Fréttatíminn - 15.12.2016, Blaðsíða 4

4 | FRÉTTATÍMINN | Fimmtudagur 15. desember 2016
Hótelkeðjurnar hafa
hagnast um allt að
tvo milljarða króna
Ólafur Torfason rekur eina stærstu og arðbærustu hótelkeðju landsins, Íslands-
hótel, en lífeyrissjóðir komu inn í fyrirtækið árið 2015. Grand hótel Reykjavík er
eitt af hótelum fyrirtækisins.
Hagnaður nokkurra hótela á Íslandi frá 2010 til 2016
2010 2011 2012 2013 2014 2015 Samtals Arður
Íslandshótel 100.035 170.050 222.886 379.255 550.954 613.074 2.036.254 432.000
KEA hótel 37.056 99.464 86.095 139.152 136.349 263.172 761 288 363.500
Hótel Rangá 194 75.579 171.519 104.550 92.783 56.615 501.497 227.000
Miðbæjarhótel/Centerhótels ehf. -356.980 479.033 39.480 87.930 45.979 148.865 444.307 0
Icelandairhotels 152.956 -213.27 -71.247 -24.654 116.039 -23.852 -64.028 0
*Hagnaður í þús. króna
Ferðaþjónusta Íslandshótel er
sú hótelkeðja sem skilað hefur
mestum hagnaði í ferðamanna-
góðærinu á Íslandi frá árinu 2010.
Rekstur Hótel Rangár hefur geng-
ið ævintýralega og skilað rúmum
hálfum milljarði í hagnað. Friðrik
Pálsson segir ómögulegt fyrir
hótelin í landinu að lækka hjá sér
verð á gistingu út af sterku gengi
krónunnar.
Ingi Freyr Vilhjálmsson
ingi@frettatiminn.is
Ríflega tveggja milljarða króna hagn-
aður hefur verið á rekstri Íslandshót-
ela, einnar stærstu hótelkeðju lands-
ins, síðastliðin sex ár. Mestur var
hagnaður fyrirtækisins í fyrra, eða
ríflega 613 milljónir króna. Hagnað-
ur hótelkeðjunnar hefur farið hækk-
andi á liðnum árum, var tæplega 223
milljónir árið 2012, nærri 380 millj-
ónir 2013 og ríflega 550 milljónir
króna árið 2014.
Íslandshótel eiga og reka sautján
hótel um allt land, meðal annars
Grand Hótel í Reykjavík og Fosshót-
elkeðjuna. Stærsti eigandi Íslands-
hótela er Ólafur Torfason með tæp
75 prósent en fjárfestingarfélag líf-
eyrissjóðanna, sem er í stýringu hjá
verðbréfafyrirtækinu Virðingu, kom
inn í hluthafahópinn í fyrra og á 22
prósenta hlut.
Talsverð umræða hefur ver-
ið í íslensku samfélagi síðastliðna
mánuði að verðlag á þjónustu og
vörum, sem miðað er við ferða-
menn, sé orðið allt of hátt. Vefsíð-
an túristi.is sagði til dæmis frá því
þann 10. desember síðastliðinn að
samkvæmt samanburði vefsíðunnar
trivago.com sé hótelgisting í Reykja-
vík sú þriðja dýrasta í Evrópu, á eft-
ir Monte Carlo í Mónakó og Genf í
Sviss. Meðalverðið fyrir tveggja
manna herbergi í Reykjavík er 23
þúsund krónur nóttin í desember.
Þann 10. desember sagði vísir.is frétt
um bresk hjón sem kvörtuðu mjög
undan verðlaginu á Íslandi og sögðu
þau að þeim hefði liðið eins og þau
væru á valdi fjárkúgara hér á landi.
Spurningin sem vaknar er eðlilega
sú hvort þessi þróun muni leiða til
þess að færri ferðamenn komi til
landsins ef þessi styrking krónunn-
ar heldur áfram.
Ársreikningar Íslandshótela sýna
ágætlega þá uppsveiflu sem verið
hefur hjá fyrirtækjum í ferðamanna-
iðnaðinum á Íslandi. Fyrirtækið var
með tekjur upp á nærri 6,9 milljarða
í fyrra, á eignir upp á 26 milljarða
króna og skuldar 16 og var með rúm-
lega 500 starfsmenn í vinnu. Félagið
borgaði út 200 milljóna króna arð
til hluthafa árið 2014 og ráðgerði að
greiða út 100 milljóna arð í ár.
Ársreikningar ýmissa annarra
hótela á Íslandi segja svipaða sögu
og ársreikningar Íslandshótela þó
hagnaðurinn sé ekki jafn mikill.
