Dagblaðið Vísir - DV - 19.02.2016, Blaðsíða 4

4 Fréttir Helgarblað 19.–22. febrúar 2016
Glerhreinsir • Gólfsápa • WC hreinsir
Rykmoppur og
sápuþykkni frá
Pioneer Eclipse
sem eru hágæða
amerískar hreinsi-
vörur.
Teppahreinsivörur
frá HOST
Marpól ehf. - Nýbýlavegur 18, Kópavogur - S: 660 1942 - marpol.is
Frábærar þýskar
ryksugur frá SEBO
Decitex er
merki
með allar
hugsanlegar
UNGERErum einnig með:
Marpól er með
mikið úrval af
litlum frábærum
V
ið erum með nokk­
uð strangar verklags­
reglur hvað þetta
varðar. Starfsmenn
mæta alltaf í einkennis­
búningi og eru með skilríki
með mynd merkt Veitum,
sem er dótturfélag Orku­
veitunnar. Þeir eru einnig
á merktum bílum,“ útskýrir
Eiríkur Hjálmarsson, upp­
lýsingafulltrúi Orkuveitunn­
ar, spurður út í óhugnanlega
innrás inn á heimili ungrar
konu í Hafnarfirði.
Á mánudag villti maður á
sér heimildir með þeim hætti
að hann bankaði upp á hjá konu á
Móabarði í Hafnarfirði og sagðist
þurfa að lesa af mælum. Þegar mað­
urinn var kominn inn réðst hann
á konuna sem var ein heima með
ungbarn sitt.
Eiríkur áréttar að starfsfólk Orku­
veitunnar ætti að vera mjög auð­
þekkjanlegt.
Annað fyrirtæki sem sér um
að lesa af mælum í Hafnarfirði er
Veitur.
Í tilkynningu frá Veitum segir:
„Veitur þakka viðskiptavinum það
traust sem álesarar á vegum fyrir­
tækisins njóta og finnst ömurlegt
hafi það verið misnotað. Viðskipta­
vinum er bent á að þeir geta sjálfir
sent fyrirtækinu álestur kjósi þeir
það. Það er til dæmis hægt að gera
í gegnum Mínar síður á vef Veitna.“
Lögregla auglýsti í gær eftir upp­
lýsingum um manninn. Hann er um
180 cm á hæð og fölleitur, var dökk­
læddur, með svarta húfu og svarta
hanska. Hann er talinn vera á aldr­
inum 35–45 ára. Þeir sem vita eitt­
hvað um málið eru beðnir um að
hafa samband við lögregluna. n
Alltaf merktir
og með skilríki
Sagðist vera að lesa af mælum og réðst á konu
Skoðuðu tölvupósta
brottrekna forstjórans
n Stjórn Fáfnis Offshore vill skuldabréfaútgáfu n Hitafundur í næstu viku
S
tjórn Fáfnis Offshore vill ráð­
ast í skuldabréfaútgáfu upp
á tæpar 200 milljónir króna
sem á að tryggja áfram­
haldandi rekstur fyrirtækis­
ins. Samkvæmt heimildum DV mun
hún leggja tillögu þess efnis fram
á hluthafafundi Fáfnis næsta mið­
vikudag og einnig fara yfir fjárhags­
stöðu fyrirtækisins, samning þess við
Sýslumanninn á Svalbarða og athug­
un stjórnarinnar á tölvupóstum sem
Steingrímur Erlingsson, fyrrverandi
forstjóri og stofnandi Fáfnis Offs­
hore, sendi í starfi sínu. Steingrímur
vildi ekki tjá sig um athugun stjórn­
arinnar sem nær yfir tölvupóstsam­
skipti hans nokkur ár aftur í tímann.
Fyrirtækið rekur sérútbúna fimm
milljarða króna olíuþjónustuskip­
ið Polarsyssel, dýrasta skip Íslands­
sögunnar, og er með annað í smíð­
um.
Skipt fyrir hlutafé
Skuldabréfaútgáfan sem stjórn Fáfn­
is stefnir að er samkvæmt heimild­
um ætlað að afla allt að 195 millj­
ónum króna sem fyrirtækið þarf til
að ganga frá samningum við norsku
skipasmíðastöðina Havyard. Þar
sé um að ræða útgáfu breytanlegra
skuldabréfa, með 20% ársvöxtum,
sem síðar verði hægt að skipta fyr­
ir hlutafé í Fáfni. Til þess að útgáfan
geti farið fram þarf að breyta sam­
þykktum félagsins og ætlar stjórnin
að bera tillögu þess efnis fram á hlut­
hafafundinum.
