Dagblaðið Vísir - DV - 19.02.2016, Blaðsíða 29

Helgarblað 19.–22. febrúar 2016 Fólk Viðtal 25
ÚRVAL
FÆÐUBÓTAREFNA
Glæsibæ & Holtagörðum
Netverslun: www.sportlif.is
Sterkustu
brennslu-
töflur í
Evrópu
um þarf bara að breyta verklagi og
gera eitthvað ódýrara. Stundum
eru settir miklir fjármunir í einhver
verkefni sem skila ekki því sem til er
ætlast. Þá þarf að fara til baka,“ út­
skýrir hún.
Hataðasta ákvörðunin
En það mál sem hvað mest hefur
verið gagnrýnt og Björk bar ábyrgð
á í borgarstjórn var að hækka aldur
fólks sem fær ókeypis í sund. Hann
var hækkaður úr 67 árum í 70 ár.
„Þetta er hataðasta ákvörðun sem
ég hef staðið frammi fyrir. Þetta var
í kreppunni og við urðum að skera
niður. Þetta er búið að vera stóra
málið hjá Félagi eldri borgara og
mörgum öðrum. Ég spyr á móti; af
hverju eiga þeir sem eru 67 til 70
ára að fá ókeypis í sund? 67 ára eft­
irlaunaaldurinn var settur í lög árið
1936. Þá var lífaldur fólks 20 árum
skemmri en hann er núna. Það
eru allir á móti þessari breytingu
en á sama tíma og talað er um að
hækka eftirlaunaaldurinn. Næst­
um 50 prósent fólks á þessum aldri
er í fullri vinnu og stór hluti er í
hálfu starfi. Þetta er hópurinn sem
í öllum könnunum kemur fram að
sé fjárhagslega sterkastur í samfé­
laginu.“
Ef gefa ætti fleirum ókeypis í
sund þá ætti frekar að hækka ald­
ur barna sem fær ókeypis, að mati
Bjarkar, enda hafi barnafjölskyldur
það verst í samfélaginu. „Þetta hefur
líka verið gagnrýnt út frá lýðheilsu­
sjónarmiðum, en offituvandamál­
ið er mest á meðal barna, ekki fólks
á þessum aldri. Umræðan í sam­
félaginu er oft svo mikið rugl. Við
verðum að tala út frá staðreyndum
en ekki mýtum. Stundum er ætlast
til að teknar séu ákvarðanir út frá
mýtum en það rétta er að stjórn­
málamenn taka ákvarðanir út frá
staðreyndum, þótt þær séu stund­
um óvinsælar,“ segir Björk sem er
heitt í hamsi þegar hún ræðir þessi
mál. Henni finnst samfélagsum­
ræða sem er byggð á staðreynda­
villum einstaklega þreytandi.
Aldraðir fjársterkur hópur
„Það er alltaf verið að tala um aldr­
aða sem svo illa staddan hóp en
stærstur hluti aldraðra í dag er í
eigin húsnæði sem þeir keyptu
áður en lán urðu verðtryggð. Lán­
in voru svo étin upp á verðbólgu­
tímanum þannig að hvað eignir
varða eru aldraðir mjög fjársterk­
ur hópur þótt hann hafi kannski
ekki úr miklu að spila í daglega líf­
inu, sérstaklega ekki þeir sem hafa
bara tekjur úr almannatrygginga­
kerfinu,“ segir Björk en bendir á
að sá hópur sé rétt um 10 prósent
aldraðra. „Við tölum oft eins og allir
aldraðir séu í þeim hópi, sem er al­
veg fjarri lagi.“
Máli sínu til stuðnings vís­
ar Björk til rannsókna um hagi
eldri borgara sem gerðar eru á
nokkurra ára fresti, sem Reykja­
víkurborg, öldrunarráð og velferð­
arráðuneytið standa að. Í þessum
rannsóknum, sem taka til tæplega
2.000 einstaklinga á aldrinum 67 til
87 ára, kemur ýmislegt áhugavert
fram. Í síðustu rannsókn, frá árinu
2012, kom til að mynda fram að um
70 prósent svarenda höfðu sjaldan
eða aldrei fjárhagsáhyggjur. Þrátt
fyrir það töldu um 75 prósent af
sama hópi að aldraðir þyrftu á fjár­
hagsráðgjöf að halda. Upp til hópa
virðast aldraðir því telja að jafn­
aldrar þeirra hafi það töluvert verra
en þeir sjálfir.
„Lítill hluti aldraðra hefur mikl­
ar fjárhagsáhyggjur. En auðvit­
að er það okkar að tala fyrir því að
þeir aldraðir sem hafa bara tekjur
af almannatryggingum og eða lít­
inn lífeyrissjóð hafi það betra. Þeir
og öryrkjar áttu til dæmis að fá aft­
urvirkar greiðslur eins og allir aðr­
ir. En ég get ekki talað fyrir því að
allir aldraðir eigi að hafa það betra,
því ég veit hvernig staðan er. Flestir
aldraðir hafa það bara mjög gott.“ n
Við tínslu Eitt hlutverk sjálfboðaliðanna er að aðstoða við ólífutínslu, en ólífurækt er
undirstöðuatvinnugrein í Palestínu.
Áreiti Landnemi áreitir Björk og einn Palestínumann þar sem þau eru við ólífutínslu.
Landnemabyggðirnar teygja sig inn á ólífuakrana og tínslufólk fær oft ekki frið fyrir áreiti,
frá landnemum og hernum.
„Flestir aldraðir
hafa það bara
mjög gott.