Tímarit hjúkrunarfræðinga - 01.05.2000, Qupperneq 27

eru með eyrnabólgu lagast þau í flestum tilfellum.” Hún
segir umræður hafa aukist um gagnsemi bólusetninga
fyrir ungbörn í Danmörku, sumir telji tengsl milli þessara
bólusetninga og ýmissa sjúkdóma. „Bólusetningardæmið
er heilög kýr sem varla má nefna án þess að heiftarlegar
umræður hefjist. Þetta er næstum eins og heitttrúaðir
hópar sem berjast innbyrðis og sterkar tilfinningar í
báðum hópum með og á móti. En það virðist ekki vera
alveg hættulaust að bólusetja okkur fyrir öllum sjúk-
dómum. Við erum, með meira eða minna lifandi veirum
og öðrum kemískum efnum, að ryðjast inn í forvarnakerfi
ungbarna, sem ekki eru orðin fullþroska, hvað eftir annað
fyrstu tvö ár af lífi þeirra. Það er alls ekki ósennilegt að
það geti haft slæm áhrif á ónæmiskerfi þeirra og að
afleiðingarnar megi sjá meðal annars í aukinni ofnæmis-
tíðni. Þetta þarf að rannsaka og er reyndar rannsakað
víða um heim. Það er svo okkar hlutverk að fylgjast með.
Ég tel það að minnsta kosti í mínum verkahring.”
Gott líf án hormóna
En hvernig stóð á því að Þorgbjörg setti upp námskeið
um lífsorku kvenna?
„Námskeiðið er sprottið upp úr áhuga á að miðla
þekkingu til kvenna um hvernig hægt sé að lifa góðu og
skemmtilegu lífi með réttri næringu fyrir líkama og sál.
Við konur höfum svo mikið að gera, við vinnu, heimili,
fjölskyldu, vini. Við föðmum þetta allt að okkur og
setjum oft metnað í að halda utan um þetta allt og
meira til á fullkominn hátt. Við gefum og gefum og
tökum of lítið fyrir okkur sjálfar. Þetta er mjög einkenn-
andi fyrir konur í þjónustustörfum eins og okkur hjúkr-
unarfræðingana til dæmis! En það sem mig langaði til
var í fyrsta lagi að gefa konum möguleika á að staldra
við og huga bara að sjálfri sér í eina litla viku. Burtu frá
erilsömu lífi og áreiti. í öðru lagi að nota tækifærið og
fræðast! Það er svo yndislegt og gaman að fræðast um
hvað gott og rétt fæði getur gert fyrir líkamann, hvernig
hann starfar, hvernig við lifum góðu og heilbrigðu lífi án
hormóna. Hitakóf og fyrirtíðaspenna getur þess vegna
verið eitthvað sem við þekkjum ekki, t.d. bær í Rúss-
landi! Sólveig sér svo um að fræða okkur um hvernig á
að matreiða alla þessa rétti. Konurnar okkar eru á
yndislegu hreinsandi fæði á meðan á dvölinni stendur,
stunda jóga á hverjum degi undir handleiðslu frábærs
jógakennara, fá nudd og margt annað skemmtilegt sem
í boði er. Við vonuðumst til að sá fræjum í konurnar
með dvölinni hérna en þær voru farnar að blómstra
þegar þær kvöddu okkur með kossum! Við höfum verið
að þróa námskeiðið í eitt ár og erum enn að og næsta
námskeið verður enn betra! En það er hægt að afla sér
upplýsinga um námskeiðið okkar á
lifsorkakvenna@visir.is.”
Einn af fyrirlestrum Þorbjargar á námskeiðinu nefnist
„Gott líf án hormóna” en hún er á þeirri skoðun að
hormónar séu oft ónauðsynlegir á breytingarskeiðinu.
„Margir ættbálkar í Afríku og Japanir finna ekki fyrir
breytingaskeiðinu eða fyrirtíðarspennu. Breytingar í matar-
æði og atvinnulífi stuðla að þeim vandamálum sem við
tengjum þessum tímabilum í dag.“
Hún segir hollan mat, sem er án sykurs og hveitis og
mjólkurvara, geti stuðlað að bættri líðan kvenna á
breytingaskeiði. „Það skiptir miklu máli fyrir konur að
hugsa vel um sjálfar sig og nota sojamjólk í stað mjólkur
og góðar olíur og smáskammtalyf. Þannig þurfa konur
1.000 mg af kvöldvorrósarolíu daglega og eina matskeið
af hörfræsolíu. Auk þess þurfa þær þistilolíu eða sólblóma-
olíu sem notuð er til matargerðar. Það er líka hægt að lesa
um olíur á netinu og til er bók sem heitir Fats that kill, fats
that heal skrifuð af Udo Erasmus, einum fremsta
næringarsérfræðingi heims."
Fyrir skömmu tók Þorbjörg þátt í panelumræðum á
þingi í Óðinsvéum sem bar yfirskriftina Hvað hafa notendur
heilbrigðisþjónustunnar þörf fyrir á 21. öldinni? „Þar kom
fram að breyta þyrfti skilgreiningum á heilbrigði og sjúk-
leika og líta þyrfti á sjúkdóma meira heildrænt út frá
sálrænum, líkamlegum og tilfinningalegum þáttum. Heil-
brigðiskerfið endurspeglar þær skilgreiningar sem eru í
gildi og önnur viðhorf skapa óöryggi hjá læknum. Þetta
kemur til með að breytast í framtíðinni. Eftir því sem
tæknivæðingin og tölvuvæðingin þróast og hraðinn eykst,
því meir krefjumst við nærveru, réttra og nákvæmra
upplýsinga o.s.frv. Þörfin fyrir að leita inn á við eykst,
hugtök eins og uppruni, náttúra, friður, kærleikur, nærvera
og sjálfsábyrgð verða ríkjandi í framtíðinni. Við viljum að
það sé litið á okkur sem heilsteyptar manneskjur á öllum
sviðum. Ég er að reyna að koma á móts við þessar þarfir í
starfi mínu og í persónulegu lífi. Við Solla erum að reyna að
miðla þessu á námskeiðunum okkar. Og þetta er áskorun
fyrir alla á nýrri öld.“
EES-vinnumiðlunin
EURES (European Employment Services) er samstarf
um vinnumiðlun milli ríkja á Evrópska efnahagssvæð-
inu (EES), íslenskt heiti þess er EES-vinnumiðlunin.
Heimasíða EES-vinnumiðlunarinnar er undir heimasíðu
Vinnumálastofnunar: www.vinnumalastofnun.is. Þeim
hjúkrunarfræðingum sem eru að leita að störfum
erlendis er bent á síðuna en þar er að finna ýmsar
upplýsingar. Til að leita að auglýstum störfum á EES-
vinnumarkaði þarf að velja „EURES“ og svo „Job
Search". Þar er hægt að skoða möguleika eftir
löndum, landsvæðum og starfsgreinum.
Tímarit hjúkrunarfræðinga 2. tbl. 76. árg. 2000
91