Fréttatíminn - 11.06.2016, Síða 16

Myndir | Rut
Í hjarta
Efra-Breiðholts
Í hverju hverfi má finna einn verslunarkjarna sem hefur sína sögu og
hlutverk. Þangað flykkist fólk í ólíkum erindagjörðum, í naglasnyrtingu,
bakaríið, fiskbúðina eða einfaldlega að heilsa upp á kaupmanninn á
horninu. Hólagarður í Efra-Breiðholti iðar af mannlífi þar sem fastakúnn-
ar og búðareigendur tengjast sterkum böndum. Þar eru unglingar að
sækja pítsu, köttur á vappi, sjómenn á barnum og stelpur með tombólu.
Svanhildur Gréta Kristjánsdóttir
svanhildur@frettatiminn.is
Allt á 50 krónur nema Batman
Vindar blása þennan eftirmiðdag svo tombólusala
þeirra Bansy, Cielo og Tinnu gengur brösuglega. Þær
blása reglulega til tombólu fyrir utan Hólagarð og
selja dót sem þær tína til á heimilinu. „Við erum ekki
búnar að selja mikið. Hérna kostar flest 50 krónur
nema Batman, hann er á 300 krónur,“ segir Tinna
galvösk og glöð í bragði. „Við gefum síðan allan pen-
inginn,“ tjáir Cielo en þær viðurkenna að stundum
renni peningurinn í eigin vasa.
Verslunarkjarni #1
Skot á
sjómannalínuna
Á hverfisbarnum, sem heitir því
skemmtilega nafni Álfurinn, sitja
nokkrir sjómenn nýlega komn-
ir úr túr. Þeir tefla skák yfir bjór
og kalla eftir skoti á línuna. „Ég
hef búið víðsvegar en mér líður
alltaf best í Breiðholtinu, eft-
ir að mamma flutti í hverfið þá
sæki ég hingað oftar,“ segir einn
sjómannanna. „Á þessum bar er
alltaf sama fólkið, það er sjaldan
sem maður sér ný andlit.“
Strákarnir segja lítið um uppá-
komur á barnum og benda á bar
neðar í Breiðholtinu. „Þar gerast
hlutirnir og þangað má sækja
svæsnar sögur. Hérna er afskap-
lega rólegt, góður staður til að
hella í sig.“
Ný í hópi
fastakúnna
„Ég er tiltölulega nýflutt í hverf-
ið. Ég var að minnka við mig
og flutti í blokkaríbúð, ég kann
ágætlega við hverfið,“ segir
Guðný Svava Guðjónsdóttir
sem er komin í hóp fastakúnna
Hólagarðs. „Bakaríið hérna er
ódýrt en þó minna úrval en
í Mjódd. Það er gott að hafa
verslunarkjarna í göngufjar-
lægð. Hér er líka Bónus sem er
mun ódýrari en Nettó.“
Pítsan
í ofninum
„Það er ódýrara kók í Bón-
us,“ tilkynnir Einar Óli Guðnason
á hlaupum í búðina ásamt félaga
sínum, Ezekiel Karli. „Við vorum að
panta Dominos pítsu. Þar er aðeins
selt tveggja lítra gos á Dominos og það
er betra að kaupa hálfslítra flösku
ódýrt í Bónus.“ Það er enginn tími
fyrir spjall því pítsan er á leið úr
ofninum og strákarnir halda á
leið en þær ætla með hana
heim í nágrenninu.
Ein-
ar og
Ezekiel kaupa
kók í Bónus og
sækja pítsu á
Dominos.
Fastakúnnarnir halda í okkur lífinu
„Reksturinn síðastliðinn 5-7 ár hefur verið hark. Uppistaða
sölunnar er íþróttafatnaður merktur ÍR og Leikni,“ segir Bragi
Björnsson, eigandi Leiksport í Hólagarði. Leiksport er verslun
gamla mátans, líkt og Bragi kallar það. Hún er þríþætt og selur
leikföng, íþróttafatnað og ritföng. Verslunin hefur verið starf-
rækt í 26 ár en Bragi minnkaði nýverið við sig. „Ég var í búðinni
hérna á móti en þetta húsnæði var að losna. Hólagarður hefur
tekið miklum breytingum síðustu ár en hér er gott að vera.
