Dagblaðið Vísir - DV - 03.11.2015, Blaðsíða 28

Vikublað 3.–5. nóvember 201520 Lífsstíll
Villibráðarkvöld villinganna
n Alls konar kjöt og hvalur n Allt veitt af viðstöddum n Umstangið vex með hverju ári n Gómsætar uppskriftir
V
inirnir og veiðifélagarnir
Bergþór Júlíusson og Ingvi
Þór Ragnarsson hafa staðið
að árlegu villibráðarkvöldi
í nokkur ár, ásamt ýmsum
vinum og ættingjum sem hafa veitt
með þeim í gegnum tíðina. Boðið
hefur vaxið og þróast með tíð og tíma
og hefur fjöldi rétta og gesta aukist
með hverju árinu. Þeir kalla við-
burðinn Villibráðarboð villinganna.
DV fékk að fylgjast með síð-
asta boði sem var í alla staði
glæsilegt.
„Það eru ýmsir sem
eiga aðkomu að þessu
kvöldi með framlagi
veiðibráðar, til dæm-
is eru eiginkon-
ur okkar beggja öfl-
ugar í stangveið inni,
sonur Ingva hefur lagt
til hvalkjöt en hann hef-
ur unnið á hvalveiðibát
undan farin sumur, ýmsir
vinir okkar hafa lagt til villta fugla
en meginuppistaðan af hráefninu er
veidd af okkur,“ segir Bergþór.
„Hin síðari ár hefur allt umstang-
ið í kringum veiðina aukist og veiði-
aðferðirnar orðið fjölbreyttari en
við eignuðumst veiðikajaka fyrir
nokkrum árum og stundum það að
veiða á þeim bæði fisk og fugl. Við
höfum einnig verið duglegir við að
veiða heiðagæs og lax og ekki síður
farið í vötn inni á hálendinu til að
veiða silung.“
Heimareyking og umstang
Þar sem Bergþór er mikill áhuga-
maður um matargerð, enda lærður
matreiðslumaður, þá hefur áhuginn
á verkun og matreiðslu villibráðar
orðið stór hluti af þessu áhugamáli.
Ingvi hefur smitast af þessum áhuga
líka hvað varðar ýmsa þætti í matar-
gerðinni og þegar félagarnir smíðuðu
sér reykhús má segja að áhuginn hafi
verið tekinn skrefinu lengra.
„Í raun hefur undirbúningur
kvöldsins staðið yfir í marga mánuði
því haldið hefur verið til veiða á fjöll,
tún og sjó til að afla hráefnis fyrir
kvöldið. Einnig varð að prufukeyra
reykhúsið í sumar og haust til að
ná fullkomnun í reykingu á laxi og
lambakjöti ásamt öðru hráefni. Við
lögðum ýmislegt á okkur til þess að
útvega það sem til þurfti, til dæmis
gott tað, og farnar voru ótalmargar
ferðir í sveitina þar sem reykhúsið er
til þess að ná réttu handtökunum við
reykinguna. Þegar síðasta reyking
haustsins heppnaðist var kominn
tími til að slá upp veislu. Í vikunni
fyrir villibráðarkvöldið heitreykt-
um við og grófum anda- og gæsa-
bringur og svartfugl auk þess sem
við bjuggum til gæsalifrar- og hrein-
dýrapaté auk gæsa- og hreindýra-
terrine. Hvalkjötið var marínerað og
hluti þess einnig grafinn og ýmsir
úr hópnum fengu heimaverkefni og
aðrir stóðu vaktina með okkur þegar
stóri dagurinn rann upp. Við höfum
sótt innblástur og fyrirmyndir að
uppskriftum til Úlfars Finnbjörns-
sonar meistarakokks auk þess sem
Bergþór hefur legið yfir ýmsum
bókum um verkun kjöts eins og til
dæmis Charcuterie eftir Michael
Ruhlman.“
Sáttir veiðimenn
Eldamennskan heppnaðist mjög
vel og besti mælikvarðinn voru
ánægðir gestir sem voru rúmlega
þrjátíu talsins.
„Afgangurinn af matnum, sem
ekki var borðaður daginn eftir, var
frystur. Það sem vakti hvað mesta
lukku var heitreykta gæsin, grillaða
hvalkjötið og sykursaltaði reykti lax-
inn. Einnig eru skarfarúllurnar með
rjómaostafyllingu alltaf vinsælar.
Það er alveg frábært að geta mat-
reitt það sem maður veiðir, það er
góð tilfinning að nýta alla bráðina í
svona veislurétti, og í raun glettilega
einfalt.“ n
Matgæðingar Villingarnir
Ólafur, Bergþór, Sólon og Ingvi.
Myndir ÞorMar Vignir gunnarSSon
ragnheiður Eiríksdóttir
ragga@dv.is
Fjölbreytt Gæs, önd og langreyður á grillinu. Litríkt Rjúpusnittur með rauðlaukssultu.
nýstárleg framsetning Marineruð lang-
reyður í teryaki með wasabí-ryki (wasabi-
baunir raspaðar yfir með fínum raspi).
grænt og girnilegt Reykt og hægelduð bleikja í heimaræktuðu villisalati.