ekki rætt það
sem fram færi á þingflokksfundi
Viðreisnar að svo stöddu.
Hafi vit á að grandskoða málið
Enginn þingflokksfundur var
boðaður hjá þingmönnum Sjálfstæð-
isflokksins í gær í kjölfar óformlegra
viðræðna flokkanna þriggja um
helgina. Þetta staðfesti Guðlaugur
Þór Þórðarson, þingmaður Sjálf-
stæðisflokksins, en hann átti ekki
von á fundum fyrr en í dag. „Ég vona
að menn hafi vit á því að grandskoða
þetta áður en þeir fara í einhverjar
fleiri æfingar.“
laufey@mbl.is
Staða viðræðna viðkvæm
 Formenn Sjálfstæðisflokks, Viðreisnar og Bjartrar framtíðar ræddust við um
helgina  Engin málamiðlunartillaga frá Bjarna  Sjálfstæðismenn funda í dag
Morgunblaðið/Brynjar Gauti
Þingfundir Alþingi verður kallað saman einhvern næstu daga.
Alls sjö íslensk verk verða kynnt á norræna danstvíær-
ingnum Ice Hot sem hefst í Kaupmannahöfn á miðviku-
dag. Þetta er stærsta danshátíð Norðurlanda, sem sam-
tök frá öllum löndunum standa að. Tvíæringurinn
hefur verið haldinn frá árinu 2010, fyrst í Stokkhólmi,
svo í Helsinki 2012 og Ósló 2014. Nú er komið að Kaup-
mannahöfn og svo verður hátíðin á Íslandi 2018.
Ice Hot-hátíðin dregur að sér fagfólk alls staðar að
úr heiminum og þykir sýna það besta og framsæknasta
í norrænum dansi hverju sinni. Fimm manna dómnefnd
velur verkin, en þau íslensku hafa aldrei verið fleiri.
„Um þessar mundir er mikil gróska í íslenskri dans-
menningu. Hún er í raun komin á stall með því besta
sem gerist. Norrænn dans hefur líka vakið mikla at-
hygli á undanförnum árum. Það líður vart sú vika að
ekki sé verið að sýna norræn dansverk í helstu borgum
heims,“ segir Ásta Richardsdóttir, fulltrúi Íslands í Ice
Hot.
Meðal verka á hátíðinni eru Black Marrow sem Ís-
lenski dansflokkurinn sýnir og Elskhuginn eftir Báru
Sigfúsdóttur. Þá sýna Rósa Ómarsdóttir og Inga Huld
Hákonardóttir Dalinn sem kynningarverk. sbs@mbl.is
Aldrei fleiri íslensk verk
Dans Rósa Ómarsdóttir og Inga Huld Hákonardóttir
með ögrandi verk sitt, The Valley – það er Dalurinn.
 Ice Hot að hefjast í Kaup-
mannahöfn  Sjö íslensk verk
 Norrænt í helstu heimsborgum
Píratar sam-
þykktu í gær í
hraðkosningu í
kosningakerfi
sínu breytingu
varðandi þing-
setu ráðherra.
Reglan um að
þingmenn séu
ekki ráðherrar er
nú aðeins bundin
við þeirra eigin
þingmenn. Hraðkosningin stóð yfir í
einn sólarhring. Alls greiddu 244 at-
kvæði og þar af sögðu 216 já eða
88,52% og 28 nei. Kosningaþátt-
takan þykir góð miðað við að aðeins
86 tóku þátt í kosningu um útfærslu
á samþykkt nýrrar stjórnarskrár.
Píratar vildu áður ekki eiga aðild
að ríkisstjórn þar sem ráðherrar
sætu jafnframt sem þingmenn. Nú
útilokar flokkurinn hins vegar ekki
aðild að ríkisstjórn þar sem ráð-
herrar annarra flokka eru jafnframt
þingmenn en nýsamþykkt breyting
á stefnunni kveður á um að ráð-
herrar Pírata skuli einungis sitja á
Alþingi samkvæmt embættisstöðu
sinni sem ráðherrar en ekki þing-
menn. Stefnubreytingin á rætur sín-
ar að rekja til fimm flokka stjórn-
armyndunarviðræðna sem fóru fram
á dögunum en álitamál var hvort
krafa Pírata tæki einnig til sam-
starfsflokka þeirra.
„Það eru kannski óbilgjarnar
kröfur á aðra flokka,“ sagði Birgitta
Jónsdóttir, þingmaður Pírata.
Bannið
nú bundið
við Pírata
Já Píratar hlynntir
breyttri stefnu.
 Flokkurinn breytti
fyrri samþykkt
Mjög meinlausu veðri er spáð alla
vikuna að sögn veðurfræðings hjá
Veðurstofu Íslands. Suðvestanátt
verður yfir landinu í dag og má bú-
ast við einhverjum snjóéljum seinni-
partinn sunnan- og vestanlands en
þurru veðri fyrir norðan og austan.
Á morgun, þriðjudag, fer hitinn aft-
ur upp á við og suðlægar áttir verða
ríkjandi á öllu landinu. Vindhraðinn
fer líklegast ekki yfir 10 metra á
sekúndu alla vikuna. Þessum suð-
lægu áttum fylgir einhver úrkoma,
rigning eða slydda á öllu landinu.
Seinnipart vikunnar verða áfram ró-
legar suðlægar áttir og litla úrkomu
er að sjá í kortunum.
Rólegt veður
alla vikuna
Fjölmenni var á Austurvelli á laugardag þegar
ljós Óslóarjólatrésins voru tendruð. Þetta er í 64.
sinn sem íbúar norsku höfuðborgarinnar færa
Reykvíkingum þessa gjöf og tréð var að þessu
sinni íslenskt, fengið úr norska lundinum í Heið-
mörk. Dagskráin á Austurvelli var fjölbreytt,
svo sem tónlist og jólasveinasprell. Mátti víða sjá
blik í augum barna á þessari stund sem markar
upphaf jólundirbúnings hjá mörgum.
Blik í augum barnanna á Austurvelli
Morgunblaðið/Eggert
Ljósin á Óslóarjólatrénu í Reykjavík tendruð í 64. sinn