Dagblaðið Vísir - DV - 27.02.2015, Síða 41

Helgarblað 27. febrúar–2. mars 2015 Fólk Viðtal 33
var, fór og leitaði mér hjálpar. Ég fór
til sálfræðings og í kjölfarið til heilara
og nuddara því það tekur á líkamann
að fara í gegnum svona vinnu. Það
besta var að ég gat farið til baka og
skilað þessu öllu til foreldrahúsanna
og þar var tekið við því og þar með
auðveldara að fyrir gefa. Það er svo
dýrmætt. Í dag sé ég allt skýrara og er
ekki að burðast með þessa reiði for­
tíðar lengur. Auðvitað koma dagar
sem eru erfiðari en aðrir. Jólin hafa
til dæmis alltaf verið erfið en leik­
húsið hefur snúið því við undanfarin
ár. Jesús litli hefur skapað jólin upp á
nýtt fyrir mig.“
Engar meðlagsgreiðslur
Þótt Kristjana hefði eitthvað daðrað
við djass lærði hún klassískan söng
í Söngskóla Reykjavíkur. En eftir að
hafa heyrt Ellu Fitzgerald syngja
„How High the Moon“ á Berlínar­
konsertinum fræga var ekki aftur
snúið. „Ég hélt alltaf að djassinn væri
bóla sem myndi líða hjá og ég yrði að
verða alvöru óperusöngkona. Djass­
inn fór hins vegar aldrei úr höfðinu
á mér, þetta var eitthvað sem ég réð
ekki við,“ segir Kristjana sem lauk
námi í djasssöng frá Konunglega
listaháskólanum í Haag í Hollandi
árið 2000 með hæstu einkunn.
Rétt áður en hún fór utan í nám­
ið hafði hún kynnst barnsföður sín­
um heima á Íslandi. „Við fórum að
slá okkur upp korter í brottför mína
til Hollands. Við vorum saman í níu
ár og eignuðumst eina dóttur, Ragn­
heiði Lóu. Svo skildum við 2005.
Hann er einn af mínum bestu vinum
í dag. Við eigum þetta barn saman
og skiptum því jafnt á milli okkar.
Við hjálpumst að með hana og tók­
um þá ákvörðun að fella niður með­
lagsgreiðslurnar. Þetta er afar einfalt.
Ef ég er blönk borgar hann meira og
ef hann er blankur borga ég meira.
Þetta er allt gert fyrir hana, þessa
stórkostlegu manneskju sem er
nýorðin 12 ára.“
Barnið mesta blessunin
Hún neitar því að hafa fundist henni
hafa mistekist þegar hún var orðin
einstæð móðir, líkt og móðir hennar
með hana á sínum tíma. „Þetta bara
gekk ekki og þess vegna tókum við
þessa ákvörðun. Lóa var rétt tveggja
og hálfs árs og þekkir ekkert annað.
Skilnaðurinn var auðvitað erfiður en
við ákváðum fljótt að tala aldrei illa
um hvort annað og að okkar vanda­
mál væru ekki hennar vandamál. Lóa
upplifir okkur sem vini og það hefur
aldrei verið neitt „drop zone“ eins og
oft verður eftir skilnað. Við setjumst
frekar niður og fáum okkur kaffibolla
og ræðum málin.“
Kristjana segir það ekki hafa verið
sérstaklega í kortunum hjá henni að
verða móðir. „Ég var að verða 35 ára
svo ég fór seint af stað. Ég ætlaði alltaf
að verða tónlistarmaður og var ekk­
ert að spá í börn enda var ég ekki viss
um hvað ég ætlaði mér þegar hún
kom undir. En sem betur fer fór þetta
svona enda hefur dóttir mín verið
mín mesta blessun. Þetta er eins og
að vera með lítinn gúrú á heimilinu;
hún sér í gegnum allt og er um leið
mælir á hamingjuna. Ef hún er eitt­
hvað fúl á það líka við um mig. Hún
er beintengd við mig. Frábær sál­
fræðingur sagði mér að enginn kæm­
ist óskaddaður frá foreldrum sín­
um, það er gott að hafa það á bak
við eyrað. En við Lóa erum góðar
vinkonur og hún er algjör móður­
betrungur þetta barn.“
Hún segir fleiri börn ekki hafa
verið í spilunum. „Það hefði verið
gaman að eignast fleiri en það gerð­
ist ekki. Það góða er að Lóa á samt
systkini. Ég hafði mestar áhyggjur
af því að hún yrði ein en aðra hvora
viku er hún litla dekurrófan hennar
mömmu sinnar en hina vikuna er
hún að hjálpa pabba sínum með litlu
syst kini sín sem eru hreint alveg dá­
samlegar mannverur.“
Svolítið klofin persóna
Kristjana viðurkennir að erfiðar
minningar frá æskunni hafi komið
upp á yfirborðið þegar hún eignaðist
barn. „Að sjá dóttur mína á þessum
aldri varð til þess að flóðgáttir hrein­
lega opnuðust og gerði það að verk­
um að ég fór og vann alla þessa vinnu
með sálfræðingi. Þá fyrst áttaði ég
mig á alvarleika málsins. Þess vegna
er hún það besta sem hefur komið
fyrir mig. Annars væri ég að drösl­
ast með þetta ennþá,“ segir Kristj­
ana og það er greinilegt að það rífur
í að ræða þessi mál enda ekki eitt­
hvað sem hún hefur hingað borið á
torg. „Ég hef alltaf verið svolítið klofin
persóna. Á sama tíma og ég elska að
vera innan um fólk þá er önnur hlið
á mér sem er einstaklega prívat týpa.
