Álit: tímarit löggiltra endurskoðenda - 01.01.1989, Page 5

VÍGLUNDUR ÞORSTEINSSON formaður Félags íslenskra iðnrekenda
EVRÓPUBANDALAGIÐ 1992
I Evrópubandalagið - innri markaður 1992
Markmið
Hvítbók
Samkeppnisstaða íslenskra fyrirtækja
II Samstarf EFTA og Evrópubandalagsins
Almennt
Þriðja leiðin
III SkattkerH - skattamál
ísland
V-Evrópa
IV Fjármagnshreyfmgar og fjármálaþjónusta
Evrópubandalagið
Almennt
Bankastarfsemi
Fjármagnshreyfingar
Gengissamstarf
Staðan á íslandi
Viðbrögð við breytingum á alþjóðlegum markaði
Tillögur iðnrekenda
V Niðurlag
I EVRÓPUBANDALAGIÐ -
SAMEIGINLEGUR MARKAÐUR 1992
Markmið
í upphafi er rétt að taka fram að það er nauðsynlegt að
átta sig vel á því þegar reynt er að meta hver áhrif sam-
eiginlegs markaðar Evrópubandalagsins verða og þá
um leið hvernig við eigum að bregðast við hvað það er
sem knýr áfram þær breytingar sem eru að verða innan
Evrópubandalagsins og kenndar eru við árið 1992. Það
sem einkennir fyrirætlanir þess er að það vill búa at-
vinnulíf aðildarríkjanna undir síharðnandi samkeppni.
Samkeppni sem kemur annars vegar frá Japan og
Bandaríkjunum og hins vegar frá mörgum löndum þar
sem vinnuafl er ódýrt eins og Kóreu og Taiwan og fleiri
löndum í Asíu.
Þessi mikla og vaxandi samkeppni og sú staðreynd að
evrópskt atvinnulíf stóð og stendur á ýmsan hátt höllum
fæti neyddi Evrópubandalagið til að grípa til ráða til að
gera atvinnulífið samkeppnisfært. Grundvöllurinn er
sem sagt óttinn við að Evrópubandalagið verði undir í
alþjóðlegri samkeppni og að atvinnulífið geti ekki stað-
ið undir þeim kröfum um lífsgæði sem íbúar þess gera.
Aætlunin um sameiginlegan markað fyrir árslok 1992
eða svokölluð Hvítbók og Einingarlög Evrópu er svar
Evrópubandalagsins.
Einingarlögin fela í sér frekari staðfestingu settra
markmiða um sameiginlegan markað, aukna pólitíska
samvinnu og breytingar á reglum um afgreiðslu mála í
Ráðherraráðinu. þannig að nú er hægt að afgreiða fleiri
málaflokka á grundvelli meirihlutaákvarðana sem áður
þurfti samhljóða ákvörðun um.
Hvítbók
Hvítbókin er tímasett framkvæmdaáætlun þar sem sett
er niður í smáatriðum hvað þarf að gera til þess að
raunverulegur sameiginlegur markaður verði að veru-
leika. Hvítbókin hefur að geyma um 300 málaflokka
þar sem þarf að setja nýjar reglur eða breyta eldri regl-
um. Sumt hefur þegar verið afgreitt annað er í burðar-
liðnum og enn annað er í undirbúningi. Gangi allt eftir
sem að er stefnt með Hvítbókinni þýðir það að innan
bandalagsins eiga fyrirtæki að geta selt vöru sína hvar
sem er innan þess án þess að rekast á veggi tæknilegra
viðskiptahindrana, ekki verða höft á færslu fjármagns
og bankaþjónustu og fólk getur búið og starfað þar sem
það vill.
5