Álit: tímarit löggiltra endurskoðenda - 01.01.1989, Blaðsíða 29

AÐALSTEINN HÁKONARSON löggiltur endurskoðandi.
ER ALÞJÓÐLEGT SAMRÆMI í
REIKNINGSSKILUM FRAMUNDAN?
KPMG endurskoðunarfyrirtækið stóð fyrir fundi í
Brussel 22. nóvembcr síðastliðinn um alþjóðlegt sam-
ræmi í reikningsskilum, en heiti fundarins var „Inter-
national Financial Reporting Forum." Ofanritaður átti
þess kost að sækja fundinn og verður hér gerð grein fyr-
ir helstu sjónarmiðum sem þar komu fram.
Sérstök nefnd var sett á laggirnar til annast fram-
kvæmd fundarins. Formaður hennar var Dr. André
Zund. prófessor við Hochschule St. Gallen í Sviss. sem
jafnframt stýrði fundinum. Aðrir nefndarmenn voru
Sidney Gray, professor við University of Glasgow. Jan
Klaassen, prófessor við Vrije Universiteit Amsterdam
og Michael A. Diamond deildarforseti við University
of Southern California í Los Angeles og fulltrúi skólans
í SEC og Financial Reporting Institute. Framkvæmda-
stjóri nefndarinnar var Vera A.Boesten frá KPMG Int-
ernational Office í Amsterdam.
Til fundarins voru boðaðir fulltrúar frá EC, IASC.
IOSCO. SEC, FASB og nokkrunt öðrum nefndum og
ráðum sem eiga þátt í að semja staðla um reikningsskil,
m.a. frá Norðurlöndunum. fulltrúar verðbréfamarkaða
og fjármálalegir framkvædastjórar nokkurra stærstu fyr-
irtækja í Evrópum, m.a. frá Alusuisse, Bertelsmann,
CEPSA. Dresdner Bank. Henkel. Moeller. Nokia.
Robeco, Royal Dutch Shell, Sears, Sibelco og Volvo.
Þá sóttu fundinn nokkrir endurskoðendur frá KPMG
og má segja að fulltrúi hafi verið frá flestum Evrópu-
landanna. Nokkrir blaðamenn sóttu einnig fundinn,
þ.á.m. frá íslandi.
Form fundarins var með þeim hætti að þátttakendum
var skipað við borð sem mynduðu stórt U. Stutt erindi
voru síðan flutt um tiltekin málefni og að þeim loknum
beindi prófessor André Zund spurningum fram í salinn
eða til einstakra þátttakenda. Fundurinn var því eins-
konar sambland af rökleiðslum annars vegar og al-
mennum pallborðsumræðum hins vegar.
Fundurinn hófst á umræðu um þörfina á alþjóðlegu
samræmi í reikningsskilum. hvort drög IASC (Alþjóð-
lega reikningsskilanefndin) að staðli nr. 32 (Exposure
Draft 32) væru heppileg í því sambandi eða hvort æski-
legt væri að þrengja þann ramma sem þar er settur
fram. Annar þáttur fundarins snérist um þau atriði sem
fjallað er um í ED 32 en þar bar hæst umræðuna um
Goodwill og hvernig hann cr afskrifaður yfir rekstur.
Þriðji og lokaþáttur fundarins snérist síðan um hvernig
farið yrði að því að ná fram alþjóðlegu samræmi í
reikningsskilum í framtíðinni.
Ekki er hægt að segja að augljósar niðurstöður hafi
komið fram um þessi atriði. Þó er ljóst að nokkur sjón-
armið áttu meira fylgi að fagna en önnur. Mikið hefur
t.d. verið um það rætt af reikningsskilamönnum í Evr-
ópu um nokkurt skeið hvort vinna eigi að sérstökum
Evrópustaðli um samræmi í reikningsskilum, en tilurð
Evrópubandalagsins hefur átt þar ríkan hlut að máli. í
umræðu fundarins um þörfina á alþjóðlegu samræmi í
reikningsskilum kom fram að menn voru yfirleitt mót-
fallnir sérstökum Evrópustaðli og töldu ekki þörf á
slíku. Einnig var það viðhorf áberandi að staðlar mættu
ekki vera of þröngir eða takmarkandi. Rökhyggja og
skynsemi yrðu að fá notið sín þegar það á við.
Nokkurrar varfærni gætti í umræðunni um hvort
IASC staðlarnir væru sá rammi sem vinna ætti út frá
við alþjóðlega samræmingu. Bent var á að til væru fleiri
samtök sem setja staðla á sviði reikningsskila og sér í
lagi var bent á reglur Evrópubandalagsins, sem settar
voru af Efnahagsbandalagi Evrópu á árunum 1978 til
1989, en þar er að finna nokkrar grundvallarreglur sem
skylt er að hlíta í þessum löndum. Talið er að aðiladar-
löndin eigi mörg hver eftir að laga sín reikningsskil bet-
ur að þessum reglum og forðast verði að samningar
þjóða á milli og IASC staðlarnir þróist í gagnstæðar átt-
ir.
Ef alþjóðlegt samræmi í reiknigsskilum á að nást á
grundvelli IASC staðlanna töldu menn að mun fleiri
samtök á sviði reikningsskila og fjármála yrðu að taka
29