Fréttatíminn - 29.07.2016, Blaðsíða 29

| 29FRÉTTATÍMINN | Föstudagur 29. júlí 2016
Rólegheit í Mengi um
Versló
Fyrir þá sem
ekki eru á leið á
einhvers konar
hátíð og margra
daga partí er
ýmislegt í boði.
Ólöf Arnalds og
Skúli Sverrisson halda til dæmis
tónleika í Mengi á morgun, þar sem
þau munu spila tónlist sína, auk
óvæntra innskota úr öllum áttum.
Ólöf og Skúli hafa bæði löngu skap-
að sér nafn meðal fremstu tónlist-
armanna Íslands, svo búast má við
tónleikum sem fáa svíkja.
Hvar? Í Mengi á Óðinsgötu
Hvenær? Klukkan 21
Hvað kostar? 2.000 krónur
Hvar á að gera innrás
næst?
Heimsókn heimildamyndagerðar-
mannsins Michael Moore vakti
athygli á síðasta ári, en hann
heimsótti hér íslenskar konur í
stjórnunarstöðum fyrir nýjustu
mynd sína, Where To Invade Next.
Myndin er nú komin út og verður
hún sýnd í Bíói Paradís í kvöld á
sérstakri Q&A sýningu, en leikstjór-
inn sjálfur mun sitja fyrir svörum í
gegnum netið. Auk Íslands skoðaði
Moore orlof á Ítalíu, skólamötu-
neyti í Frakklandi, iðnaðarstefnu
Þýskalands, fangelsismálakerfi
Noregs og kvenréttindastefnu Tún-
is, og snýst myndin um að skoða
hvaða siði annarra þjóða Banda-
ríkjamenn ættu að tileinka sér.
Hvenær? Í dag klukkan 16
Hvar? Bíó Paradís
Beyoncé-sveifla með
góðan tilgang
Dansdrottningin Margrét Erla
Maack boðar til opins tíma í sinni
sívinsælu Beyoncé danskennslu
fyrir unga sem aldna á morgun.
Tilgangur kennslunnar er að
styrkja Stígamót, samtök sem miða
að því að aðstoða þolendur kyn-
ferðisbrota. Engin forskráning og
mæting í þægilegum fötum og inn-
anhússkóm.
Hvenær? Á morgun, laugardag,
klukkan 17
Hvar? Kramhúsinu við Skólavörðu-
stíg
Hvað kostar? 2.000 krónur sem
renna beint til Stígamóta
Organisti á
heimsmælikvarða
Bandaríski org-
anistinn Dougl-
as Cleveland
hefur heillast
af Klais-orgeli
Hallgrímskirkju
og mætir nú til fundar við það í
þriðja sinn um helgina, þegar hann
heldur tvenna tónleika. Á tónleik-
unum mun Douglas spila blöndu
af gamalli og nýrri orgeltónlist
sem spannar allt frá Bach til sam-
tímatónskálda. Tónleikarnir eru
því frábært tækifæri til að heyra all-
ar hliðar hins magnaða hljóðfæris.
Hvar? Hallgrímskirkju
Hvenær? Á morgun, laugardag,
klukkan 12 og á sunnudag klukk-
an 17
Hvað kostar? 2.000 krónur á
laugardagstónleikana en 2.500
krónur á tónleika sunnudagsins
Vefsíðan Sandkassinn komst nýver-
ið í fréttir vegna birtingar á lista yfir
meinta „nýrasista“ á Íslandi. Listinn
hefur vakið hörð viðbrögð þeirra
sem á honum eru og hóta einhverj-
ir málsókn gegn téðu háttalagi.
En þá er spurningin: hvað er
nýrasismi?
Hugtakið er í nýrra lagi
í íslenskri málnotkun og
þó nýrasisma sé erfitt að
merkja er hann útbreidd-
ur í evrópskum samfé-
lögum í dag. Nýrasistar
tala ekki um ákveðna
kynþætti né um yfirburði
eins kynþáttar yfir öðrum
heldur tala þeir um mismunandi
menningarhópa. Þeirra sannfæring
er að mismunandi menningarhóp-
ar geti ekki búið saman í einu sam-
félagi. Við þannig aðstæður muni
alltaf koma til ofbeldis og átaka.
Sema Erla Serdar stjórnmála- og
Evrópufræðingur hefur þurft að
þola nýrasisma á eigin skinni og
segist daglega fá pósta og sím-
töl þar sem henni er úthúðað
fyrir að vera af tyrknesku
bergi brotin en faðir hennar
er tyrkneskur og móðirin
íslensk. „Ég hef fengið sím-
tal þar sem viðkomandi segir að ég
þurfi að svara fyrir hryðjuverk úti
í heimi, uppruna minn eða meint
trúarbrögð. Ég er fædd, skírð og
fermd á Íslandi en þrátt fyrir það
vilja margir meina að ég sé múslimi
og fái engu um það ráðið. Í þessu
felst nýrasismi.“
„Ég hef líka kallað þetta menn-
ingarlegan rasisma því þetta snýst
í raun um fjölmenningu. Ísland er
fjölmenningarsamfélag en sum-
ir eru á þeirri skoðun að múslim-
ar séu ekki velkomnir hingað því
þeirra menningarheimur passi ekki
við okkar,“ bætir Sema Erla við.
Nýrasistar telji átök í fjölmenningar-
legum samfélögum óhjákvæmileg
og eina leiðin til að komast hjá átök-
um sé að hindra þróun fjölmenn-
ingarlegra samfélaga með strangri
innflytjendalöggjöf og útiloka „að-
komuhópa“ frá öllum félagslegum
réttindum í samfélaginu. | bg
„Ég hef fengið símtal
þar sem viðkomandi
segir að ég þurfi að
svara fyrir hryðjuverk
úti í heimi.“
Hvað er nýrasismi?
Í nýrasisma felst
menningarlegur rasismi.
Sema Erla upplifir
nýrasisma á hverjum degi.