Þar verður einnig tekin fyrir til­
laga um að flytja Fafni Viking, skip
sem Hav yard smíðar nú fyrir Fáfni
og kostar um 350 milljónir norskra
króna, 5,2 milljarða króna, yfir í
dótturfélag íslenska olíuþjónustufyr­
irtækisins. Afhendingu skipsins hef­
ur verið frestað nokkrum sinnum en
upphaflega stóð til að hún færi fram
í næsta mánuði. Samkvæmt upplýs­
ingum DV óskuðu hluthafarnir Fafn­
ir Holding, félag sem er alfarið í eigu
Steingríms Erlingssonar, og Optima
Danmark AS, í byrjun febrúar eftir
því að fundurinn yrði haldinn. Fóru
þeir fram á að farið yrði yfir fjárhags­
stöðu og framtíðaráform fyrirtæk­
isins og að nýr stjórnarmaður yrði
kjörinn.
Lífeyrir í olíuútrás
Framtakssjóðurinn Akur, sem er í eigu
þrettán lífeyrissjóða, Íslandsbanka
og VÍS, er stærsti eigandi Fáfnis með
30% hlut. Framtakssjóðurinn Horn
II, sem er í eigu lífeyrissjóða, fjár­
málafyrirtækja og fagfjárfesta, kem­
ur þar á eftir með 23%. Samkvæmt
nýjasta ársreikningi Fáfnis á Stein­
grímur Erl ingsson 21% hlut í gegnum
Fafni Holding. Hinir fimm hluthafarn­
ir, þar á meðal Sjávarsýn ehf., sem er
í eigu Bjarna Ármannssonar, fjárfest­
is og fyrrverandi forstjóra Glitnis, og
Havyard Ship Invest AS, sem er í eigu
norsku skipasmíðastöðvarinnar Hav­
yard, eiga minna en 10%.
Steingrímur bauðst í lok janúar
til að staðgreiða eignarhluti Akurs og
Horn II í Fáfni eins og DV greindi frá
5. febrúar síðastliðinn. Í frétt blaðsins
kom fram að forstjórinn fyrrver­
andi hefði meðal annars lagt fram
staðfestingu á lánsfjármögnun frá
kanadíska fjármálafyrirtækinu Pro­
spect Financial Group. Tilboðið, sem
var lagt fram án fyrirvara um fjár­
mögnun, rann út nokkrum dögum
síðar en hluthafarnir tveir höfnuðu
því. Vefmiðillinn Kjarninn greindi síð­
ar frá því að tilboðið hefði verið upp
á um 10% af þeim tveimur milljörð­
um króna sem framtakssjóðirnir tveir
lögðu upphaflega í Fáfni Offshore.
Það muni ráðast í þessum mánuði
hvort nýr þjónustusamningur Fáfnis
við sýslumanninn á Svalbarða, eina
verkefnið sem Fáfnir er með í hendi,
um að fyrirtækið sinni verkefnum fyr­
ir hann í níu mánuði á ári í stað sex,
muni halda.
Vilja ekki tjá sig
Ljóst er að ekki eru allir hluthafar
Fáfnis sammála um þær ákvarðanir
sem stjórnendur þess hafa tekið síð­
ustu mánuði. Í frétt DV þann 29. jan­
úar kom fram að eigendur danska
sjávarútvegsfyrirtækisins Sirena A/S,
sem á 2,8% hlut í Fáfni í gegnum
dótturfélag sitt, Optima Danmark AS,
væru óánægðir með samskipti sín við
stjórnendur Fáfnis. Eins og áður seg­
ir óskuðu Fafnir Holding, félag Stein­
gríms, og Optima Danmark, eftir því
að hluthafafundurinn yrði haldinn.
Steingrími, sem stofnaði fyrir­
tækið og var andlit þess út á við, var
eins og áður segir sagt upp störfum í
desember og nýr framkvæmdastjóri
ráðinn í hans stað. Jóhannes Hauks­
son tók við stöðu stjórnarformanns
nokkrum vikum síðar af Bjarna Ár­
mannssyni sem hafði þá sinnt hlut­
verkinu í rúma fimm mánuði. Þeir
hafa ekki viljað tjá sig um stöðu fyrir­
tækisins sem sérhæfir sig í þjónustu
við olíu­ og gasborpalla auk annarra
verkefna á norðlægum slóðum.
Lækkun olíuverðs hefur gjör­
breytt verkefnastöðu margra fyrir­
tækja sem þjónusta olíuiðnaðinn.
Tunna af Norðursjávarolíu (e. Brent
Crude) kostaði um 35 Bandaríkjadali
í gær. Í apríl 2014, þegar Fafnir Vik­
ing var pantað, kostaði hún um 110
dali. n
Haraldur Guðmundsson
haraldur@dv.is
Polarsyssel Steingrími Erlingssyni, stofnanda og fyrrverandi forstjóra Fáfnis Offshore, var sagt upp störfum í desember. Lækkun olíuverðs
hefur haft áhrif á verkefnastöðu fyrirtækisins en íslenskir lífeyrissjóðir og ríkisbankinn Íslandsbanki eru í hluthafahópi þess.