Þannig hefur tiltölulega lítið fyrir-
tæki eins og Hótel Rangá við Hellu
á Suðurlandi – starfsmannafjöldinn
er um 50 eða um 1/10 af starfsmönn-
um Íslandshótela – skilað ríflega 501
milljóna króna hagnaði frá 2010 til
2015. Langstærsti hluthafi þessa fyr-
irtækis er Friðrik Pálsson með tæp-
lega 83 prósent. Á sama tímabili hafa
227 milljónir króna verið greiddar út
í arð til hluthafa eða nærri helming-
ur hagnaðarins auk þess sem hótel-
ið hefur keypt hlutabréf í sjálfu sér
af hluthöfum. Miðað við eignarhald
Friðriks á hótelinu í dag þá hefur
hann fengið rúmlega 188 milljónir
króna af þessum arði.
Friðrik segir aðspurður að um-
ræða um hátt verð á hótelgistingu
á Íslandi, eins og til dæmis á vefsíðu
Trivago, sé villandi að því leytinu
til að verði í íslenskum krónum sé
breytt í erlendar myntir til sam-
anburðar. Vegna styrkingar krón-
unnar þá sé verðið í erlendum
myntum hærra jafnvel þó hótel-
eigandinn hafi ekki hækkað verðið
í íslenskum krónum. Friðrik seg-
ir að í sínu tilfelli þá gefi hann upp
verð á gistingu hjá sér í erlendum
myntum en ekki í krónum og fyrir
hann lækki því verðið á gistingu í
krónum talið þegar krónan styrk-
ist. „Þó Íslendingar hækki verðið
ekki neitt verður verðið alltaf hærra
fyrir ferðamanninn. Það hefur ekk-
ert lækkað í aðföngum sem heitið
getur fyrir hóteleigandann. Hótel-
eigandinn er líka að taka á sig 12 til
15 prósenta launahækkun í krón-
um talið. Til þess að hægt væri að
lækka verð í íslenskum krónum þá
þarf eitthvað annað að lækka á móti.
Þessar forsendur eru ekki staðar.“
Aðspurður um hvort hann sé
að selja sína þjónustu fyrir of hátt
verð, miðað við hagnaðartölur og
arðgreiðslur út úr Hótel Rangá, seg-
ir hann: „Nei, ég er ekki að selja
þjónustu of dýrt. Það þarf stöðugt
að vera að bæta í, fjárfesta meira,
bæta gæði því það eru stöðugt vax-
andi kröfur. Það er eins með ferða-
þjónustuna og sjávarútveginn og
allar aðrar atvinnugreinar: Til þess
að þær geti vaxið og dafnað þá þarf
að ganga vel. Bisniss sem ekki geng-
ur vel hefur ekki tök á að borga góð
laun eða standa undir eðlilegri upp-
byggingu.“
Friðrik Pálsson, sem
rekur Hótel Rangá við
Hellu, segir að það sé
ómögulegt að hótel-
eigendur lækki hjá sér
verðið þegar krónan
styrkist svo mikið eins
og raunin er nú.
Snæbjörn ákærður
Lögreglumál Snæbjörn Stein-
grímsson, fyrrverandi fram-
kvæmdastjóri Smáís, áður
Samtaka myndrétthafa á Íslandi,
hefur verið ákærður af héraðs-
saksóknara. Snæbjörn var kærður
af stjórn Smáís til sérstaks sak-
sóknara árið 2014 vegna meintra
brota sem stjórnin taldi að hefðu
viðgengist í fjölmörg ár.
Hjálmar Friðriksson
hjalmar@frettatiminn.is
Smáís var tekið til gjaldþrotaskipta
fyrir rúmlega tveimur árum. Við
gjaldþrotaskipti kom fram að
ástæða skiptanna var meint brot
Snæbjarnar en hann var fram-
kvæmdastjóri samtakanna á árun-
um 2007 til 2014. RÚV greindi frá
því árið 2014 að stjórn samtakanna
hefði staðhæft í gjaldþrotaskipta-
beiðni að ársreikningar félagsins
hefðu verið falsaðir og bókhald van-
rækt um árabil. Jafnframt var stað-
hæft að opinberum gjöldum hefði
ekki verið skilað með réttum hætti.
Stjórnin sagði auk þess að samtökin
hefðu ekki talið fram til skatts frá
árinu 2007. Samkvæmt gjaldþrota-
beiðni kom þetta fram við fram-
kvæmdastjóraskipti í samtökunum
haustið 2014.
Allt þetta hafi leitt til þess að fé-
lagið hafi orðið ógjaldfært. Félag-
ið var að lokum lagt niður og nýtt
félag, Frísk, Félag rétthafa í sjón-
varps- og kvikmyndaiðnaði tók við
gæslu hagsmuna rétthafa.
