Hjúkrun: tímarit Hjúkrunarfélags Íslands - 01.06.1978, Blaðsíða 19

Fréttir og tilkynningar
Bandalag kvenna
í Reykjavík
Arsskýrslu Bandalagsins 1977-78
var dreift í 2 eintökum til aðildarfé-
laganna á fulltrúaráðsfundinum 2.
maí sl. og síðan send til þeirra aðild-
arfélaga, sem ekki áttu fulltrúa á
fundinum. Þá hefur formönnum
fastanefnda verið sent eintak af
skýrslunni svo og fjölmiðlum. Send
hafa verið 74 bréf með ályktunum
frá aðalfundinum í febrúar sl.
Saga Bandalagsins. Aðildarfélögin
eru hér með minnt á þá samþykkt
fulltrúaráðsins, að handritið af sögu-
agripi félaganna ásamt myndum þarf
að hafa borist stjórninni fyrir næstu
áramót. Jafnframt eru þau aðildar-
félög, sem eftir eiga að greiða kr.
15.000 framlagið fyrir 1978 vegna
söguritunarinnar, beðin að gera það
sem fyrst.
Hallveigarstaðir. Svar hefur borist
frá 25 aðildarfélögum vegna væntan-
legrar sölu á húseigninni Hallveigar-
staðir, en svörin áttu að berast fyrir
1- maí sl. 011 svörin voru á þá leið,
að stjórn Bandalagsins er falin fram-
kvæmd í málinu, þótt félögin harmi
yfirleitt að til sölu þurfi að koma á
húseigninni. Unnið er að því annars
vegar að finna betra og hentugra
húsnæði fyrir kvennasamtökin og
hins vegar að fá kaupanda að hús-
eigninni.
Ar barnsins 1979. Eins og þið vit-
ið hefur fulltrúaráðið samþykkt að
Bandalagið gangist fyrir hádegis-
verðarfundi á Hótel Sögu, laugar-
daginn 14. október n.k. Fundurinn
er að þessu sinni haldinn þar, til
þess að hvert aðildarfélag geti sent
10 fulltrúa á fundinn. Rætt hefur ver-
ið um, að Bandalagið gangist fyrir
þremur fræðslufundum, einum 1978
og tveimur 1979, um málefni barns-
ins á sem breiðustum grundvelli.
Stjórnin biður aðildarfélögin að
senda ábendingar og tillögur um þau
viðfangsefni, sem þau óska eftir að
Bandalagið taki fyrir á þessum vett-
vangi sem allra fyrst. Jafnframt bið-
ur stjórnin félögin hvert og eitt að
athuga, hvað þau geta gert heimafyr-
ir. Á októberfundinum verður aðal-
ræðumaðurinn Jón Björnsson félags-
málastjóri á Akureyri.
Umhverfisvernd. Stjórnin biður
aðildarfélögin að bafa vakandi auga
fyrir verndun minja og umhverfis-
vernd. Hvernig væri að aðildarfélög-
in gengjust fyrir sérstökum þrifnað-
arvikum, hvert í sínu hverfi? í þessu
sambandi leyfir stjórnin sér að senda
með þessu bréfi eintak af umburðar-
bréfi Landverndar.
Grœnlandsferð. Kvenfélagasamb.
íslands skipuleggur kynnisferð til
Grænlands dagana 10.-17. ágúst n.k.
Þessi ferð er fyrst og fremst skipu-
lögð fyrir þær konur, sem tóku á
móti grænlensku konunum, sem voru
hér á ferð sl. sumar. Upplýsingar
veitir Kvenfélagasamband íslands.
Norrœna húsmœðrasambandið.
Þing sambandsins verður haldið á
Park Hótel í Sandefjord í Noregi
dagana 15.-17. sept. n.k. Umræðu-
efni þingsins verður „Börn í neyslu-
þjóðfélagi". Umburðarbréf um þing-
ið hefur Bandalagið sent öllum að-
ildarfélögunum. — Upplýsingar hjá
Kvenfélagasambandi íslands.
Þökkum ánægjulegt samstarf á
liðnum vetri. o.; -_,•
dtjornm.
Ráðstefna í Danmörku
í október 1978
Hjúkrunarfélagi íslands hefur borist
boð frá Dansk Sygeplejerád um að
senda tvo fulltrúa á ráðstefnu um
„working environment for health
care workers", sem haldin verður á
ráðstefnuhótelinu Kolle Kolle í Dan-
mörku 16.—20. október nk. Er hér
um að ræða 3. ráðstefnu hjúkrunar-
félaga á Norðurlöndum og Medical
Workers Union in USSR og er 16
löndum boðin þátttaka. Tilgangur
ráðstefnunnar er að ræða vinnuað-
stöðu og vandamál innan heilsugæsl-
unnar og að efla samvinnu heilsu-
gæslustétta.
Upplýsingar á skrifstofu HFÍ.
Námsstyrkur 3-M Nursing
Fellowship
Alþjóðasamtök hjúkrunarfræðinga,
ICN, auglýsa hér með 3-M styrkina
fyrir árið 1979. Eru þeir ætlaðir
hjúkrunarfræðingum til framhalds-
náms.
HJÚkrun
17