Morgunblaðið - 28.11.2016, Blaðsíða 37

MENNING 37
MORGUNBLAÐIÐ MÁNUDAGUR 28. NÓVEMBER 2016
JK Rowling, höf-
undur sagnanna
um Harry Potter,
gladdi sjö ára
stúlku í hinni
stríðshrjáðu sýr-
lensku borg
Aleppo þegar hún
sendi henni bæk-
urnar um Potter í
rafbókaformi.
Móðir Bana Alahed „tísti“ til Rowl-
ing eftir að Bana hafði horft á kvik-
myndirnar um galdrastrákinn og
sagði að dótturina dreymdi um að
lesa sögurnar. Rowling sendi þær
þá til hennar og óskaði henni gæfu.
Gladdi ungan
lesanda í Aleppo
JK Rowling
Íslensk ofurfæða – villt og tamin
bbbbb
Texti og myndir eftir Áslaugu Snorradóttur.
Vaka Helgafell gefur út. 239 bls., kilja.
Þessi dásamlega matarbók er margslungin í
ágæti sínu. Hún er einstaklega falleg, því Áslaug
er einfaldlega frábær ljósmyndari sem ekki ein-
ungis myndar matinn fag-
urlega heldur verður mat-
urinn í hennar meðferð að
hreinu listaverki, þar sem
litir og form takast á. Að
því leytinu til er þetta bók
fyrir bæði sælkera og fag-
urkera sem jafnt má geyma
á sófaborðinu og á eldhús-
bekknum.
Eins og hinn hugvitssami
titill ber vitni um er Áslaug
einlægur aðdáandi náttúrunnar okkar og þess sem
hún gefur okkur; bæði þess sem við þurfum að tína
sjálf og þess sem við ræktum. Bókin býr yfir mik-
ilvægum og merkilegum upplýsingum um gjafir
íslensku náttúrunnar okkur til handa, sem á tím-
um vaxandi vitundar um sjálfbærni, væri af-
skaplega gott fyrir sem flesta að tileinka sér.
Uppskriftirnar eru frumlegar, girnilegar og
ekki eins flóknar og þær gætu litið út fyrir að vera.
Hér má finna krækiberjasmjör, makrílstöppu, ein-
staklingsbrauðtertur, kerfilspestó og margt sem
við þekkjum betur. Þetta er matur sem má láta
henta vel við flest tækifæri, sérstaklega ef mann
langar til að búa til fallegan mat, hollan og
skemmtilega öðruvísi.
Mögnuð matarbók sem allir ættu að geta nálg-
ast á sínum eigin forsendum, lært af og notið.
Eitthvað ofan á brauð
bbbbn
Texti og myndir eftir Nönnu Rögnvaldardóttur.
Iðunn gefur út. 135 bls., kilja.
Eins og titillinn gefur til kynna, má í þessari bók
finna gnótt uppskrifta af áleggi af ýmsum toga,
sem ætti að falla vel í kramið hjá brauðátsþjóðinni
sem við nú erum. Sumt áleggið þekkjum við vel, en
það er þá í nýrri á spennandi útgáfu snillingsins
Nönnu. Annað er meira framandi og má þar nefna
hið forvitnilega (en óárennilega) potkäse, reykt
makrílmauk og hina spennandi beikonsultu. Ég er
ekki síst hress með mikið úrval baunamauks, þar
sem það er mun erfiðara að finna í verslunum hér-
lendis en erlendis, og í takt
við tíðarandann henta
margar uppskriftanna
grænkerum (vegan).
Þetta er lítil og handhæg
bók sem í má finna girnileg-
ar uppskriftir fyrir uppá-
komur af öllum toga og
hversdaginn líka. Mynd-
irnar hjá Nönnu eru mjög
fínar; soldið rústík en heim-
ilislegar um leið, og þær falla mjög vel að þeirri
tegund matar sem hér er borinn fram fyrir les-
endur.
Sniðug bók handa öllum sem vilja gera vel við
gesti sína – eða sjálfa sig – á einfaldan hátt.
Mömmubitar – næring
og hollusta á meðgöngu
bbbbn
Texti eftir Anítu Briem og Sólveigu Eiríksdóttur.
Myndir eftir René F. Hansen og fl.