Ákæran á hendur Snæbirni fæst
ekki afhent þar sem birtingu henn-
ar er ekki lokið. Málið verður þing-
fest 21. desember næstkomandi.
Saksóknari í málinu, Ásmunda
Björg Baldursdóttir, kvaðst ekki
geta tjáð sig um málið á þessu stigi.
Ákærður af héraðssaksóknara.
Dómsmál Fyrirtaka er fyrirhuguð
í dag í Héraðsdómi Reykjavíkur
þar sem Landsbankinn sækir mál
gegn trúboðsstöðinni Omega og
hjónunum sem eiga reksturinn.
Valur Grettisson
valur@frettatiminn.is
„Það er verið að þjarma að þeim,“
segir Sveinn Skúlason, lögmaður
Omega Kristniboðskirkju og hjón-
anna Eiríks Sigurbjörnssonar og
Kristínar Kui Rim, sem eiga og reka
sjónvarpsstöðina Omega, sem sjón-
varpar boðskap Krists allan sólar-
hringinn. Málið varðar í raun mynt-
körfulán sem var tekið fyrir hrun
og stökkbreyttist eftir að krónan
hrundi. Rekstrartekjur stöðvarinn-
ar eru í raun eingöngu frjáls fram-
lög áhorfenda, og því má segja að
þarna sé um viðkvæman rekstur að
ræða sem má illa við áföllum.
Sveinn segir það í raun afrek hjá
hjónunum að hafa náð að byggja
upp sjónvarpsveldi sitt, enda verið
að í yfir tuttugu ár. Þá er óhætt að
fullyrða að Omega sé eina íslenska
sjónvarpsstöðin sem hefur farið í
útrás, en Omega má einnig finna í
Noregi og Bretlandi.
Sveinn segir Landsbankann hafa
sýnt af sér óbilgirni, en samningar
náðust um skuldir stöðvarinnar,
sem stökkbreyttust í hruninu, á síð-
asta ári. Vandinn var þó að veðleyfi
fékkst ekki, sem gerði það að verk-
um að bankinn setti eldri skuldir í
innheimtu, svo úr urðu tvö dóms-
mál. Annað þeirra hefur þó verið
samið um, en hitt verður tekið fyr-
ir í dag.
„Við erum hinsvegar að ná
lendingu varðandi seinna dóms-
málið núna,“ segir Sveinn sem bæt-
ir við: „Bankinn var ansi óvæginn,
eins og hann gekk nokkuð harka-
lega gegn mörgum fyrirtækjum og
einstaklingum eftir hrun.“
Aðspurður hversu háar upphæðir
sé deilt um, segist Sveinn ekki hafa
heimild til þess að upplýsa um það.
Hann áréttar hinsvegar að sjón-
varpsstöðin hafi gengið lengi, hún
sé rekin með lágmarksfjölda starfs-
manna, „og á margan hátt er ótrú-
legt hvað þeim hefur tekist að halda
þessu gangandi,“ bætir hann við.
Landsbankinn þjarmar að Omega
Eiríkur Sigurbjörnsson hefur predikað á Omega í yfir 20 ár og rekið ásamt eigin-
konu sinni.
Innanhúskönnun lögreglunnar á höfuðborgarsvæðinu á skart-
gripum sem hurfu úr hirslum hennar bar engan árangur. Héraðs-
saksóknari rannsakar lögregluna vegna málsins en lögregla lagði
hald á téða skartgripi við rannsókn á máli Viðars Más Friðfinns-
sonar, fyrrverandi eiganda kampavínsklúbbsins Strawberries.
Viðar kærði lögreglu til héraðssaksóknara í september þegar það
kom í ljós, við þingfestingu máls gegn honum vegna meiriháttar
skattalagabrota, að skartgripirnir fundust ekki þegar héraðssak-
sóknari hugðist verðmeta þá. Friðrik Smári Björgvinsson, yfirlög-
regluþjónn hjá lögreglunni á höfuðborgarsvæðinu, fór fyrir inn-
anhúskönnun á málinu. Viðar Már var ákærður fyrir meiriháttar
skattalagabrot og fer aðalmeðferð í málinu fram í maí á næsta ári.
Lögregla lagði hald á ýmis verðmæti við rannsókn málsins svo sem
vörubíla, reiðufé, bát, fasteignir og umrædda skartgripi sem voru
haldlagðir á heimili Viðars í október árið 2013. Verðmæti skart-
gripanna hleypur á milljónum króna en um er að ræða Rólex-úr,
hringi og hálskeðjur. | hjf
Finna ekki skartgripina
Lögreglumál

GÆÐI - ENDING - ÁNÆGJA
www.weber.is
WEBER Q 2200 og Q 3200 eru komin í
verslanir