Fastakúnnarnir eru þeir sem halda okkur búðareigendunum
uppi en ég þekki nánast hvern mann sem ber hér að garði.“
Kleinur og góður
félagsskapur
Sveinsbakaríið er hluti af verslun-
arkjarna Hólagarðs. Þangað sækir
helst fólk úr hverfinu og á hverjum
degi má sjá sömu andlitin, sam-
kvæmt Maríu Ganda, starfskonu
bakarísins. „Sjálf bý ég hérna rétt
hjá og hef unnið í nokkra mánuði,
það er bara mjög fínt. Ég afgreiði
mikið sama fólkið sem kemur
að kaupa það sama.“ En hvað
er svo vinsælast í kökuborðinu?
„Kleinurnar, ég sel alltaf mikið af
þeim.“
Á einu borðinu sitja feðgarnir
Magnús Þór Jónasson og Sævar
Þór Magnússon yfir kaffibolla og
vínarbrauði. „Við erum duglegir
að kíkja saman í kaffi, ýmist hing-
að eða í Mjóddina. Sveinsbakaríið
er ódýrt og í apótekinu er frábær
þjónusta,“ segir Magnús og sonur-
inn tekur undir. „Við búum báðir
skammt frá og eigum þessa stund
saman, feðgarnir.“ Þeir sammæl-
ast um að það sé fátt betra en
kaffibolli og vínarbrauð í góðum
félagsskap. „Maður verður alveg
pakksaddur af þessu góðgæti,“
segir Magnús áður en þeir halda í
apótekið.
Feðgarnir Magnús og Sævar njóta
samverunnar í Sveinsbakaríi með kaffi
og vínarbrauði.
Guðný Svava er ný í hverfinu og er
sérstaklega ánægð með hagræði þess
að versla í Hólagarði.
Bansy, Cielo og Tinna eru duglegar að halda tombólu í Hólagarði.
Þar sem allt kostar 50 krónur, nema Batman.
Bragi Björns-
son rekur
verslunina
Leiksport sem
er þríþætt og
selur ritföng,
íþróttafatnað
og leikföng.
Verslun gamla
mátans, líkt
og eigandinn
kallar það.
Starfsmenn og kúnnar Hóla-
garðs sjá til þess að ómerktur
köttur á vappi um gangana
finni heimilið sitt aftur.
„Ég hef búið víðsvegar en mér líður
alltaf best í Breiðholtinu,“ segir sjó-
maður og gestur hverfispöbbnum.
 Fleiri myndir á
frettatiminn.is
Kötturinn á ganginum
Á göngum Hólagarðs stendur María Sif Bergþórsdóttir, starfsmaður apóteksins,
sem vegfarendur bera góða söguna. Í fanginu er hún með ómerktan og smá-
gerðan kött. „Hann var á vappi um apótekið, greinilega eitthvað villst af leið,
greyið,“ segir María sem hefur aldrei séð köttinn áður. „Ég ætla að koma hon-
um út aftur og vona að hann rati heim til sín.“
Það eru ekki aðeins fastakúnnarnir sem kunna vel við sig í Hólagarði því ekki
líður á löngu áður en kötturinn hefur fundið sér leið inn aftur. Í þetta sinn er
það átta ára Óðinn Freyr sem eltir hann uppi í fylgd með pabba sínum, Pétri.
„Við eigum alveg eins kött heima, hana Tásu, nema hún er miklu stærri,“ segir
Óðinn sem verður starsýnt á köttinn. „Við vorum einmitt að koma úr Bónus að
kaupa kattamat,“ segir Pétur sem hefur áhyggjur af því að kötturinn sé hvorki
með ól né eyrnamerktur. Feðgarnir ganga því í verkið að sjá til þess að köttur-
inn komist heim til sín.
16 | FRÉTTATÍMINN | Helgin 11. júní – 12. júní 2016