Dagblaðið Vísir - DV - 08.03.2016, Blaðsíða 6
6 Fréttir Vikublað 8.–10. mars 2016
Nýtt verðmat á
Borgun, sem tekur
ekki tillit til millj-
arðagreiðslnanna
vegna sölu Visa
Europe, sýnir að
0,3% hlutur í fyrir-
tækinu er metinn á:
Frá 57 millj-
ónum til
78 milljóna
króna
Seldi í Borgun á sama
verði og Landsbankinn
n Sparisjóður Austurlands skoðar sölu sína á 0,3% í Borgun n „Aldrei minnst á neinn valrétt“
S
tjórnendur Sparisjóðs
Austur lands fóru að fordæmi
Landsbankans þegar þeir
seldu 0,3% hlut í Borgun til
æðstu stjórnenda greiðslu-
kortafyrirtækisins á gamlársdag
2014. Seldu þeir bréfin, sem í dag
eru metin á að lágmarki 57 milljón-
ir króna, á gengi sem Landsbankinn
hafði fallist á rúmum mánuði áður og
fengu fyrir þau 22,5 milljónir.
Líkt og Landsbankinn gerðu
stjórnendur sparisjóðsins enga fyrir-
vara um hlutdeild í milljarðagreiðsl-
unni sem Borgun á von á vegna sölu
Visa Europe. Stjórn sjóðsins bíður nú
niðurstöðu Landsbankans um hvort
hann muni leita réttar síns.
„Við enduðum á að selja á sama
gengi og Landsbankinn og töldum að
þar með værum við að fá gott verð,
stærsti banki landsins hefði skoðað
þetta vel. Við fylgjumst nú með þessu
máli og metum það jafnóðum og
nýjar upplýsingar koma fram,“ segir
Vilhjálmur G. Pálsson, sparisjóðs-
stjóri Sparisjóðs Austurlands.
Hækkuðu tilboðið
Sparisjóður Austurlands, þá Spari-
sjóður Norðfjarðar, fékk fyrst tilboð í
0,3% í febrúar 2013. Einkahlutafélag-
ið BPS, sem er í eigu tólf æðstu stjórn-
enda greiðslukortafyrirtækisins,
gerði þá sparisjóðnum tilboð upp á
2,77 krónur á hlut eða tæpar fjórar
milljónir króna. Að sögn Vilhjálms
hafnaði sparisjóðurinn einnig öðrum
og hærri tilboðum sem BPS gerði
síðar í bréfin. Í desember 2014, rúm-
um mánuði eftir að Landsbankinn
seldi 31,2% hlut í Borgun á 2,2 millj-
arða króna í lokuðu söluferli, komust
stjórnendur sparisjóðsins og stjórn-
endahópur Borgunar að samkomu-
lagi um sölu á genginu 15,56 krónur
á hlut.
„Stefnan hjá okkur er og hefur
verið að losa út alla eignarhluti í fé-
lögum og við töldum að Landsbank-
inn væri búinn að skoða þetta mál
ofan í kjölinn. Hann gerir þau mis-
tök að fara ekki með þetta í opið sölu-
ferli. Síðan hafa auðvitað vaknað upp
spurningar um hvort stjórnendur
Borgunar hafi búið yfir einhverjum
innherjaupplýsingum,“ segir Vil-
hjálmur og heldur áfram:
„Það er auðvitað liðinn svolítill
tími síðan salan fór fram og Borgun
hefur síðan þá farið af krafti út í er-
lenda færsluhirðingu. En það er
spurning hvort þetta hafi verið eðli-
legt verðmat á sínum tíma. Við
töldum óhætt að selja á þessu gengi
en við vorum búin að vera með bréf-
in í sölu hjá Íslenskum verðbréfum
og BPS var búið að sýna þeim áhuga
áður og bjóða í þau nokkrum sinnum
og hækka tilboðið.“
Vissu ekki af valréttinum
Vilhjálmur segir stjórn sparisjóðs-
ins skoða stöðu sína og að fram-
haldið ráðist af því hvort Landsbank-
inn komi til með að leita réttar síns.
