Morgunblaðið - 28.11.2016, Blaðsíða 34

34 MENNING
MORGUNBLAÐIÐ MÁNUDAGUR 28. NÓVEMBER 2016
Jólahlaðborð
Marentzu Poulsen
Borðapantanir í síma 553 8872
Frekari upplýsingar og matseðil
má finna á www.floran.is
Inga Rún Sigurðardóttir
ingarun@mbl.is
María Rán Guðjónsdóttir og Þor-
gerður Agla Magnúsdóttir stofnuðu
útgáfufyrirtækið Angústúru fyrr á
þessu ári.
„Við kynntumst í bókabrans-
anum. Ég var að vinna hjá Crymo-
geu og Agla hjá Miðstöð íslenskra
bókmennta. Við eigum líka marga
sameiginlega vini,“ segir María Rán
um kynni þeirra en sagan nær
reyndar lengra aftur en þetta.
„Mömmur okkar voru bestu vin-
konur í Hjúkrunarskólanum í gamla
daga,“ segir Agla (eins Þorgerður
Agla er jafnan kölluð) en það kom
upp úr dúrnum eftir á. „Og ennþá
sætari saga en það er að mamma
Öglu fékk mömmu mína með sér í
partí þar sem hún hitti pabba minn.
Svo byrja þau að vera saman upp úr
því,“ segir María Rán en þetta var í
íbúðinni sem hún býr nú í en amma
hennar og afi byggðu húsið, sem
stendur við Grenimel 39. Í bakhúsi
á lóðinni er nú rekið forlagið Ang-
ústúra.
„Ég hitti mömmu hennar Öglu og
sagði við hana að mér fyndist ég
eiga henni líf mitt að þakka,“ segir
María Rán.
Þetta hljómar örlagakennt, að
minnsta kosti ef maður er for-
lagatrúar, sem er við hæfi í þetta
skiptið. Þær höfðu ennfremur hist á
bókamessum erlendis og smullu þar
saman.
„Ég var búin sækja bókamessur í
nokkurn tíma,“ segir Agla, sem
starfaði áður hjá Miðstöð íslenskra
bókmennta, Bókmenntasjóði og
Bjarti bókaútgáfu.
„Hluti af því starfi sem ég vann
hjá miðstöðinni var að standa fyrir
kynningum á íslenskum bók-
menntum erlendis, fara á bóka-
messur og hitta erlenda útgef-
endur,“ segir hún en þess á milli
gekk hún um bókamessurnar og sá
þar forvitnilegar bækur sem hún
hugsaði að gaman væri að kæmu út
á íslensku.
„Ég var búin að fylgjast með út-
gáfu hérlendis í mörg ár og hugsaði
að það væri gaman að gera þetta
einhvern tímann sjálf,“ segir Agla
og María Rán tekur undir þetta og
segist alltaf hafa átt þennan draum.
Draumurinn rættist hratt, þær
ákváðu að stofna forlagið í maí og
það koma út fjórar bækur frá Ang-
ústúru fyrir jólin.
Fallegar bækur í
vönduðum þýðingum
Hvert stefnið þið?
„Við erum með skýra sýn. Okkur
langar til að gefa út fallegar bækur
frá öllum heimshornum. Það er til-
viljun að við byrjum á mat-
reiðslubókum og barnabókum en
við féllum bara fyrir þessum bókum
og fannst spennandi kostur að byrja
á þeim. Við munum einbeita okkur
aðallega að þýðingum til að byrja
með,“ segir María Rán en þær
hyggjast bjóða upp á bækur í
áskrift, vandaðar þýðingar á bók-
menntum víða að úr heiminum.
„Þar fyrir utan langar okkur að
gefa út huggulegar bókmenntir,“
segir María Rán og Agla grípur
orðið: „Svona sumarbústaðabók-
menntir.“
Hún bendir á að fólk lesi alls-
konar bækur. „Staðreyndin er að
þeir sem lesa, lesa oftast allskonar
bækur, ekki bara eina tegund, rétt
eins og við viljum ekki alltaf borða
það sama.“
„Við erum þegar búnar að festa
kaup á einni mexíkóskri bók svo er-
um við líka að líta til Nígeríu og
Pakistan,“ segir María Rán, sem er
einnig þýðandi og hefur fyrst og
fremst verið að þýða úr spænsku.
„Þetta eru bækur sem hafa vakið
áhuga okkar upp á síðkastið,“ segir
Agla en þetta eru bækur sem hafa
komið út í tugum landa áður. Þær
segja að það sé nóg af bókum þarna
úti og þær ætla sér að velja það
besta úr.
„Við teljum okkur hafa gott nef,“
segir Agla.
„Maður þarf fyrst og fremst að
hafa mikinn áhuga á bókum og
áhuga á fólki. Þetta snýst líka mikið
um að fá rétta fólkið með sér í lið,“
segir María Rán. „Það er svo margt
skapandi fólk sem kemur að bóka-
útgáfu, hvort sem
Forlögin leiddu þær saman
 Angústúra er nýtt bókaforlag  Leggur áherslu á fallegar bækur frá öllum heimshornum og
vandaðar þýðingar  Verður hægt að fá bækur í áskrift  Fjórar bækur komnar út fyrir jólin