Tímarit hjúkrunarfræðinga - 01.12.1999, Page 5

Formannspistill.
„Samningar"
Herdís Sveinsdóttir
Fjármálaráðherra hefur lagt fram frum-
varp á Alþingi um breytingar á lögum
um kjarasamninga opinberra starfs-
manna. Frumvarpinu er ætlað að
koma í veg fyrir að opinberir starfs-
menn geti sagt upp störfum sínum til
þess að ná fram sameiginlegu mark-
miði. Bandalag háskólamanna hefur
marglýst yfir vilja sínum til að ræða um
slíkar breytingar á lögum um kjara-
samninga samhliða breytingum á
öðrum lögum. Nú hafa mál æxlast
þannig að rétt áður en gengið er til
samninga ætlar ríkisvaldið sér að
breyta leikreglum einhliða, þ.e. án
nokkurs samráðs við mótspilarann.
Þessu mótmælir Féiag íslenskra hjúkr-
unarfræðinga eindregið. Við hljótum
að velta því fyrir okkur hvaða áhrif það
hefur á komandi samninga þegar
annar aðili samninganna kýs að mis-
beita valdi sínu á þennan máta.
Kjaranefnd Félags íslenskra hjúkr-
unarfræðinga hefur hist reglulega nú í
haust til að fjalla um komandi samn-
inga. í nóvember sendi nefndin bréf til
trúnaðarmanna félagsins þar sem
leitað er eftir hugmyndum sem flestra
um hvað beri að leggja áherslu á í
komandi samningum. Fulltrúum í
nefndinni finnst mikilvægt að heyra frá
fulltrúum hjúkrunarfræðinga sem
starfa á mismunandi starfsvettvangi
og eru hjúkrunarfræðingar hvattir til að
hafa samband við félagið og láta í Ijós
hugmyndir sínar um hvað beri að
leggja áherslu á. Þegar hafa verið
stofnaðir undirbúningshópar hjúkrun-
arfræðinga sem eru að skoða vakta-
kerfi hjúkrunarfræðinga og hvernig
meta eigi menntun hjúkrunarfræðinga.
Sú skoðun hefur heyrst að vart sé
tímabært að hefja undirbúning nýrra
kjarasamninga þegar ekki sé endan-
lega búið að ganga frá þeim síðasta
en víða er framgangskerfi hjúkrunar-
fræðinga ófrágengið. Við höfum ekki
nákvæma yfirsýn yfir hverjir hafa lokið
allri vinnu að framgangskerfi og hvar
einhverju er ólokið. Hjúkrunarfræð-
ingar eru eindregið beðnir um að
hafa samband við skrifstofu félagsins
ef þeir eru ósáttir við hvernig vinnan
að framgangskerfi gengur á þeirra
stofnun.
Þetta blað er að mestu helgað 80
ára afmæli félagasamtaka í hjúkrun
sem við héldum hátíðlegt 6. nóvem-
ber sl. Fyrir mér er það ógleymanlegt
að finna þá samstöðu og styrk sem
streymdi frá þeim tæplega 800
hjúkrunarfræðingum sem lögðu leið
sína á Kjarvalsstaði. Ég var mætt á
staðinn rúmlega hálf fjögur til að vera
tilbúin að taka á móti þegar hjúkr-
unarfræðingar færu að tínast á stað-
inn um fjögurleytið. Ég var ekki fyrst!
Dágóður hópur var þegar mættur og
hjúkrunarfræðingar streymdu að. Ég
festist við gestabókina og komst
varla fram að dyrum til að taka vel á
móti hverjum og einum. Þegar klukk-
an fór að nálgast hálffimm fór ég að
verða hrædd um að komast hrein-
lega ekki að pontu, vegna þrengsla,
til að flytja hátíðaræðuna sem ég
hafði samið fyrr í vikunni. Slíkur var
fjöldi hjúkrunarfræðinga orðinn. Eins
og gefur að skilja voru talsverð
þrengsl þegar fjöldi gesta var helm-
ingi meiri en búist var við. Það er þó
trú mín að hjúkrunarfræðingar hafi
fundið til þessarar sterku tilfinningar
um samstöðu sem var svo rík í
mínum huga þennan dag.
Gleðileg jól.
Herdís Sveinsdóttir.
.VOE Vfify
^ PLUS+^
by Coabjlloe
Hand & Body
Lotion
84% Aloe Vera Gel
Gæðavottað Aloe Vera
Fyrir íslenskt veðurfar
Dreifing: Niko ehf.
Tímarit hjúkrunarfræðinga ■ 5. tbl. 75. árg. 1999
293