Ég á til að draga mig í hlé sem getur
haft áhrif á sambönd mín við fólk sem
er mér náið. Það er mér nauðsynlegt
að taka sjálfa mig stundum hrein­
lega úr sambandi og þá svara ég ekki
einu sinni í síma. Þetta er eitthvað í
mér frá því ég var lítil, ég var oft svo
afskipt. En ég reyni að horfa jákvæð­
um augum á þetta líka því einvera
getur verið góð og það verður greið­
ur aðgangur að uppsprettunni þar
sem sköpunarrásin er galopin og al­
gerlega nauðsynleg fyrir vinnandi
listamann og því kýs ég ekki að líta á
þetta sem eitthvað slæmt. Þá væri ég
ómöguleg.“
Trúðurinn Bella fæddist
Auk þess að vera ein þekktasta djass­
söngkona landsins var Kristjana vin­
sæll raddþjálfari en hefur síðustu ár
starfað sem tónlistarstjóri og tón­
skáld í Borgarleikhúsinu. En þar með
er ekki allt upp talið því árið 2009
hlaut hún Grímuverðlaunin ásamt
kollegum sínum fyrir trúðasýn­
inguna Jesú litla. „Þegar ég kom heim
frá Hollandi fór ég að að kenna í FÍH
og eftir frekara söngtækninám í Dan­
mörku fékk ég símtal frá Stöð 2 og var
beðin um að raddþjálfa krakkana í
Idolinu. Eftir það stoppaði ekki sím­
inn hjá mér. Í kjölfarið fór ég að vinna
í Borgarleikhúsinu þar sem ég kynnt­
ist Bergi Þór Ingólfssyni og Halldóru
Geirharðsdóttur og trúðameistar­
anum Rafael Bianciotto. Hann bauð
mér að koma á trúðanámskeið og þar
fæddist trúðurinn Bella. Hún er tölu­
vert frakkari en besta vinkona henn­
ar, Kristjana, en fyrst og fremst er hún
mjög góð sál. Ég hugsa að hún sé með
þetta ómengaða ljós í sálinni sem við
fæðumst öll með, það er svolítið gull
í henni. Svo elskar hún óperur svo
ég fæ útrás fyrir söngskólagönguna í
henni. Hún er svakalegt krútt.“
Mörkin sett
Kristjana segir starfið í leikhúsinu
hafa hjálpað sér að vinna í æsku­
málum sínum. „Ég hef brennandi
áhuga á þessum sýningum sem ég
hef unnið að með Bergi og Dóru. Við
höfum fjallað um fyrirgefninguna
og kærleikann í Jesú litla og þennan
kjark að þora að standa í ljósinu. Svo
sýndum Hamlet litla fyrir skólabörn
og ræddum í leiðinni við þau um að
setja sér mörk við ofbeldi. Í þeirri
sýningu lék ég vonda karlinn sem
veður yfir mörk allra og skilningur­
inn verður enn dýpri og meiri þegar
maður hefur sjálfur upplifað ýmis­
legt. Hamlet litli hlaut einnig Grímu­
verðlaunin í fyrra sem Barnasýning
ársins. Þar samdi ég alla tónlistina
líka. Og núna er ég byrjuð að vinna að
nýrri trúðasýningu með Bergi sem er
byggð á síðustu dögum Sókratesar og
verður hún frumsýnd í haust. Leik­
húsið hefur því hjálpað mér í gegn­
um marga persónulega baráttu og ég
er svo þakklát fyrir þau tækifæri sem
ég hef fengið og í kjölfarið þeim frá­
bæra vinskap sem er mér svo óend­
anlega kær.“
Lífstíllinn hentar
Kristjana segir lífsstíl listamanns­
ins henta sér vel. „Ég er tvíburi og ef
maður spáir í stjörnumerkin hentar
það honum best að hafa mörg járn í
eldinum. En ég, eins og flestir lista­
menn, hef oft hugsað um það að
þegar verkefnin hafa ekki raðast upp
næsta árið og óvissan um innkomu
nagar mann, hvort ég ætti að skipta
yfir í níu til fimm vinnu og eiga frí um
helgar. Ég er náttúrlega með barn. Ef
ég væri ein væri þetta auðveldara.
