Dagblaðið Vísir - DV - 08.03.2016, Blaðsíða 2

Vikublað 8.–10. mars 20162 Fréttir
Allt fyrir raftækni
Yfir 500.000 vörunúmer
Miðbæjarradíó ehf. - Ármúla 17, Reykjavík - www.mbr.is - S: 552-8636
E
f tryggingafélögin hafa of­
áætlað tryggingaskuldir er
eðlilegt að þau lækki iðgjöld
neytenda.“ Þetta kemur fram
á vef Neytendasamtakanna. Þrjú af
fjórum tryggingafélögum hafa til­
kynnt að til standi að greiða veru­
legar fjárhæðir í arð til eigenda
þeirra. Arðgreiðslurnar eru mun
hærri en sem nemur hagnaði síð­
asta árs af tryggingastarfsemi. „Það
lítur því út fyrir að til standi að nota
bótasjóði til að greiða stóran hluta
arðgreiðslunnar.“ Neytendasam­
tökin minna á að það eru neytend­
ur sem hafa greitt í bótasjóðina til
að standa straum af óuppgerðum
tjónum. „Það er með öllu óeðlilegt
að oftekin gjöld séu notuð til að
greiða eigendum arð.“
Samtökin skora, eins og FÍB,
á Bjarna Benediktsson fjármála­
ráðherra að beita sér í málinu, til
varnar neytendum. „Jafnframt
hvetja Neytendasamtökin til þess að
Samkeppniseftirlitið skoði þennan
markað og grípi til nauðsynlegra að­
gerða enda eins og áður segir þá er
um dæmigerðan fákeppnis markað
að ræða.“ Í gær, mánudag, greindi
Eyjan frá því að danskt trygginga­
félag, Tryg, hefði ákveðið að endur­
greiða tryggingartökum jafngildi 14
milljarða króna vegna góðrar af­
komu. Auk þess verði 10 milljarðar
látnir renna til góðra málefna. n
baldur@dv.is
Eðlilegt að
lækka iðgjöld
Danir endurgreiða viðskiptavinum
Skorar á Bjarna Jóhannes Gunnarsson
vill að Bjarni Benediktsson grípi í taumana.
Mikill viðbúnað-
ur vegna slyss á
Reykjanesbraut
Tveir voru fluttir á sjúkrahús upp
úr hádegi í gær, mánudag, vegna
umferðarslyss á Reykjanesbraut.
Slysið varð við Kúagerði, skammt
vestan álversins. Tækjabíll
slökkviliðsins, lögreglubifreið og
tvær sjúkrabifreiðar voru sendar
á vettvang. Samkvæmt upplýsing­
um frá Brunavörnum Suðurnesja
var um aftanákeyrslu að ræða.
Jeppabifreið var ekið aftan á
aðra jeppabifreið, sem var með
kerru í eftirdragi, með þeim af­
leiðingum að bifreiðarnar skullu
saman. Bifreiðarnar enduðu svo
utan vegar til móts við byggðina í
Hvassahrauni. Meiðsli beggja bíl­
stjóra reyndust minniháttar.
Alvogen kaupir
County Line
Lyfjafyrirtækið Alvogen tilkynnti
í gær, mánudag, um fyrirhuguð
kaup á bandaríska lyfjafyrirtæk­
inu County Line. Samkvæmt
frétt á vef Alvogen eiga kaupin að
skapa tækifæri til áframhaldandi
vaxtar fyrirtækisins í Bandaríkj­
unum sem sé stærsti einstaki
markaður þess. Árlegar tekjur
County Line séu yfir 13 milljarðar
króna og að fyrirtækið sérhæfi sig
í sölu lyfja sem séu flókin í þróun.
„Fólk er að veikjast
af hinu og þessu“
n Inflúensa, RS-vírus og nóróveira herja á landsmenn n Stefnir í metár smits
S
amkvæmt tölum á heimasíðu
Landlæknisembættisins hafa
ekki verið fleiri skráð tilvik
um mögulegt inflúensusmit
hérlendis síðan árið 2010.
