Álit: tímarit löggiltra endurskoðenda - 01.01.1989, Blaðsíða 47

fer eftir innra eftirliti fyrirtækis, samsetningu
krafna og mikilvægi þeirra hversu stórt úrtak úr
hópi skuldunauta endurskoðandi velur, eftir
hverju hann velur og hvenær. Endurskoðandi
skal draga saman niðurstöður úr svörum við
fyrirspurnum sínum og leggja mat á þýðingu
þeirra í heild. Ef á skortir að svör fáist skal
beita öðrum aðferðum. Ef endurskoðandi sér
ekki ástæðu til að leita eftir staðfestingum
skuldunauta skal hann rökstyðja það í vinnu-
skjölum sínum.
4.4. Til að kanna hvort allar réttmætar kröfur koma
fram í reikningsskilum getur endurskoðandi
beitt öðrum aðferðum, svo sem:
* Staðfestingum frá skuldunautum sem beint
er til fyrirtækisins.
* Greiningu á reikningshreyfingum. svo sem
innborgunum og kredit-reikningum eftir lok
reikningstímabilsins.
* Skoðun á skjölum sem varða kröfurnar, svo
sem sölureikningum, afhendingarseðlum.
flutningstilkynningum, kvittunum o.s.frv.
4.5. Endurskoðandi skal leggja mat á niðurfærslur
til að mæta kröfum sem kunna að tapast. Með
því er bæði átt við niðurfærslur á kröfum á
hendur einstökum skuldunautum og einnig al-
mennar niðurt'ærslur á kröfum í heild.
4.6. Við athugun á veðsetningum og öðrum kvöð-
um getur endurskoðandi stuðst við upplýsingar
frá lánastofnunum, úr veðmálabókum o.s.frv.
Nóvember 1989.
LEIÐBEINANDI REGLUR UM
ENDURSKOÐUN BIRGÐA:
1. SKILGREINING:
1.1. Með birgðum er átt við allar birgðir verslunar-
vöru, hráefna, vöru í vinnslu og fullunninna af-
urða sem eru í eigu fyrirtækis og ætlaðar til sölu
eða eigin nota. Reglur þessar geta einnig átt við
um rekstrarvörubirgðir.
1.2. I tilteknum fyrirtækjum getur kostnaðarverð
vinnu og þjónustu talist til birgða.
2. ÁBYRGÐ STJÓRNENDA:
2.1. Stjórnendur fyrirtækja bera ábyrgð á að fram
fari viðeigandi skráning og eftirlit með mót-
töku, vörslu og afhendingu vöru í samræmi við
gildandi lög og reglur. Hér er meðal annars átt
við:
* Að haft sé hæfilegt eftirlit með birgðum og
þær nægilega vátryggðar.
* Að birgðir séu tryggilega varðveittar og tald-
ar með hæfilegu millibili.
* Að gerðir séu talningalistar með útreiknuðu
heildarverðmæti og þeir staðfestir.
* Að sérstaklega sé tryggð eðlileg lotun við lok
reikningstímabils að því er vörukaup og vöru-
sölu varðar.
* Að verðmat birgða sé í samræmi við lög og
góða reikningsskilavenju og að aðferðir við
verðmatið og breytingar á þeim komi fram í
skýringum í reikningsskilum. Pannig skulu
birgðir ekki metnar á hærra verði en kostnað-
arverði eða dagverði nema það samræmist
lögum og góðri reikningsskilavenju.
* Að í reikningsskilum komi fram upplýsingar
um veðsetningar birgða og aðrar kvaðir sem
á þeim kunna að hvíla.
2.2. Innra eftirlit fyrirtækis á meðal annars að
tryggja örugga skráningu og eftirlit með birgð-
um sem eru í eigu þess, en varðveittar eru hjá
öðrum, og á sama hátt að vörur annarra í
vörslu fyrirtækisins séu ekki taldar til birgða
þess.
2.3. í fyrirtækjum sem hafa öruggt birgðabókhald
geta talningar farið fram á öðrum tímum en við
lok reikningstímabils.
3. MARKMIÐ ENDURSKOÐUNAR:
Markmið með endurskoðun birgða er að sannreyna:
3.1. Að fyrirtækið beiti nægilega öruggum aðferðum
við skráningu, vörslu, talningu og mat á birgð-
um.
47