Hjúkrun: tímarit Hjúkrunarfélags Íslands - 01.06.1978, Blaðsíða 30
Ritkynning
í febrúar sl. kom út rit heilbrigðis- og trygginga-
málaráðuneytisins 1/1978. Heitir það „Hjúkrun-
armál“ og hefur að geyma allýtarlegt yfirlit yfir
nám og störf hjúkrunarfræðinga og sjúkraliða.
Höfundur þess er Ingibjörg R. Magnúsdóttir
deildarstjóri.
í inngangi ritsins segir: „Þegar rætt er um
hjúkrun, það starf sem hjúkunarfræðingar hafa
annast um áratugabil, verður flestum hugsað til
sjúkrahúsa og ákveðinna starfa innan þeirra.
Þau störf voru nokkuð svipuð fyrst framan af.
Læknar, hjúkrunafræðingar og Ijósmæður voru
þær hefðbundnu stéttir heilbrigðisþjónustunnar,
er höföu ákveðin störf með höndum, og til þeirra
starfa þurfti ákveðið nám.
Gífurleg þjóðfélagsbreyting hefur orðið hér á
landi jafnt og þétt allt frá lokum síðari heims-
styrjaldar. Hún hefur ekki síður náð til sjúkrahúsa
og sjúkramála, en annarra þjóðfélagsþátta og
markað þar spor. Nýir hópar, litlir í fyrstu, urðu
til við hlið læknisins og hjúkrunarfræðingsins og
leystu hluta starfs þeirra af hendi, einn hér og
annar þar. Þessir hópar hlutu ákveðin starfssvið,
sem mótuðust í ákveðinn farveg og kröfðust því
sérstakrar kunnáttu.
Starf hjúkrunarfræðingsins hefur tekið allmikl-
um breytingum á þessum árum. í sjúkrastofn-
unum er starf hans nú meira bundið stjórnun og
kennslu auk ýmissa sérgeina hjúkrunar, og utan
sjúkrastofnana annast hann heilsugæslu í sívax-
andi mæli í heilsugæslustöðvum, skólum, heim-
ilum, verksmiðjum og fleiri stofnunum hins
margbreytilega þjóðfélags.
Ný og breytt starfssvið kalla á aðrar breyting-
ar. Nám hjúkrunarfræðingsins þarf sífellt að end-
urskoða. Starf hans að námi loknu þarf að skipu-
leggja þannig, að menntun hans nýtist sem best
hverju sinni og um leið þeirra nýju stétta, er
komið hafa til starfa við hlið hans á undanförn-
um árum.“
Meginkaflar ritsins bera yfirskriftirnar: Skólar.
Hjúkrunarleyfi. Sérfræðileyfi í hjúkrun. Störf
hjúkrunarfræðinga. Sjúkraiiðar. Sjúkrastofnanir.
Fjöldi starfandi hjúkrunarfræðinga og sjúkraliða
í sjúkrastofnunum. Heilsugæsla. Könnun á störf-
um hjúkrunarfræðinga 1974-1975.
í kaflanum um störf hjúkrunarfræðinga segir
m. a. að hjúkrunarfræðingar hér á landi séu svo
til allir í Hjúkrunarfélagi íslands. Þó eru örfáar
undantekningar. Þessum kafla fylgir tafla sem
sýnir fjölda þeirra hjúkrunarfræðinga, sem eru
starfandi hér á landi á tímabilinu 1. janúar 1973
til 1. janúar 1978 og starfshlutfall þeirra.
Höfundur telur augljóst að á seinni árum hafi
fleiri húsmæður komið út á vinnumarkaðinn og
taki þá fremur hlutastarf en fullt starf. Þetta er
hliðstæð þróun og annars staðar og án efa liggja
ýmsar ástæður til grundvallar. Aukning á barna-
heimilisplássum, þótt ekki liggi hér fyrir hver sú
aukning er. Barneignum hefur heldur fækkað
hlutfallslega, svo að gera má ráð fyrir að færri
hjúkrunarfræðingar séu bundnir barnagæslu en
fyrr. Að lokum gæti breytt viðhorft til starfa
kvenna utan heimilis markað hér spor sem og
annars staðar þjóðfélaginu.
Ritið „Hjúkrunarmál“ er 74 bls. að stærð og
kostar kr. 1000. Það er til sölu í heilbrigðis- og
tryggingamálaráðuneytinu og á skrifstofu HFÍ.
Uppsagnirnar dregnar til baka
Á stjórnarfundi Hjúkrunarfélags íslands, 25. maí
1978, voru mættir fulltrúar hjúkrunarfræðinga við
Landakotsspítala, Vífilsstaðaspítala og Borgar-
spítala, sem sögðu upp störfum í október 1976
og frestuðu framkvæmd 30. mars 1977 fram yfir
gerð kjarasamninga, samkv. tilmælum stjórnar
HFÍ.
Samþykktu þessir fulltrúar að uppsagnir verði
dregnar til baka. Mun hver hjúkrunarfræðingur
ganga frá sinni afturköllun.
Vetrarleiga í Kvennabrekku
Á fulltrúafundi HFÍ í apríl 1978 var samþykkt
eftirfarandi tillaga um leigu Kvennabrekku:
Að sumarhús HFÍ, Kvennabrekka, verði leigð
hjúkrunarfræðingum utan af landi fyrir sann-
gjarnt verð, t. d. ef þeir eru við nám hér fyrir
sunnan, mánuðina sept. til maíloka.
Umsóknir um samfellda vetrarleigu þurfa að
berast skrifstofu HFÍ fyrir 1. ágúst nk.
Skrifstofa HFÍ - sumarfrí
Undanfarin ár hefur skrifstofa HFÍ verið lokuð í
júlímánunði að jafnaði 3 vikur, vegna sumar-
leyfa. í sumar verður einungis lokað fyrir hádegi
3.-21. júlí að báðum dögum meðtöldum.
Formaður félagsins mun verða á skrifstofunni
kl. 1-5.