Dagblaðið Vísir - DV - 15.01.2016, Síða 12
12 Fréttir Helgarblað 15.–18. janúar 2016
Gamli GluGGinn úr
nýi GluGGinn í
svo einfalt
er það!
súðarvoGur 3-5, reykjavík
GluGGaGerdin@GluGGaGerdin.is
s: 5666630 / GluGGaGerdin.is
Kr
in
gl
an
Kr
in
gl
um
ýr
ar
br
au
t
Miklabraut
Miklabraut
Við
erum
hér!
Tilb
oð
17 10 bitar fyrir 4-5
5 Stórir bitar og 5 minni. Stórt hrásalat og kokteilsósa.
Stór af frönskum og 2l. Pepsi.
Skaðabótum Primera
seinkaði um mánuð
Flugfélagið greiddi farþegum bætur sama dag og DV óskaði skýringa
P
rimera Air greiddi farþegum
skaðabætur síðasta mið
vikudag vegna sólarhrings
seinkunar á heimferð þeirra
frá Spáni í október í fyrra.
Farþegunum var lofað að bæturn
ar yrðu greiddar í síðasta lagi í byrj
un desember en af því varð ekki fyrr
en rúmum mánuði síðar eða sama
dag og DV krafði forstjóra flugfélags
ins skýringa. Fengu þeir greiddar
400 evrur hver, um 57 þúsund krón
ur, eða sömu upphæð og aðrir við
skiptavinir fyrirtækisins sem fengu
skaðabætur í desember vegna seink
unar á öðru flugi Primera.
Baðst afsökunar
Flugferðin sem um ræðir var farin
þann 18. október þegar farþegarnir
áttu bókað flug frá spænsku borginni
Jerez til Keflavíkur. Ófyrirséð vélar
bilun varð til þess að brottförinni frá
Spáni seinkaði um rétt tæpan sól
arhring. DV hefur undir höndum
tölvupóstsamskipti tveggja farþega,
sem óskuðu eftir skaðabótum en
vilja ekki láta nafns síns getið, við
þjónustufulltrúa Primera. Þar vísar
annar þeirra í reglugerð um skaða
bætur og aðstoð til handa farþegum
í flugi. Í svari starfsmanns flug
félagsins, sem dagsett er 29. október,
eru farþegarnir beðnir afsökunar á
seinkuninni og þeim sagt að fyrir
tækið ætli að greiða hvorum þeirra
400 evrur í bætur innan fimm vikna.
Þann 22. desember svöruðu far
þegarnir pósti flugfélagsins og bentu
á að bæturnar hefðu þá ekki verið
greiddar út. Hótuðu þeir að leita til
lögfræðings ef fyrirtækið stæði ekki
við fyrri loforð fyrir 10. janúar. Primera
lagði bæturnar inn á bankareikninga
þeirra rúmum þremur vikum síðar
eða sama dag og blaðamaður DV
sendi Hrafni Þorgeirssyni, forstjóra
flugfélagsins, fyrirspurn þar sem
óskað var skýringa á því hvers vegna
greiðslurnar höfðu ekki borist.
„Það er búið að greiða flestum far
þegum bætur á undanförnum vikum
vegna þessa flugs en það eru þó ein
hver dæmi þess að það vanti réttar
bankaupplýsingar og verið að vinna
í því máli sem stendur,“ segir í svari
Hrafns sem barst um svipað leyti og
farþegarnir sem DV ræddi við fengu
greitt. Þeir voru ekki beðnir um aðrar
bankaupplýsingar en þær sem þeir
sendu flugfélaginu í lok október í fyrra.
Fengu einnig bætur
Samgöngustofa úrskurðaði í síðasta
mánuði að Primera bæri að greiða
tveimur farþegum frá Tenerife á
Spáni til Keflavíkur í ágúst 400 evr
ur vegna seinkunar. Ferðin sem þar
um ræðir var farin 26. ágúst 2015 og
tók heimferðin í því tilviki einnig
um sólarhring. Vél flugfélagsins
millilenti þá á Shannon flugvelli
á Írlandi þar sem farþegarnir 150
neyddust til að dvelja um nóttina.
Primera taldi sig ekki þurfa að
greiða bæturnar og vísaði til þess að
seinkunin hefði orðið vegna ófyr
irséðra veðurskilyrða. Það féllst
Samgöngustofa ekki á og sagði
seinkunina ekki geta fallið undir
óviðráðanlegar aðstæður þar sem
flugfélagið hefði ekki viðhaft allar
nauðsynlegar ráðstafanir þannig
að vélin gæti lent í Keflavík á réttum
tíma. Primera hefur kost á að kæra
ákvörðunina til innanríkisráðu
neytisins. n
Haraldur Guðmundsson
haraldur@dv.is
Forstjóri Primera Hrafn Þorgeirsson.
Primera Air Fresta þurfti tveimur ferðum
flugfélagsins frá Jerez á Spáni til Keflavíkur
sunnudaginn 18. október síðastliðinn.