Morgunblaðið - 22.12.2016, Qupperneq 44

FIMMTUDAGUR 22. DESEMBER 357. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Sjúkrabíll … í árekstri
2. Valdís Þóra hafnaði í 2. sæti
3. „Ógæfa“ Sigmundar efst á blaði
4. Íslendingur vann 53,4 milljónir
»MEST LESIÐ Á mbl.is
FÓLK Í FRÉTTUM
 Bassaleikarinn og tónskáldið Bára
Gísladóttir heldur tvöfaldan útgáfu-
fögnuð í menningarhúsinu Mengi í
kvöld og hefst hann kl. 21. Fagnað
verður útgáfu tveggja verka hennar
sem nýverið hafa verið gefin út.
Bassaleikari heldur
upp á útgáfu í Mengi
 Spunahópurinn
Svanurinn verður
með jólasýningu í
Tjarnarbíói í kvöld
kl. 20. Boðið verð-
ur upp á spuna og
alls konar grín,
með það fyrir
augum að gestir
geti gleymt jóla-
stressi og leitt hugann að hinum
sanna anda jólanna.
Svanurinn er spunahópur sem var
stofnaður fyrir þremur árum.
Spunahópurinn Svan-
urinn hugar að jólum
 Blúsfélag Reykjavíkur gengst fyrir
árlegum Jólablústónleikum með
hljómsveitinni Vinum Dóra í kvöld.
Tónleikarnir verða að Hallveigarstíg 1
og hefjast kl. 21. Hljóm-
sveitina skipa gítar-
leikararnir Halldór
Bragason og Guð-
mundur Pétursson,
Ásgeir Óskars-
son á tromm-
ur og Jón
Ólafsson á
bassa.
Árlegur jólablús
Vina Dóra í kvöld
Á föstudag (Þorláksmessa) Gengur í norðan og norðaustan
13-20 m/s með talsverðri snjókomu eða slyddu A-lands.
Á laugardag (aðfangadegi jóla) Norðaustan 8-13 m/s og
snjókoma á NA-verðu landinu, annars vestlægari og él.
SPÁ KL. 12.00 Í DAG Suðvestan 8-15, hvassast við SV-ströndina.
Él víða um land, en skýjað með köflum NA-til. Frost 2 til 12 stig.
VEÐUR
,,Fyrir tímabilið var okk-
ur spáð sæti sjö til níu
en við höfum haldið
okkur í efri helmingi
deildarinnar allt tímabil-
ið og stefnan eftir
áramótin er að tryggja
okkur inn í úrslita-
keppnina,“ segir Ólafur
H. Kristjánsson, þjálfari
danska knattspyrnuliðs-
ins Randers, um gang
mála hjá liðinu á þessu
tímabili. »4
Tryggja okkur í
úrslitakeppnina
„Ég held að þessi félagaskipti til
Wolfsburg muni sérstaklega stuðla
að því að ég verði enn betri leikmaður
á næstu árum. Þess vegna vildi ég
skipta yfir í þennan stórklúbb. Þar
hef ég haldið áfram að bæta mig, þó
að auðvitað taki sinn tíma að komast
inn í hlutina. Hér ríkir annars konar
hugarfar, meiri samkeppni og meiri
kröfur. Maður er
alltaf að bæta
sig; líkamlega,
andlega og
tæknilega,“ seg-
ir Sara Björk
Gunn-
arsdóttir.
»2-3
Hér ríkir meiri sam-
keppni og meiri kröfur
„Halldór er gríðarlega góður fót-
boltamaður og býr yfir reynslu. Við
erum á þeirri vegferð að við þurfum
bæði á reynslu að halda og miklum
gæðum. Þetta var jólagjöf til okkar,
þannig er það bara,“ segir Jón Rúnar
Halldórsson, formaður knatt-
spyrnudeildar FH, um Halldór Orra
Björnsson sem kom til félagsins frá
Stjörnunni í gær. »3
Þetta var jólagjöf
til okkar
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Anna Lilja Þórisdóttir
annalilja@mbl.is
Í garðinum standa glaðhlakkalegir
jólasveinar af ýmsum stærðum og
gerðum, einn situr í sleða sem dreg-
inn er af hreindýrum og virðist
reiðubúinn að aka á brott til að færa
börnum jólaglaðning. Nokkrir
bústnir snjókarlar brosa kankvís-
lega til þeirra sem leið eiga fram hjá
og prakkaralegir sveinkar klifra upp
rauðmálaðan stiga sem reistur hefur
verið upp við húsvegg. María heldur
Jesúbarninu blíðlega í faðmi sér og
Jósef stendur ábúðarfullur hjá.
