Dagblaðið Vísir - DV - 27.02.2015, Blaðsíða 48

Helgarblað 27. febrúar–2. mars 201540 Sport
n Toppliðin á Englandi undirbúa sig fyrir næsta tímabil n Chelsea og Manchester
Þetta þurfa stórliðin að gera fyrir næsta tímabil
Þ
ó að enn séu tólf umferðir
eftir af ensku úrvals-
deildinni eru flest ef ekki
öll lið deildarinnar farin að
huga að leikmannamálum
fyrir næsta tímabil. Sum félög þurfa
að kaupa framherja til að gera enn
betur en á þessari leiktíð á meðan
önnur þurfa á öflugum varnarmanni
að halda. DV tók saman og lagði mat
á þörf toppliða deildarinnar á að
styrkja sig fyrir næsta tímabil. Teknar
voru saman upplýsingar um þau fé-
lög sem skipa efstu átta sæti deildar-
innar nú þegar skammt er til loka
tímabilsins. n
Einar Þór Sigurðsson
einar@dv.is
1 Chelsea
Gæti keypt: Miðvörð
Gæti einnig skoðað: Framherja
Möguleg skotmörk: Raphael Varane, Lionel Messi, Mauro Icardi
Chelsea hefur á að skipa frábærum
leikmannahópi enda liðið með nokkuð
þægilegt forskot á toppi deildarinnar.
Spurningarmerki hafa þó verið sett við vörn
liðsins, einkum miðverðina, þar sem hinn
aldni höfðingi John Terry er fyrsti kostur.
José Mourinho hefur notað Kurt Zouma
og Gary Cahill við hlið hans til skiptis og
virðist Mourinho ekki vera búinn að gera
upp við sig hvorn hann eigi að nota. Þó að
Terry hafi verið öflugur í vetur verður að
horfa til þess að hann verður 35 ára á árinu
og er kominn á síðasta snúning. Ekki þykir
ólíklegt að Mourinho freisti þess að fá nýjan
heimsklassaleikmann í vörnina fyrir næsta
tímabil og hefur Raphael Varane, leikmaður
Real Madrid, verið nefndur í því samhengi.
Þá hefur Chelsea einnig verið orðað við
framherja þó Diego Costa hafi farið á kost-
um í vetur. Argentínumaðurinn Mauro Icardi,
markahæsti leikmaður ítölsku deildarinnar,
er líklegur kostur en Chelsea hefur einnig
verið orðað við Lionel Messi sem þykir þó
býsna langsótt.
2 Manchester City
Gæti keypt: Varnarmann
Gæti einnig skoðað: Miðjumann
Möguleg skotmörk: Koke, Paul Pogba, Kevin de Bruyne
Líkt og Chelsea hefur Manchester City
á býsna öflugum leikmannahópi
að skipa þar sem valinn maður
er í hverri stöðu, stundum fleiri
en einn. Líkt og hjá Chelsea
hafa spurningarmerki verið
sett við vörnina þar sem Vincent
Kompany er fyrsti kostur í stöðu
miðvarðar. Manuel Pellegrini hefur spilað
með hvorum tveggja Eliaquim Mangala og
Martin Demichelis við sína hlið en hvorugur
er nógu góður fyrir lið sem ætlar að komast
alla leið í öllum keppnum. Mangala er þó enn
tiltölulega óreyndur á meðan Demichelis
er kominn á síðasta snúning á ferli sínum.
City gæti einnig bætt við sig miðjumanni
þó að liðið sé ágætlega mannað þar. Liðið
saknaði Yaya Toure afskaplega þegar hann
fór í Afríkukeppnina og þegar David Silva er
fjarverandi vegna meiðsla á liðið oftar en ekki
erfitt uppdráttar í sóknarleiknum. Liðið hefur
verið orðað við leikmann á borð við Koke,
Paul Pogba og Kevin de Bruyne sem allir eru
frábærir leikmenn.
