Dagblaðið Vísir - DV - 15.01.2016, Blaðsíða 16

16 Fréttir Erlent Helgarblað 15.–18. janúar 2016
Skútuvogi 11 104 Reykjavík Sími 553 4000 www.prentvorur.is
Mono Laserprentari: 24.900 kr.
1.600 síðna hylki: 6.590 kr.
Sérfræðingar í prenthylkjum
Hneykslismál skekja
breska Sports Direct
n Markaðsvirði íþróttavörukeðjunnar hefur fallið um 200 milljarða króna frá áramótum
M
arkaðsvirði bresku íþrótta­
vörukeðjunnar Sports
Direct hefur hrunið um
jafnvirði rétt tæplega 200
milljarða króna frá ára­
mótum í kjölfar hrinu hneykslismála.
Fyrirtækið sendi frá sér afkomuvið­
vörun í síðustu viku og hlutabréf þess
hafa fallið í verði um 26% það sem af
er ári. Eigandi Sports Direct á Íslandi
vildi ekki tjá sig um tíðindin frá Bret­
landi þegar DV náði tali af honum.
Minni hagnaður
Samkvæmt afkomuviðvöruninni er
gert ráð fyrir að hagnaður fyrirtæk­
isins á yfirstandandi fjárhagsári, sem
nær frá 1. apríl 2015 til 31. mars 2016,
verði 40 milljónum punda, jafn­
virði 7,6 milljarða króna, minni en
fyrri spár gerðu ráð fyrir. Ástæðan sé
minni sala í verslunum í dýrari versl­
unargötum og hið góða veður sem
gekk yfir Bretland í jólamánuðin­
um. Fyrri spár fyrirtækisins höfðu
gert ráð fyrir jákvæðri afkomu upp á
420 milljónir punda eða 79 milljarða
króna.
Afkomuviðvörunin kom í kjölfarið
á afhjúpun breska fjölmiðilsins The
Guardian á launakjörum hlutastarfs­
manna íþróttavörukeðjunnar. Sam­
kvæmt henni er tímakaup þúsunda
þeirra undir lágmarkslaunum sem
nema 6,7 pundum á klukkustund eða
1.267 krónum.
Lánaði tengdasyninum
Til að bæta gráu ofan á svart hafa
breskir fjölmiðlar síðustu daga
greint frá ásökunum um að Mike
Ashley, stofnandi smásölurisans og
eigandi enska knattspyrnufélagsins
Newcastle United, hafi ráðið kærasta
dóttur sinnar í yfirmannsstöðu hjá
fyrirtækinu. Eigandinn umdeildi hafi
einnig lánað tengdasyninum tilvon­
andi 10,7 milljónir punda eða tæpa
tvo milljarða króna.
Í nýlegri umfjöllun breska við­
skiptamiðilsins Business Insider
segir að hinn 26 ára gamli kærasti,
Michael Murray, hafi verið fenginn
til að stýra 250 milljóna punda fast­
eignasjóði og vinna að markaðssetn­
ingu á nýrri íþróttavörulínu Sports
Direct. Murray, sem hefur enga
reynslu af fjárfestingum í fasteign­
um, vann þar til í fyrrasumar við að
skipuleggja tónleikahátíð í Bretlandi
og stýra þarlendum næturklúbbi.
Jákvæð afkoma
Sigurður Pálmi Sigurbjörnsson,
framkvæmdastjóri og eigandi Sports
Direct í Lindum í Kópavogi, vildi,
sem fyrr segir, ekki tjá sig um nýjustu
fréttir af bresku íþróttavörukeðjunni.
Verslun Sigurðar var rekin með
21 milljónar króna hagnaði á síð­
asta fjárhagsári hennar sem náði
yfir tímabilið 1. maí 2014 til 30. apr­
íl 2015. Samkvæmt nýjasta ársreikn­
ingi rekstrarfélags hennar, NDS ehf.,
námu eignir félagsins 289 milljónum
í lok tímabilsins en skuldirnar 265
milljónum. Eignarhald verslunar­
innar er skráð á félag í Lúxemborg,
Rhapsody Investments S.A. Sigurð­
ur sagði í viðtali við Viðskiptablaðið
í mars 2014 að ástæðan fyrir því væri
sú að stjórn Sports Direct í Bretlandi
hefði ekki viljað setja fjármagn inn í
íslenskt félag. n
Haraldur Guðmundsson
haraldur@dv.is
Stofnaði verslunarrisa Mike Ashley
hefur lengi verið tíður gestur á síðum bresku
dagblaðanna.
Sports Direct Breska íþróttavörukeðjan var stofnuð árið 1982 og rekur í dag yfir 500 verslanir um allan heim.
Sigurður Pálmi Sigurbjörnsson Opnaði Sports Direct á Íslandi sumarið 2012.
Má nota pastasigtið
Segist vera hluti af spagettíkirkjunni
R
ússneskur maður fær að
vera með pastasigti á höfð­
inu á ökuskírteininu sínu.
Þetta er niðurstaða dóm­
stóls þar í landi, en maðurinn er
hluti af spagettíkirkjunni svoköll­
uðu. Talað er um að þeir sem eru
hluti af Kirkju fljúgandi spagettí­
skrímslisins (e. Church of the
flying spaghetti monster), séu
„Pastafarians“. Kirkjan gerir grín
að trúarbrögðum og trúboði og
sagði maðurinn, Andrei Filin, að
sigtið væri trúartákn sem hon­
um væri mikilvægt. Hann fær fyrir
vikið að vera með sigtið á höfðinu
á myndinni. Þeir sem vilja til­
heyra kirkjunni þurfa ekki að taka
þátt í nokkrum hátíðum, athöfn­
um eða greiða gjald. Fljúgandi
pastaskrímslið er helgitákn safn­
aðarins, það ku vera ósigrandi, al­
máttugt og lítur út eins og spagettí
og tvær kjötbollur. n
Húfa og sigti
Maðurinn á sér-
hannaða húfu,
sem er alveg
eins og sigtið
hans góða.
MynD BBC