Garður við fallegt hús í Árbænum
umbreytist í sannkallað jólaland á
hverju ári. Fjölskylda, sem gjarnan
gengur undir nafninu Dallas-
fjölskyldan, er þar að verki og þau
skreyta húsið yfirleitt tæpum tveim-
ur mánuðum fyrir jól; fyrstu helgina
í nóvember. „Í allra síðasta lagi aðra
helgina í nóvember,“ segir ættmóð-
irin og húsráðandinn Karen Krist-
jánsdóttir sem líklega er mesta jóla-
barnið af þeim öllum.
Karen segir að fyrir nokkrum ára-
tugum hafi verið gert grín að henni
og eiginmanni hennar heitnum,
Daníel Stefánssyni, fyrir að skreyta
húsið sitt hátt og lágt að utan með
ljósum og upplýstum jólasveinum
fyrir jólin enda voru slíkar skreyt-
ingar ekki jafnalgengar hér á landi
þá og nú. En nú eru breyttir tímar
og hús Karenar í Árbæ vekur at-
hygli og aðdáun, leikskólar í grennd-
inni fara þangað með börn til að dást
að skreytingunum og fjöldi fólks
leggur leið sína fram hjá húsinu til
að berja dýrðina augum. Í mörg ár
hafa börn, barnabörn og tengdabörn
Karenar hist í húsinu, hjálpast við að
skreyta það og síðan fá allir heitt
kakó og kökur.
„Við maðurinn minn sálugi byrj-
uðum á þessu fyrir löngu síðan. Við
fórum til Bandaríkjanna og sáum
þar skraut sem ekki var þá til hér á
landi, eins og t.d. stóra jólasveina
með ljósi inni í. Þegar við komum
með þetta heim í stórum kössum
hélt fólk að við hefðum keypt mót-
orhjól úti og varð heldur betur hissa
þegar upp úr kössunum komu jóla-
sveinar úr plasti,“ segir Karen.
Drífa dóttir hennar skýtur inn í að
pabbi hennar hafi verið potturinn og
pannan í jólaskreytingunum. „Hann
pabbi sagði alltaf að hann væri að
gera þetta fyrir mömmu. Hún á
nefnilega afmæli á aðfangadag og
það skipti hann miklu máli að hún
ætti góðan afmælisdag þó að hann
væri á aðfangadag. Að skreyta var
einn þáttur í því.“
Ánægjulegt að gleðja aðra
Daníel var kallaður Dalli og þess
vegna festist viðurnefnið Dallas-
fjölskyldan við fjölskyldu hans, en
einhverjir lesendur Morgunblaðsins
kannast hugsanlega við Dallas, sjón-
varpsþættina vinsælu frá 9. áratugn-
um, og þaðan kemur nafnið. Karen
segir að þau hjónin hafi alltaf hlakk-
að mikið til jólanna og eitt af síðustu
verkefnum Daníels, sem lést í lok
október, var að mála jólasveinastig-
ann sem sagt er frá framar í þessari
grein. „Ég ætlaði ekki að setja
skrautið upp fyrir þessi jól, þetta er
eitthvað sem við gerðum alltaf sam-
an. En börnin mín og tengdabörn
tóku ekki annað í mál,“ segir Karen.
„Núna er ég óskaplega fegin að hafa
ákveðið að skreyta. Það er líka svo
ánægjulegt hvað þetta virðist gleðja
marga.“ »16
Jólahús Dallas-fjölskyldunnar
 Þau skreyta í
síðasta lagi í byrj-
un nóvember
Morgunblaðið/Eggert
Jólahús Snjókarlar, jólasveinar, María, Jósef og Jesúbarnið gleðja gesti og gangandi við heimili Karenar í Árbæ.
Jólabörn Mæðgurnar Karen og Drífa segja byrjun nóvember vera hæfileg-
an tíma til að skreyta. Þá sé bjartara og hægt að njóta jólaskrautsins lengur.
Morgunblaðið/Ófeigur