3 Arsenal
Gæti keypt: Miðjumann
Gæti einnig skoðað: Markvörð og miðvörð
Möguleg skotmörk: Paul Pogba, Morgan Schneiderlin, Hugo Lloris
Arsenal hefur spilað ágætlega að
undanförn, ef undan er skilið slæmt tap
gegn Monaco í Meistaradeildinni í vikunni,
og bendir flest til þess að liðið nái einu af
fjórum efstu sætunum í vor. Ætli liðið sér að
taka skref fram á við verður Arsene Wenger
að huga að nokkrum stöðum. Vandamál
Arsenal inni á vellinum eru fyrst og fremst
aftarlega á miðjunni þar sem liðið vantar
sárlega öflugan leiðtoga. Mikel Arteta,
Mathieu Flamini og Francis Coquelin hafa
skipt þessari stöðu á milli sín í vetur með
misjöfnum árangri. Liðið vantar leikmann
eins og Patrick Vieira eða Gilberto Silva sem
báðir voru frábærir á sínum tíma. Arsenal
hefur verið orðað við Paul Pogba, leikmann
Juventus, sem gæti smollið eins og flís við
rass í Arsenal-liðið. Hann mun líklega kosta
hátt í 80 milljónir punda en gæti orðið sú
fjárfesting sem Arsenal þarf á að halda til
að koma liðinu í fremstu röð. Enn sem fyrr
hafa spurningarmerki einnig verið sett við
markverði Arsenal-liðsins, þá Wojciech
Szczesny og David Ospina. Þykir ekki
ólíklegt að Arsene Wenger finni nýjan fram-
tíðarmarkvörð í sumar og hafa Hugo Lloris,
markvörður Tottenham, og Bernd Leno,
markvörður Bayer Leverkusen, verið nefndir.
United að
missa annað
ungstirni
Svo gæti farið að sagan frá
sumrinu 2012 endurtaki sig en þá
missti Manchester United tvo af
sínum efnilegustu leikmönnum,
Paul Pogba og Ravel Morrisson, á
frjálsri sölu til annarra félaga.
Andreas Pereira er nítján ára
miðjumaður hjá United sem gæti
náð langt. Hann kom til félagsins
frá PSV í Hollandi árið 2012 og
skrifaði undir þriggja ára samn-
ing sem rennur út í sumar. Þrátt
fyrir áhuga United á að halda
honum hjá félaginu hefur hann
ekki enn skrifað undir nýjan
samning og hafnaði hann nýjasta
samningstilboði United.
Daily Mail greinir frá því að
Paul Pogba, sem fór til Juvent-
us árið 2012, hafi hvatt hann til
að ganga í raðir Ítalíumeistar-
anna í sumar. Pogba er í dag í
hópi bestu miðjumanna heims
og eftirsóttur af öllum stórliðum
Evrópu. Líkt og í tilfellum Pogba
og Morrison er talið að lítill leik-
tími með aðalliði United eigi sinn
þátt í að Pereira hefur enn ekki
skrifað undir nýjan samning. Þó
að spilamennska United á leiktíð-
inni hafi ekki verið upp á marga
fiska hefur Pereira aðeins komið
við sögu í einum leik á tímabil-
inu, í deildabikarnum í byrjun
leiktíðar.
Pereira er fæddur í Belgíu en
á brasilíska foreldra. Hann hefur
leikið með U15, U16 og U17 ára
liðum Belgíu en spilaði einnig
leik með U20 ára liði Brasilíu í
fyrra.
Pissaði í skóinn sinn
Besti knattspyrnumaður heims í bobba
C
hristiano Ronaldo, besti
knattspyrnumaður heims,
kynnti nýlega til leiks nýja CR7-
skólínu. Við það rumskaði
íþróttavörurisinn Nike, sem gerir því
skóna að til greina komi að svipta
Ronaldo samningi sínum. Nike
greiðir Ronaldo 1,1 milljarð króna
á ári fyrir að klæðast skóm frá Nike.
Hagnaður Ronaldos af skósölunni
gæti þannig farið fyrir lítið. Því má
segja að Ronaldo kunni að hafa piss-
að í skóinn sinn.
Nike hefur farið þess á leit við
Ronaldo að hann taki skóna úr
sölu. CR7, fyrirtæki Ronaldos, set-
ur skólínuna á markað í samvinnu
við portúgalska fyrirtækið Portugal
Footwear. Íþróttaskór eru þar á með-
al og einmitt þar stendur hnífurinn í
kúnni.
Fréttamiðlar í Portúgal greina frá
því að Ronaldo hefði þurft leyfi frá
Nike til að setja skólínuna á markað.
Spurningin er hins vegar hvort þeir
séu reiðubúnir til að missa þennan
dýrmæta spón úr aski sínum. Leiða
má líkur að því að þá muni aðrir
íþróttavöruframleiðendur ganga á
eftir markaskoraranum með grasið í
skónum. n
Vandamál
Ronaldo
gæti þurft
að draga
skólínuna til
baka.
www.sportvik.com
Skíðahjálmar
gleraugu
áburður
sköfur
brynjur ofl
Sigti
þrengingar
heyrnarhlífar
gleraugu
töskur ofl