JPV gefur út. 197 bls., innb.
Það er krefjandi verkefni að ganga með barn,
bæði líkamlega og andlega. Bókin Mömmubitar
lýsir vel þeirri reynslu og líðan móður á með-
göngu. Hún lýsir löng-
uninni til að borða góðan
mat; mat sem eykur orku
og vellíðan í allri þreytunni,
en sem að sama skapi er
góður og hollur fyrir litla
krílið. Það getur verið erfitt
og flókið að finna þann mat.
Í Mömmubitum er allt á
einum stað; upplýsingar
um þarfir líkama bæði
móður og barns, hagnýt ráð til að komast sem best
í gegnum daginn, og svo er bókin auðvitað uppfull
af fínustu uppskriftum sem henta öllum stundum
meðgöngunnar, allt frá ógleðisnakki til óáfengra
kokteildrykkja.
Það er ekki auðvelt að finna góða meðgöngubók
sem talar til manns, en ég trúi að nú hafi verið
bætt úr því. Skrifin hennar Anítu eru bæði einlæg,
falleg, og líka raunsæ, þar sem sagt er frá góðum
og slæmum stundum óléttunnar. Mömmubitar eru
falleg bók, jafnvel smávæmin, sem mér finnst bara
sætt og viðeigandi. Myndirnar eru ljúfar, upp-
skriftirnar á laxableikum bakgrunni og saurblöðin
með litlum bleikum hjörtum.
Tilvalin jólagjöf fyrir tilvonandi mömmur og
pabba.
Frumlegar, spennandi
og girnilegar uppskriftir
Gluggað í þrjár ólíkar íslenskar matreiðslubækur, þar sem finna má uppskriftir fyrir
öll tækifæri á mismunandi stundum lífsins.
Hildur Loftsdóttir hildurl@mbl.is
Ljósmynd/Áslaug Snorradóttir
Lystarlist Í höndum Áslaugar verður maturinn að hreinu listaverki, þar sem litir og form takast á.
Leikarinn kunni Tom
Hanks dregur ekki upp
blíðlega mynd af leikstjór-
anum og hasarhetjunni
Clint Eastwood sem leik-
stýrði honum í fyrsta
skipti í kvikmyndinni
Sully. Hún fjallar um flug-
stjórann Chesley „Sully“
Sullenberger sem tókst að
nauðlenda þotu á Hudson-
fljóti.
„Maður vill svo sann-
arlega ekki fá eitt af þess-
um Eastwood-augna-
tillitum,“ sagði Hanks
þegar hann var gestur í
sjónvarpsþætti Graham
Norton.
„Hann kemur fram við
leikarana eins og hesta
því þegar hann vann að
sjónvarpsþáttaröðinni
Rawhide á sjöunda ára-
tugnum þá kallaði leik-
stjórinn bara „Axjón!“ og
hestarnir stukku af stað.
Nú þegar hann leikstýrir segir
hann bara þýðlega, „Allt í lagi, af
stað,“ og í stað þess að kalla
„kött!“ í lok senu segir hann
„Þetta er gott.“ Það er verulega
ógnvænlegt.“ Þannig lýsir Hanks
leikstjórn Eastwood og bætir við
að flugstjórinn hafi líka haft sig
mikið í frammi við tökur kvik-
myndarinnar, skipt sér af túlkun
leikaranna og jafnvel skammað
Eastwood þegar hann var eitt sin
tuttugu mínútum of seinn. Hanks
og Clint Eastwood voru í and-
stæðum fylkingum í nýafstöðnum
forsetakosningum, Hanks eindreg-
in stuðningsmaður Hillary Clinton
en Eastwood Donalds Trump.
Eastwood stýrir leik-
urum eins og hestum
AFP
Samstarfsmenn Tom Hanks og Clint East-
wood taka við verðlaunum í Hollywood.
Tónastöðin • Skipholti 50d • Reykjavík • sími 552 1185 • www.tonastodin.is
Láttu drauminn rætast.
BAD SANTA 2 6, 8, 10
FANTASTIC BEASTS 3D 6, 9
HACKSAW RIDGE 8, 10.45
TRÖLL 2D ÍSL.TAL 6
LAUGARÁSBÍÓ Sýningartímar
Miðasala og nánari upplýsingar