Fréttatíminn - 11.06.2016, Qupperneq 17

| 17FRÉTTATÍMINN | Helgin 11. júní – 12. júní 2016
Halla Harðardóttir
halla@frettatiminn.is
„Ég vann sem blaðamaður og
fréttaljósmyndari á litlu fréttablaði
í Gryfow Slaski, heimaborg minni í
suðvestur Póllandi, áður en ég flutti
til Íslands,“ segir Marta Magdalena
Niebieszczanska, ritstjóri pólsk-
-íslenska fréttavefsins Iceland
News Polska. „Ég var mjög ánægð
í vinnunni en maðurinn minn var
farinn til Íslands að vinna og þar
sem ég hef alltaf elskað að ferðast
ákvað ég að prófa að vera hér í smá
tíma, skrifa og taka myndir á Íslandi
fyrir fréttavefinn í Póllandi. Og hér
erum við enn, níu árum síðar.“
„Þegar ég flutti hingað var ekki
hægt að nálgast neinar fréttir,
hvorki á ensku né pólsku, og því
voru aðfluttir mjög einangraðir.
Stundum komu einhverjar fréttir
á DV-vefnum á pólsku en það voru
oftast neikvæðar fréttir, eða eitt-
hvað sem tengdist lögreglumálum
sem fáir höfðu áhuga á,“ segir Marta
sem hafði búið hér í þrjú ár þegar
henni datt í hug að stofna fréttamið-
il. „Pólverjar voru þá, og eru enn,
stærsti hópur innflytjenda á Íslandi
en gátu hvergi nálgast fréttir. Það
gengur ekki upp að svo stórt sam-
félag viti ekkert hvað er að gerast
á staðnum sem það býr. Þetta var
á árunum eftir Hrun og mikið um
að vera en Pólverjar stóðu bara á
gati þegar kom að upplýsingum. Ég
ákvað að opna vefsíðu og setja þar
reglulega inn fréttir sem ég þýddi úr
íslensku. Þetta var auðvitað frekar
erfitt í byrjun því þá kunni svo lítið
í tungumálinu,“ segir Marta hlæj-
andi, á reiprennandi íslensku. „Ég
stóð mestmegnis í þessu ein til að
byrja með en nú erum við fleiri.“
Í dag heimsækja rúmlega 7000
manns Iceland News Polska dag-
lega en Marta og allir aðrir starfs-
menn miðilsins vinna þar í sjálf-
boðavinnu. Auk Mörtu skrifa þær
Justyna Grosel og Ilona Dobosz á
vefinn og Piotr Mikolajczak er með
vikulegar útvarpsfréttir. „Rekstur-
inn er erfiður svo við lifum alls
ekkert á þessu,“ segir Marta sem
vinnur hálfan daginn sem matráð-
ur í mötuneyti auk þess að vinna
sem ljósmyndari og viðburðastjórn-
andi. „Lífið er gott á Íslandi. Hér
er ég hamingjusöm svo ég er ekki
á leiðinni neitt annað. Vinnan við
fréttavefinn er öll gerð af hugsjón.
Okkur finnst þetta gaman og okkur
finnst eins og við séum að gera eitt-
hvað sem skiptir máli. Það er það
sem drífur okkur áfram.“
Safn refsinga-
og réttarkerfis
Skrifstofur
Lögmannafélagsins
Bókmenntamiðstöð
Hönnunarmiðstöð
+ Hönnunarsafn
Barnamenningarhús
– Leiksvið og leikur í garði
Tónlistarsafn
Almenningsklósett
Sviðslistasafn
(leikminjar og dans)
Miðstöð tjáningarfrelsis
+ íbúð fyrir gestarithöfunda
Vaxmyndasafn
Náttúruminjasafn
Ekki-safnið – fyrir fólk
sem fílar ekki söfn
Matarmarkaður með
létt-yfirbyggðu porti
Gegningahúsið. Þar sem fólk
er fóðrað, því brynnt og feldur
snyrtur
Gufubaðshús – tyrkneskt
hammam + te
Hótel
Lundabúð
Halló Hegningarhús!
Í Hegningarhúsinu við
Hverfisgötu er ríkisvaldið
hætt að refsa fólki. Út um
allan bæ kvikna hugmyndir
um það hvað eigi að vera í
þessu húsi sem reist var 1874.
Húsið er friðlýst sem þýðir
að allar breytingar þurfa
samþykki hjá Minjastofnun.
En hér eru hugmyndirnar:
Innflytjandinn Marta
Magdalena Niebieszczanska
stofnaði pólskan fréttavef
Marta Magdalena Niebieszczanska er konan á bak við Iceland News Polska, eina
málgagn Pólverja á Íslandi.

Mannúð, lög og fjölmenning

Ný lög um útlendinga sem Alþingi samþykkti 2. júní síðastliðinn eru
viðfangsefni næsta hádegisfundar í fundaröð Háskóla Íslands sem
ber yfirskriftina Fræði og fjölmenning.
Markmiðið með endurskoðun útlendingalaga var að tryggja að mannúð,
jöfnuður og skilvirkni verði höfð að leiðarljósi við meðferð stjórnvalda á
málefnum útlendinga og eru lögin afrakstur tveggja ára þverpólitískrar
samvinnu. Á fundinum verður sjónum beint að áhrifum nýju laganna en
ákvæði um alþjóðlega vernd voru t.a.m. endurskoðuð og mið tekið af
þeirri þróun sem hefur átt sér stað á alþjóðavísu. Hvað felst í hinum nýju
lögum og hvaða áhrif koma þau til með að hafa fyrir þá sem sækja um
vernd hér á landi?
Í upphafi fundar verður undirritaður samningur milli innanríkisráðuneytis,
velferðarráðuneytis og Háskóla Íslands um heildstæða úttekt á því
hvernig flóttafólki og innflytjendum vegnar í íslensku samfélagi.
Fundurinn verður haldinn þriðjudaginn 14. júní nk. kl. 12 til 13.15
í stofu 101 í Odda og er öllum opinn.
Dagskrá
Jón Atli Benediktsson, rektor Háskóla Íslands, opnar fundinn.
Unnur Brá Konráðsdóttir, þingmaður og formaður allsherjar- og
menntamálanefndar Alþingis, gerir grein fyrir nýjum lögum um
útlendinga og markmiðum þeirra.
Arndís A. K. Gunnarsdóttir, lögfræðingur hjá Rauða krossinum,
fjallar um sýn Rauða krossins á ný lög um útlendinga.
Claudie Ashonie Wilson, lögfræðingur hjá lögmannsstofunni Rétti,
mun fjalla um áhrif laganna á réttarstöðu flóttafólks á Íslandi.
Að fundi loknum verður boðið upp á hressingu.
Nánari upplýsingar má finna á:
www.hi.is/fraedi_og_fjolmenning
FRÆÐI OG FJÖLMENNING