En ég hef getað sinnt þessu svona
þótt ég hafi stundum móral gagnvart
Lóu fyrir að vera svona mikið í burtu.
En það sem hún fær í staðinn er svo
mikið. Ég veit ekki hversu margar
æfingar af Söngvaseið og Galdra­
karlinum í Oz hún hefur setið með
mér uppi í Borgarleikhúsi. Það er ör­
ugglega eitthvað sem marga krakka
dreymir um. Annars hefur aldrei
verið neitt vesen með hana Lóu.
Við pössum vel upp á hana. Það er
gott fólk í kringum okkur sem hjálp­
ar okkur að hlúa að henni. Auðvitað
gerir samviskubitið oft oft vart við sig
en ég held að það sé eðlilegt hjá öll­
um foreldrum. Hún hefur allavega
kynnst fjölda skemmtilegs og skap­
andi fólks sem á vel við hana enda
ætlar hún sér að vinna í leikhúsi í
framtíðinni.“
Uppgjör við fortíðina
Varðandi sína framtíð segist Krist­
jana ætla að einbeita sér meira að
tónlistinni. „Ég er nýbúin að syngja á
stórtónleikum með Stórsveit Reykja­
víkur og undirbúningurinn tók um
tvö ár. En núna er það Sókrates í Borg­
arleikhúsinu og svo er það platan sem
ég hef haft á teikniborðinu í langan
tíma. Ég hef unnið með svo stórkost­
legu tónlistarfólki í gegnum tíðina að
tónlistin sem ég sjálf hef samið frá
því ég var lítil stelpa hefur lent ofan í
skúffu. En nú er ég byrjuð á sólóplöt­
unni, hún verður uppgjör við fortíð­
ina í leiðinni. Vonandi tekst mér að
koma henni frá mér núna,“ segir hún
og bætir við að ekki verði um djass­
plötu að ræða. „Þetta er „alternative“
popptónlist eins og margir hér á landi
eru að semja. Ég mun gefa plötuna út
undir listamannsnafninu Bambaló,
en pabbi kallaði mig alltaf því nafni
þegar ég var lítil. Þetta verður upp­
reisn æru fyrir litlu stelpuna sem ég
einu sinni var.“
Hlakka til að verða gömul
Kristjana verður 47 ára á árinu. „Ég er
með frekar litla aldurskomplexa og
fagna alltaf þegar ég á afmæli enda
verð ég betri listamaður og mann­
eskja með hverju árinu. Ég hlakka til
að verða gömul,“ segir hún brosandi.
Aðspurð hvort ástin hafi bankað upp
á þagnar hún í smá stund en segist
svo brosandi eiga góðan vin. „Þetta
er svolítið loðið einmitt núna. Ég veit
ekki hvað verður. Það verður bara
að koma í ljós. Ég hef verið einhleyp
meira og minna síðan ég skildi. Ég
ákvað að eyða frekar tímanum í að
vinna í mínum málum því ég held
að þegar maður er krumpaður á sál­
inni laði maður þannig fólk að sér. Ég
hef notað tímann til að taka til og er
nýfarin að líta í kringum mig. Ég var
ekki tilbúin fyrr. Núna er ég tilbúin.
Hver veit hvað gerist.“ n
Mæðgur Kristjana var að verða 35 ára þegar hún varð móðir. Mynd JónaTan GarðarSSon
Vinkonurnar björguðu Vinkonur Kristjönu komu sterkar inn þegar hún missti föður sinn.
Með pabba Pabbi Kristjönu kallaði hana
gjarnan Bambaló.
„Skilnaður-
inn var auð-
vitað erfiður en við
ákváðum fljótt að
tala aldrei illa um
hvort annað og að
okkar vandamál
væru ekki hennar
vandamál
Lakkað smeLLuparket • 30 ára ábyrgð
Parket & gólf • Ármúla 32, 108 Reykjavík • S: 5681888 • parketoggolf.is
Verð: 9.060 kr. m²
Nú á tilboðsverði: 6.342 kr. m²
Hágæða
PlankaParket
- eik Sauvage
einstakt tilboð
-30% afsláttur
ATH TAkmArkAð mAgn Parket og gólf