Steinþór Pálsson, bankastjóri Lands-
bankans, hefur sagt að það verði gert
komi í ljós að upplýsingum tengdum
valréttarákvæði milli Visa Inc. og
Visa Europe, sem tryggir Borgun 6,5
milljarða króna auk afkomutengdrar
greiðslu árið 2020, þegar og ef salan á
Visa Europe gengur í gegn, hafi verið
haldið frá bankanum í söluferlinu.
„Það var aldrei minnst á neinn val-
rétt við okkur og að hann væri yfirleitt
til. Ég er búinn að taka saman tíma-
línuna í öllum tilboðunum og hvað
var tekið fyrir á stjórnarfundum og
við munum skoða þetta. Bankasýsla
ríkisins er að skoða söluna á hlut
Landsbankans, eins og komið hef-
ur fram í fjölmiðlum, og ríkið á 49%
í okkur og því með tvo stjórnarmenn
hér inni. Við erum búin að ræða þetta
við þá og þeir vita af þessari sölu hjá
okkur,“ segir Vilhjálmur.
„Það segir sig sjálft að maður
myndi glaður vilja eiga bréfin miðað
við verðmæti þeirra í dag. Bréfin
myndu í dag skipta miklu máli fyrir
lítinn sparisjóð eins og okkar,“ segir
Vilhjálmur.
Vildu Eyjahlutinn
Borgun fékk, eins og komið hefur
fram, KPMG til að verðmeta fyrir tækið
í október 2015 og var niðurstaðan 19
til 26 milljarðar króna. Verðmatið tók
ekki til milljarðanna sem koma til
með að renna til Borgunar vegna Visa
Europe. Morgunblaðið fjallaði í apr-
íl 2015 um ítrekaðar tilraunir eigenda
BPS til að kaupa 0,4% hlut Sparisjóðs
Vestmannaeyja í Borgun áður en
hann rann inn í Landsbankann í mars
sama ár. Bréfin voru á endanum seld
öðru félagi í opnu söluferli. BPS keypti
6,24% hlut í Borgun af Landsbankan-
um í nóvember 2014 og Eignarhalds-
félagið Borgun 24,96%. n
Þrefaldast
í virði
Sparisjóður
Austurlands fær
fyrsta tilboðið frá
BPS í febrúar 2013
upp á:
4,4 milljónir
króna
Salan á 0,3% hlutnum
gengur í gegn á gaml-
ársdag 2014 og fær
þá sparisjóðurinn:
22,5 milljónir
króna
Haraldur Guðmundsson
haraldur@dv.is
Forstjóri Borgunar Haukur Oddsson
er hluthafi í Borgun í gegnum BPS og
Eignarhaldsfélagið Borgun.
„Bréfin
myndu í dag
skipta miklu máli
fyrir lítinn spari-
sjóð eins og okkar
Sparisjóðsstjórinn
Vilhjálmur G. Pálsson
segir stjórn Sparisjóðs
Austurlands fylgjast
náið með framvindu
mála sem tengjast
sölu á eignarhlutum í
Borgun.
Seldi í Borgun Rúmum tveimur vikum eftir að sala Sparisjóðs Norðfjarðar á 0,3% hlut i Borgun gekk í gegn, í janúar 2015, var ákveðið að hlutafélagavæða sjóðinn. Tók hann þá upp nafnið Sparisjóður Austurlands. Mynd AuSturFrétt / GunnAr
Atvinna í boði á einum
skemmtilegasta
vinnustað landsins
DV óskar eftir góðu og jákvæðu símasölufólki
Umsóknir sendist á magnushelgi@dv.is
→ Söluhæfileikar eru mjög mikilvægir → Ófeimin/n að tala við
fólk í gegnum síma → Reynsla af svipuðum störfum er kostur
Laun eru árangurstengd. Góð laun í boði fyrir góðan og duglegan sölumann.