Tímarit hjúkrunarfræðinga - 01.05.2000, Side 32

Yfírlýsing frá stjórn 'f'éU^s íslmkrA kjúkrunAY'fYveðii^A
í tilefni af fyrirspurn Ögmundar Jónassonar, alþingismanns
og formanns BSRB á Alþingi um launaþróun í heilbrigðis-
þjónustu og svari fjármálaráðherra vill stjórn Félags
íslenskra hjúkrunarfræðinga koma eftirfarandi á framfæri.
Stjórn Félags íslenskra hjúkrunarfræðinga lýsir yfir
undrun og vonbrigðum með þau vinnubrögð sem viðhöfð
voru við fyrirspurnina og svör við henni. Stjórnin er mjög
hlynnt því að gerð sé heildarúttekt á launum og
launaþróun í heilbrigðisþjónustu. Að mati stjórnar félagsins
er öll úttekt á kjörum hinsvegar marklaus ef ekki er tekið
mið af vinnutíma, ábyrgð og menntun. Því telur stjórnin að
laun og launaþróun heilbrigðisstétta verði að skoðast í
samhengi við sambærilegar stéttir. Hér er átt við fagstéttir í
heilbrigðiskerfinu með svipaða menntun að baki sem
sinna sambærilegum ábyrgðarstörfum. í fyrirspurn
Ögmundar er óskað eftir upplýsingum um mánaðarlaun
(föst laun og grunnlaun ef þau eru önnur) hjúkrunarfræð-
inga, lækna, sjúkraliða og aðstoðarfólks. í svari fjármála-
ráðherra kemur fram að erfitt sé að svara fyrirspurninni
m.a. vegna þess að ekki sé hægt að fá upplýsingar um
röðun einstakra starfsheita úr launakerfunum eins og áður
var. Fjármálaráðherra velur að svara fyrirspuminni, hvað
varðar hjúkrunarfræðinga, með því að bera saman heildar-
laun allra hjúkrunarfræðinga án sundurliðunar eftir stöðu-
heitum og án tillits til vinnutíma og vaktaálags, í janúar
1997 og í janúar 2000. Þetta gefur mjög villandi og rangar
upplýsingar og eftir þessu var ekki spurt.
Hjúkrunarfræðingar eru fjölmennasta háskólamenntaða
starfstéttin í heilbrigðiskerfinu þar sem konur eru í miklum
meirihluta og störf hjúkrunarfræðinga fela í sér mikla
ábyrgð. Hjúkrunarfræðingar hafa á undangengnu samn-
ingstímabili náð ákveðnum árangri og ættu forsvarsmenn
allra launasamtaka í landinu að fagna því. Það skal þó
tekið fram að þótt talsverður árangur hafi náðst, hefur fullri
leiðréttingu þó ekki verið náð þannig að hjúkrunarfræð-
ingar þiggi laun í samræmi við menntun og ábyrgð.
Félag íslenskra hjúkrunarfræðinga skorar á fjármála-
ráðuneytið að endurvinna úttekt sína á heildarlaunaþróun
heilbrigðisstarfsmanna og þá út frá mun fleiri heilbrigðis-
stéttum en gert var og í samráði við samtök þeirra.
f.h. Félags íslenskra hjúkrunarfræðinga,
Herdís Sveinsdóttir, formaður
^KtAiAbo^AÍ/^ArtA
- ný herferð í tengslum við ráð-
stefnu ráðherra aðildarríkja WHO
Ráðstefna ráðherra aðildaríkja WHO varðandi málefni
hjúkrunarfræðinga og Ijósmæðra verður haldin í Munchen í
Þýskalandi 15.-17. júní nk. Með henni gefst einstakt tæki-
færi til að sameina meira en 5 milljónir Ijósmæðra og
hjúkrunarfræðinga sem starfa í Evrópu. í tilefni af ráðstefn-
unni munu Alþjóðaheilbrigðismálastofnunin, WHO, Alþjóða-
samtök hjúkrunarfræðinga, ICN og Alþjóðasamtök Ijós-
mæðra, ICM, efna til herferðar til að bæta heilsu almenn-
ings í löndunum. Tilgangur herferðarinnar er einnig að
leggja áherslu á mikilvægi þessara stétta í heilbrigðiskerfum
landanna og sýna fram á hvað þær geta áorkað varðandi
bætta heilsu allra. í tengslum við ráðstefnuna verður haldin
hátíð þar sem ráðherrar munu undirrita sáttmála þar sem
lofað er stuðningi við að Ijósmæður og hjúkrunarfræðingar
verði leiðandi afl í heilbrigðiskerfinu og að hindrunum sem
vinna gegn því markmiði verði rutt úr vegi.
Öll 51 aðildarríki Evrópudeildar WHO vinna nú í sam-
ræmi við 21 markmið áætlunarinnar Heilsa á 21. öldinni.
96
Tímarit hjúkrunarfræðinga • 2. tbl. 76. árg. 2000