Alls hafa heilbrigðisstofnanir tilkynnt
um rúmlega 450 tilvik í síðustu viku
eins og sjá má á meðfylgjandi línuriti
af vef Landlæknisembættisins. „Við
náðum líklega toppnum í þar síðustu
viku. Tölurnar sem ég fékk varðandi
síðustu viku virðast benda til þess að
tilvikunum hafi fækkað aðeins. Það
er of snemmt að meta hvort um met­
fjölda tilvika er að ræða, það ræðst af
því hversu lengi þetta ástand varir.
Toppurinn er hins vegar ansi hár í
ár,“ segir Guðrún Sigmundsdóttir,
yfirlækn­ ir hjá sótt­
vörnum land­
læknis.
Verðum veik af hinu og þessu
Inflúensan sem nú geisar er af svoköll­
uðum A­stofni en þó hafa verið skráð
tilvik af B­stofni veirunnar. „B­stofn­
inn hefur blossað upp á nokkurra ára
fresti. Síðast af krafti 2012–2013 og þá
í kjölfar A­stofnsins. Tíminn þarf að
leiða í ljós hvort það gerist í ár,“ segir
Guðrún og bendir á að það sé ekki
aðeins inflúensan sem ber ábyrgð
á því að landsmenn leggist í rúmið.
„Það er allt vaðandi í RS­veiru og það
virðist ekki vera lítill faraldur. Fólk er
að veikjast af hinu og þessu,“ segir
Guðrún og bendir á að bráðsmitandi
nóróveira hafi látið á sér kræla með
tilheyrandi, uppköstum eða niður­
gangi, nema hvort tveggja sé.
Bóluefnið kláraðist
Það vekur athygli að inflúensu­
faraldurinn sé svona kraftmikil
í ljósi þess að landsmenn voru
duglegir að fara í svokallaðar
flensusprautur. Svo duglegir að
bóluefnið kláraðist hérlendis og
varð að grípa til þess að panta inn
aukabirgðir af því. Þá kláruðust
birgðirnar af lyfinu Tamiflu í apó­
tekum landsins og því varð Land­
læknisembættið að grípa inn í með
því nota af neyðarbirgðum sínum.
Tamiflu er notað þegar um staðfest
inflúensusmit er að ræða og stytta
þann tíma sem veikindi standa yfir
í um það bil sólarhring.
Hagur af rafrænu skráningarkerfi
Alls hafa 30 manns fengið svo slæm
einkenni að þeir hafa verið lagðir
inn á spítala. Blessunarlega verða
þó ekki allir svo veikir að þeir
leiti sér læknisaðstoðar og því er
ómögulegt að meta hversu stór
hluti þjóðarinnar hefur lagst veikur
undanfarnar vikur. Í því samhengi
segir Guðrún að mikill hagur væri af
rafrænu skráningarkerfi þar sem þeir
einstaklingar sem liggi veikir heima
myndu skrá inn veikindi sín og ein­
kenni. „Slíkt kerfi þekkist til dæmis í
Svíþjóð. Tölurnar eru auðvitað ekki
hundrað prósent áreiðanlegar en
gefa ákveðna hugmynd,“ segir Guð­
rún. n
Björn Þorfinnsson
bjornth@dv.is
Flensa Líklega hafa margir landsmenn lagst veikir í rúmið undanfarnar vikur.
Guðrún Sigmundsdóttir Segir of
snemmt að meta hvort um metár sé að
ræða varðandi inflúensusmit en vissulega
sé toppurinn ansi hár í ár.
Fjöldi með inflúensulík einkenni eftir vikum
og ári frá 40. viku 2010 til 8. viku 2016
n 2011–2012
n 2012–2013
n 2013–2014
n 2014–2015
n 2015–2016